ក្រុមហ៊ុន Apple ត្រូវបានគេរំពឹងថានឹងនាំយកនូវការ Upgrade ដ៏ធំបំផុតមួយសម្រាប់នាឡិកាឆ្លាតវៃជំនាន់ថ្មី Apple Watch 4 របស់ខ្លួននារដូវស្លឹកឈើជ្រុះនេះជាមួយនឹងស៊េរីនាឡិកាដែលមានទំហំរូបរាងដូចគ្នាទៅនឹងជំនាន់មុនដែរ ប៉ុន្តែវានឹងមានអេក្រង់ធំជាងមុន ការប្រើប្រាស់មានល្បឿនលឿនជាងមុន និងបំបាក់ឧបករណ៍វាស់ស្ទង់ (accurate Sensor) ត្រឹមត្រូវជាងមុន រួមនឹងមុខងារថ្មីៗមួយចំនួនទៀត។ ខណៈពេលគេមិនមានព័ត៌មានផ្លូវការណ៍អំពីការកំណត់តម្លៃច្បាស់លាស់នៅឡើយសម្រាប់ Apple Watch 4 ប៉ុន្តែគេដឹងថា ក្រុមហ៊ុន Apple បានធ្វើយ៉ាងល្អដើម្បីធ្វើការស្ទង់មតិមួយចំនួនអំពីរបៀបដែលក្រុមហ៊ុននឹងគ្រប់គ្រងការចាប់ផ្តើមចេញលក់។
ឧទាហរណ៍៖ កាលពីឆ្នាំមុនពេលក្រុមហ៊ុនចាប់ផ្ដើមចេញលក់ Apple Watch 3 ហើយក្រុមហ៊ុនបានទម្លាក់តម្លៃស៊េរី Watch 2 និងបានចាប់ផ្តើមចេញលក់ស៊េរី Watch 3 ដែលមានតម្លៃប្រហាក់ប្រហែលគ្នានឹងស៊េរី Watch 2 ដែរ។ ហើយបន្ទាប់មកបានដាក់ចេញនាឡិកាស៊េរី Watch 1 ជាជម្រើសដែលមានតម្លៃសមរម្យសម្រាប់អ្នកប្រើប្រាស់ទូទៅអាចមានលទ្ធភាពទិញបាន។ ហើយឆ្នាំនេះ Apple អាចនឹងប្រើយុទ្ធសាស្ត្រដូចគ្នានេះនៅពេលបញ្ចេញលក់ Apple Watch 4 នឹងអាចទម្លាក់តម្លៃស៊េរី Watch3 និងចាប់ផ្តើមលក់ស៊េរី Watch 4 ក្នុងតម្លៃប្រហាក់ប្រហែលគ្នានឹង Watch 3 ហើយផ្តល់ជូនម៉ូដែលស៊េរី Watch 2 ជាជម្រើសមានតម្លៃថោកសមរម្យដូច Watch 1 វិញម្តង។
តម្លៃទាំងអស់នេះ គឺជាតម្លៃមូលដ្ឋានសម្រាប់ម៉ូដែល Aluminum Sport ស្របដែលម៉ូដែល Stainless Steel អាចមានតម្លៃចាប់ពី $600 ឡើងទៅ និងម៉ូដែល Ceramic នឹងចេញលក់ក្នុងតម្លៃចាប់ពី $1,300។ លោក Ming Chi kuo ដែលជាអ្នកវិភាគ និងជាអ្នកផ្តល់ព័ត៌មានច្បាស់ការណ៍ដ៏ល្បីល្បាញមួយរូបបានអោយដឹងថា “Apple នឹងប្រារព្ធព្រឹត្តិការណ៍ប្រកាសបង្ហាញចេញនាឡិកា Watch 4 និងសមត្ថផលថ្មីៗរបស់ខ្លួននៅក្នុងខែកញ្ញាខាងមុខនេះ ហើយការប្រកាសចេញលក់នឹងចាប់ផ្តើមធ្វើឡើងនៅរយះពេលពីរសប្តាហ៍បន្ទាប់”។ លោក Ming Chi Kuo បានបញ្ជាក់ទៀតថា “ការប្រកាសចេញនឹងធ្វើឡើងនៅពាក់កណ្តាលខែកញ្ញា ហើយការចេញលក់នឹងចាប់ផ្តើមធ្វើឡើងនៅដើមខែតុលាឆ្នាំ 2018 នេះតែម្តង”៕
ខាងក្រោមនេះគឺជាតម្លៃរបស់ Apple Watch 4 ដែលបានព្យាករណ៍ទុកមុន៖
-Apple Watch Series 4 ខ្នាត 42mm ម៉ូដែលប្រើស៊ីម (Cellular) តម្លៃប្រហែល $430
-Apple Watch Series 4 ខ្នាត 38mm ម៉ូដែលប្រើស៊ីម (Cellular) តម្លៃប្រហែល $400
-Apple Watch Series 4 ខ្នាត 42mm ម៉ូដែលប្រើប្រព័ន្ធ GPS តម្លៃប្រហែល $360
-Apple Watch Series 4 ខ្នាត 38mm ម៉ូដែលប្រើប្រព័ន្ធ GPS តម្លៃប្រហែល $330