បើទោះបីជាមានការកើនឡើងនូវកត្តាជាច្រើន ដែលបានបញ្ជាក់អំពីការដាក់លក់ជាសកលនៃស្មាតហ្វូន Nokia X6 ក៏ដោយ តាមរយៈវេបសាយផ្លូវការ និងការទទួលបានវិញ្ញាប័នប័ត្រជាច្រើននៅតៃវ៉ាន់កាលពីពេលថ្មីៗនេះ បញ្ជាក់ថា ក្រុមហ៊ុនបច្ចេកវិទ្យា HMD Global បញ្ជាក់ជាផ្លូវការអំពីវត្តមានរបស់ស្មាតហ្វូននេះ នៅក្នុងទីផ្សារបណ្តាប្រទេសជាច្រើនផ្សេងទៀត។ យោងតាមរយៈការបញ្ចេញពីគេហទំព័រ Support Page បង្ហាញ ក្រុមហ៊ុន HMD បានត្រៀមក្នុងការដាក់លក់នៅក្នុងទីផ្សារ នៅក្នុងប្រទេសឥណ្ឌាហើយ។
វត្តមានរបស់សារមួយនេះ បានអនុញ្ញាតឱ្យអ្នកដែលចាប់អារម្មណ៍ក្នុងការទិញស្មាតហ្វូននេះ អាចមើលនូវព័ត៌មានលម្អិតរបស់ស្មាតហ្វូននេះជាមុនបានយ៉ាងស្រួល។ ព័ត៌មានខាងលើនេះ ក៏មានបញ្ជាក់ពីការប្រើប្រាស់នូវកាមេរ៉ា Pro camera mode ពីមួយជំហានទៅមួយជំហានផងដែរ។ ក្រៅពីនេះ ក៏មាន PDF version ដែលបញ្ជាក់ថា ក្រុមហ៊ុន HMD Global ធ្វើការតេស្ត៍ទៅលើសមត្ថភាពរបស់ស្មាតហ្វូនសម្រាប់ទីផ្សារនៅក្នុងប្រទេសឥណ្ឌាទៀតផង។
ស្មាតហ្វូននេះ ក៏ធ្វើការពង្រីកទៅលើរលកសញ្ញាវិទ្យា radio waves ដែលចេញផ្សាយដោយនាយកដ្ឋានទូរគមនាគមន៍ផងដែរ។ ប៉ុន្តែរហូតមកដល់ពេលនេះ ក្រុមហ៊ុនបច្ចេកវិទ្យា HMD Global នៅមិនទាន់បញ្ជាក់អំពីគម្រោងនៃការបង្ហាញស្មាតហ្វូននេះនៅក្នុងប្រទេសឥណ្ឌានោះទេ គឺនៅមិនទាន់ច្បាស់អំពីលក្ខណៈសម្បត្តិរបស់ស្មាតហ្វូននេះ នៅឡើយទេ។
ទោះជាយ៉ាងណាក៏ដោយ ព័តមាននេះ គឺប្រហែលជាមិនមានការផ្លាស់ប្តូរនោះទេទៅលើលក្ខណៈសម្បត្តិរបស់ Nokia X6 នេះនោះទេ គឺប្រហែលជាប្រើប្រាស់នូវបន្ទះឈីប Qualcomm Snapdragon 636 រ៉េមទំហំ 4GB និងម៉េមូរីក្នុងម៉ាស៊ីនទំហំ 32GB ក្នុងនោះស្មាតហ្វូននេះ ក៏មានប្រភេទរ៉េមទំហំ 6GB និងម៉េមូរីទំហំ 64GB ផងដែរ។ នៅក្នុងពេលបច្ចុប្បន្ននេះ សម្រាប់ជំនាន់របស់ស្មាតហ្វូន Nokia X6 លក្ខណៈអន្តរជាតិនោះត្រូវគេរំពឹងថា នឹងបង្ហាញខ្លួននៅខែក្រោយនេះ ជាមួយនឹងប្រព័ន្ធប្រតិបត្តិការ Android 8.1 Oreo ដែលស្ថិតនៅក្នុងគម្រោង Android One នោះ៕
