ក្រុមហ៊ុន oppo ទើបតែប្រកាសបង្ហាញនូវវត្តមានស្មាតហ្វូនស៊េរីថ្មីរបស់ខ្លួននោះគឺ Reno Ace និង oppo K5 ប៉ុន្តែនេះនៅមិនទាន់អស់នោះទេនៅក្នុងថ្ងៃនេះ។ ក្រុមហ៊ុនផលិតស្មាតហ្វូនរបស់ចិននេះក៏ប្រកាសបង្ហាញនូវវត្តមានរបស់ស្មាតហ្វូន Reno Ace 40th Anniversary Edition សម្រាប់អបអរខួបលើកទី 40 របស់ខ្លួនផងដែរ។
ស្មាតហ្វូន Reno Ace 40th Anniversary Edition របស់ oppo នេះប្រើប្រាស់នូវពណ៌ដ៏ស្រស់ស្អាតដែលមានការបញ្ចូលគ្នាដូចជាពណ៌ក្រហម ពណ៌ស និងពណខៀវ នេះបើតាមការបញ្ជាក់របស់ក្រុមហ៊ុន oppo។ យើងក៏ឃើញនូវ Texture នៅលើកញ្ចក់នៅផ្នែកខាងក្រោយរបស់ស្មាតហ្វូននេះផងដែរ។ នៅផ្នែកខាងក្រោមនៃផ្នែកខាងក្រោយនេះមានភ្ជាប់ជាមួយនឹង Gundam Avadar ។
នៅក្នុងពេលដូចគ្នានេះ ក្រុមហ៊ុនបច្ចេកវិទ្យា oppo ក៏បញ្ចេញនូវសម្បក Case ការពារសម្រាប់ស្មាតហ្វូនម៉ូឌែលពិសេសនេះផងដែរ។ ស្មាតហ្វូនម៉ូឌែលថ្មី Reno Ace Special Edition នេះគឺមានលក្ខណៈដូចគ្នាទៅនឹងម៉ូឌែលធម្មតាដែរ។ ស្មាតហ្វូននេះមានអេក្រង់ 6.5-inch 90Hz e-sports បន្ទះឈីប Snapdragon 855 Plus រ៉េមទំហំ 8GB និងម៉េមូរីទំហំ 256GB។ បើនិយាយអំពីកាមេរ៉ាវិញនោះ ស្មាតហ្វូននេះមានកាមេរ៉ាខាងមុខទំហំ 16MP និងកាមេរ៉ាខាងក្រោយ 4 គ្រាប់ដែលមានទំហំ 48MP+13MP ultra wide angle+8MP telephoto2MP depth sensor។
ស្មាតហ្វូនស៊េរីថ្មីនេះទ្រទ្រង់នូវបច្ចេកវិទ្យាបញ្ចូលថាមពលថ្មលឿន 65W SuperVOOC super flash charging ថែមទៀត។ ស្មាតហ្វូននេះមានថាមពលថ្មដែលមានទំហំ 4000mAh ដែលបញ្ចូលថាមពលថ្មពេញត្រឹមតែ 30 នាទីប៉ុណ្ណោះ។ នៅក្នុងការបញ្ចូលថាមពលថ្ម 5 នាទីនោះ វាអាចប្រើប្រាស់បាន 2 ម៉ោងទៅ 6 ម៉ោង។ ស្មាតហ្វូនស៊េរីថ្មី oppo Reno Ace 40th Anniversary Edition នេះនឹងមានចំនួនផលិតត្រឹមតែ 30000 គ្រឿងប៉ុណ្ណោះ។ ស្មាតហ្វូននេះមានតម្លៃ 3599 យ័ន ($505)៕
