នៅកំឡុងពេលដែលក្រុមហ៊ុន HMD Global បង្ហាញនូវស្មាតហ្វូនស៊េរីថ្មី Nokia X6 នៅក្នុងខែមេសានោះ ក្រុមហ៊ុននេះបានបញ្ជាក់ថា ខ្លួននឹងបង្ហាញនូវពណ៌ថ្មីជាច្រើនទៀតសម្រាប់អ្នកប្រើប្រាស់ដូចជា Dark Blue, Stark Black និង Polar White ។ ចាប់ផ្តើមពីថ្ងៃនេះ ស្មាតហ្វូន Nokia X6 ព័ណ៌ Polar White edition អតិថិជន អាចរកទិញបាននៅលើគេហទំព័រ Nokia នៅក្នុងប្រទេសចិនហើយ ជាមួយនឹងតម្លៃ 1,699 Yuan ($257) ។
ស្មាតហ្វូន Nokia X6 Polar White នេះ មានម៉េមូរីក្នុងម៉ាស៊ីនទំហំ 64GB និងរ៉េមទំហំ 6GB។ ស្មាតហ្វូននេះ ប្រើប្រាស់នូវកញ្ចក់ការពារ Gorilla Glass panels នៅផ្នែកខាងមុខ និងផ្នែកខាងក្រោយរួមជាមួយនឹងគែមធ្វើពីលោហធាតុយ៉ាងស្រស់ស្អាត។ ស្មាតហ្វូននេះមានអេក្រង់ទំហំ 5.8-inch IPS LCD ហើយវាមាន Notch ដែលទ្រទ្រង់នូវកម្រិតភាពច្បាស់ FHD+ ដល់ទៅ 2280 x 1080 pixels និងកម្រិត aspect ratio ដល់ទៅ 19:9 ថែមទៀត។
ស្មាតហ្វូន Nokia X6 ប្រើប្រាស់នូវបន្ទះឈីប Snapdragon 636 chipset ។ ផ្នែកខាងក្រោយរបស់ស្មាតហ្វូននេះភ្ជាប់ជាមួយនឹងប្រព័ន្ធកាមេរ៉ាភ្លោះដែលមានកាមេរ៉ាទំហំ 16-megapixel primary sensor និងទំហំ 5-megapixel secondary sensor ។ ស្មាតហ្វូននេះមានកាមេរ៉ាខាងមុខទំហំ 16-megapixel sensor ។ ស្មាតហ្វូននេះប្រើប្រាស់នូវប្រព័ន្ធប្រតិបត្តិការ Android 8.1 Oreo ។ ក្រុមហ៊ុនបច្ចេកវិទ្យាហ្វាំងឡង់នេះបញ្ជាក់ថា ស្មាតហ្វូននេះនឹងមានការ Update ទៅកាន់ប្រព័ន្ធប្រតិបត្តិការ Android P នៅឆ្នាំនេះ។ ស្មាតហ្វូននេះមានថាមពលថ្មទំហំ 3,060mAh និងទ្រទ្រង់នូវប្រព័ន្ធ 18W fast charging ផងដែរ។
សម្រាប់ព័ត៌មានចុងក្រោយបំផុតទម្លាយថា ក្រុមហ៊ុននេះ ក៏បានត្រៀមខ្លួនក្នុងការដាក់លក់ស្មាតហ្វូននេះ នៅជុំវិញពិភពលោកផងដែរ។ ស្មាតហ្វូន X6 ត្រូវគេរំពឹងថា នឹងមានឈ្មោះហៅថា Nokia 6.1 Plus សម្រាប់ទីផ្សារជាច្រើនទៀតនៅជុំវិញពិភពលោកនោះ។ ចាប់ផ្តើមពីថ្ងៃទី 19 ខែកក្កដានេះ ហុងកុងគឺជាកន្លែងមួយសម្រាប់ការចាប់ផ្តើមលក់ស្មាតហ្វូន Nokia X6 នេះ។ ស្មាតហ្វូននេះត្រូវគេរំពឹងថានឹងដាក់លក់ទៅកាន់ទីផ្សារជាច្រើននៅក្នុងប៉ុន្មានសប្តាហ៍ខាងមុខនេះ។
ក្រុមហ៊ុន HMD Global បានត្រៀមខ្លួនក្នុងការរៀបចំនូវព្រឹត្តិការណ៍មួយនៅថ្ងៃស្អែកនេះ នៅក្នុងការបង្ហាញវត្តមានរបស់ស្មាតហ្វូន Nokia X5 ផងដែរ។ ពាក្យចចាមារ៉ាមជាច្រើន បានបញ្ជាក់ថា ក្រុមហ៊ុនក៏ត្រៀមប្រកាសបង្ហាញស្មាតហ្វូន Nokia X7 ដែលប្រើប្រាស់នូវបន្ទះឈីប Snapdragon 710 ផងដែរនៅឆ្នាំនេះ៕
