អ្វីដែលធ្វើឲ្យប្រជាជននៅទីក្រុងប៉ារីស ក៏ដូចនៅជុំវិញពិភពលោកមានការភ្ញាក់ផ្អើលចំពោះផលិតផលនៃក្រុមហ៊ុន OPPO នោះ គឺ OPPO Find X ដែលបានធ្វើការសម្ពោធនា ថ្ងៃទី 19 មិថុនានេះ។ ម៉ូដែលថ្មីរបស់ OPPO មួយនេះ ប្រើប្រាស់នូវការរចនាតួខ្លួនជាលក្ខណៈ Gradient Design (ប្រដេញពណ៌) ហើយនឹងបានបំពាក់នូវបច្ចេកវិទ្យាទំនើបៗ ដែលធ្វើឲ្យអេក្រង់របស់ស្មាតហ្វូននេះនៅលាតពេញលើផ្ទៃទូរស័ព្ទទាំងមូល សឹងតែគ្មានសល់គែម ចំណែកកាមេរ៉ារបស់ស្មាតហ្វូននេះ ទាំងខាងមុខ និងខាងក្រោយត្រូវបានបង្គាប់នៅក្នុងទូរស័ព្ទតែម្តង។
កាមេរ៉ាសម្រាប់ថតស៊ែលហ្វីដែលមានឈ្មោះថា "Stealth 3D" នឹងលៀនចេញមកក្រៅនៅពេលដែលអ្នកប្រើកម្មវិធីថតប៉ុណ្ណោះ ហើយនឹងលឹបបាត់ទៅវិញពេលដែលអ្នកបិទកម្មវិធីថតស៊ែលហ្វី ហើយវាមានទំហំ 25 មេហ្គាភិចស៊ែល។ ចំណែកឯកាមេរ៉ាខាងក្រោយមានចំនួន 2 គ្រាប់ មាទំហំ 20 មេហ្គាភិចស៊ែលនិង 16 មេហ្គាភិច សែល។ អេក្រង់របស់វាក៏មិនចាញ់ស្មាតហ្វូនផ្សេងៗ ដែលកំពុងលក់លើទីផ្សារផងដែរ ម៉ូដែលនេះមានអេក្រង់កោងគែមទាំងសងខាងតែម្តង ដូច្នេះ អ្នកអាចមើលរូបភាពបានធំជាងមុនជាមួយនឹងអេក្រងទំហំ 6.4 អ៊ីង។ អេក្រង់នេះគឺគ្រប់ដណ្តប់រហូតដល់ទៅ 93.8% នៃផ្នែកខាងមុខរបស់ទូរស័ព្ទទៅហើយ។
ចំពោះប្រព័ន្ធសុវត្ថិភាពវិញ ក្រុមហ៊ុនក៏បានបំពាក់នូវកម្មវិធី 3D face ដើម្បីដោះសោទូរស័ព្ទ បានយ៉ាងរហ័សបំផុត ដោយមិនប្រកាន់ថាពន្លឺតិចឬខ្លាំងទេ។ កម្មវិធីនេះធ្លាប់ត្រូវបានគេនិយាយថាអាចរក្សាសុវត្ថិភាពបានយ៉ាងល្អជាមួយហ្នឹង OPPO R15Pro ដែលបានចេញលក់នាពេលថ្មីៗនេះ។
បើនិយាយពីផ្នែកខាងក្នុងវិញ OPPO Find X ត្រូវបំពាក់ដោយរ៉េមមានទំហំ 8 GB អង្គផ្ទុកទិន្ន័យជាប់នឹងម៉ាស៊ីនរហូតដល់ទៅ 256 GB ហើយក៏មានបំពាក់នូវ Qualcomm Snapdragon 845 ដែលធ្វើឲ្យវាដំណើរការលឿនជាមុន ព្រមទាំងអាចប្រើជាមួយកម្មវិធីថ្មីៗបានច្រើន។ រីឯថាមពលថ្មវិញ Find X មានកំលាំងថ្ម 3730 mAh ហើយបានភ្ជាប់មកជាមួយនូវបច្ចេកវិទ្យាសាកថ្មលឿន VOOC។ ហើយអ្វីកាន់ដែរតែពិសេសជាងនេះ ទៀតនោះ Find X ក៏បានសហការណ៍ជាមួយនឹងក្រុមហ៊ុនរថយន្ត Lamborghini ហើយនឹងចេញលក់នូវម៉ូដែល Find X Lamborghini Edition ដែលមានអង្គផ្ទុកទិន្នន័យរហូតដល់ 512 GB និងបច្ចេកវិទ្យាសាកថ្មកំពូលលឿនគឺ Super VOOC ដែលមានសមត្ថភាពសាកថ្មដែលមានទំហំ 3400mAh ពី ០%ដល់ 100 %ក្នុងរយៈពេល៣ 5នាទីតែប៉ុណ្ណោះ។
OPPO Find X មាន 9 គឺ ក្រហមនិងខៀវ ដែលតម្លៃរបស់វាគឺ 999 អ៊ឺរ៉ូ ចំណែកឯ Find X Lamborghini Edition វិញ គឺមានតម្លៃរហូតដល់ 1699 អ៊ឺរ៉ូ បើគិតជាដុល្លាអាមេរិកជិត 2000 ដុល្លារ។ បន្ទាប់ពីឃើញនូវលក្ខណៈពិសេសរបស់ តើលោកអ្នកចាប់អារម្មណ៍ចង់ប្រើទេ? OPPO Find X នឹងដាក់លក់លើទីផ្សារអឺរុបនៅក្នុងខែសីហានេះ ហើយ។ យើងនៅមិនទាន់ច្បាស់ថា តើក្រុមហ៊ុន OPPO នឹងយកម៉ូដែលមួយនេះមកលក់ក្នុងទីផ្សារប្រទេសកម្ពុជា ដែរ ឬយ៉ាងណា មានតែរងចាំតាមដានទាំងអស់គ្នា៕