Galaxy S11 series និងមានកាមេរ៉ាខាងមុខ 3 គ្រាប់ យោងតាមប៉ាតង់ថ្មីដែល Samsung បានស្នើរមកកាន់ការិយាល័យកម្មសិទ្ធិបញ្ញាកូរ៉េ

ក្រុមហ៊ុនបច្ចេកវិទ្យាយក្ស Samsung ទើបតែប្រកាសចេញញនូវវត្តមាននៃប្រភេទជាច្រើននៃអេក្រង់ដែលមាន Notch ផ្សេងៗគ្នាជាច្រើនដូចជាប្រភេទការឌីស្សាញដែលមានអេក្រង់ punch-hole ដែលប្រើប្រាស់នៅលើស្មាតហ្វូនត្រកូល Samsung Galaxy S10 series ។ នៅក្នុងពេលនេះ ក្រុមហ៊ុននេះ ត្រូវបានគេរំពឹងថា នឹងបោះជំហានទៅមុខបន្តទៀតជាមួយនឹងវត្តមានរបស់ស្មាតហ្វូន Galaxy S11 នេះ។ ក្រុមហ៊ុនបច្ចេកវិទ្យាយក្សរបស់ប្រទេសកូរ៉េខាងត្បូងនេះ បានស្នើសុំនូវប៉ាតង់ថ្មីដែលស្មាតហ្វូននេះ នឹងមានភ្ជាប់ជាមួយនឹងកាមេរ៉ាខាងមុខ 3 គ្រាប់ដែលនៅលើអេក្រង់ Punch-Hole Display នៅផ្នែកខាងមុខនៃស្មាតហ្វូននេះ។ 

ប៉ាតង់នេះ គឺមានការដាក់ស្នើទៅកាន់ការិយាល័យកម្មសិទ្ធិបញ្ញាកូរ៉េ (KIPO) ដែលទាក់ទងទៅនឹងការអាប់ដេតទៅលើការឌីស្សាញនៃអេក្រង់ Punch-Hole នេះ។ គួរបញ្ជាក់ថា ស្មាតហ្វូន Galaxy S10+ និង Galaxy S10 5G បានបង្ហាញខ្លួនកាលពីដើមឆ្នាំនេះដែលមានភ្ជាប់ជាមួយនឹងកាមេរ៉ាភ្លោះនៅលើអេក្រង់ Punch-Hole នេះហើយសម្រាប់ស្មាតហ្វូន Flagships ជំនាន់បន្ទាប់របស់ក្រុមហ៊ុនបច្ចេកវិទ្យា Samsung ដែលនឹងបង្ហាញខ្លួននៅឆ្នាំក្រោយនេះនឹងទទួលបានការបង្កើនទៅលើចំនួននៃសេនស័ររបស់វាថែមទៀតដើម្បីអាចប្រកួតប្រជែងនៅលើទីផ្សារបាន។ ស្មាតហ្វូននេះ មានភ្ជាប់ជាមួយនឹងកាមេរ៉ា Selfie ជាមួយនឹង depth sensor សម្រាប់ការពង្រឹងទៅលើការថតរូបភាព Portrait យ៉ាងស្រស់ស្អាត។ ប្រសិនបើក្រុមហ៊ុនបច្ចេកវិទ្យានេះនៅតែធ្វើការរក្សានូវកាមេរ៉ាភ្លោះរបស់វានោះ សម្រាប់សេនស័រកាមេរ៉ាទី ៣ នៅលើស្មាតហ្វូន Galaxy S11 series អាចជាកាមេរ៉ា ultra-wide-angle selfie។

ក្រុមហ៊ុនបច្ចេកវិទ្យានេះអាចនឹងធ្វើការបោះបង់ចោលនូវសេនស័រ depth sensor នេះនឹងធ្វើការជំនួសមកវិញនូវកាមេរ៉ាសេនស័រថ្មីពីរគ្រាប់ទៀតសម្រាប់ដំណើរការទៅលើបច្ចេកវិទ្យា 3D Facial Recognition ដែលស្រដៀងគ្នាទៅនឹងបច្ចេកវិទ្យា Face ID របស់ក្រុមហ៊ុនបច្ចេកវិទ្យា Apple និងបច្ចេកវិទ្យា 3D Face Unlock របស់ក្រុមហ៊ុន Huawei ។ នៅក្នុងប៉ាតង់នេះ មានការបង្ហើបថា ស្មាតហ្វូននេះគឺមានគែម Bezels ដែលពិតជាស្តើងមែនទែនដែលធ្វើអោយកាន់តែទាក់ទាញខ្លាំងបំផុតសម្រាប់ស្មាតហ្វូន Flagships ដែលនឹងបង្ហាញខ្លួននៅឆ្នាំក្រោយនេះ។ ស្មាតហ្វូននេះគឺមានភ្ជាប់ជាមួយនឹងអេក្រង់ screen-to-body ratio ដែលខ្ពស់បំផុតនៅលើស្មាតហ្វូនដ៏ប្រណិតនេះ។ 

យើងរំពឹងថា ស្មាតហ្វូនស៊េរីថ្មី Galaxy S11+ នេះនឹងមានភ្ជាប់ជាមួយនឹងកាមេរ៉ាខាងមុខ 3 គ្រាប់ខណៈពេលដែលស្មាតហ្វូន Galaxy S11 គឺមានកាមេរ៉ាខាងមុខត្រឹមតែ 2 គ្រាប់ប៉ុណ្ណោះដែលប្រហែលជាមានមួយជាប្រភេទ ultra-wide-angle ថែមទៀតផង។ សម្រាប់ស្មាតហ្វូន Galaxy S11eដែលមានតម្លៃថោកជាងមុន និងអេក្រង់តូចជាងមុនគឺនឹងមានកាមេរ៉ាខាងមុខ Selfie តែមួយគ្រាប់ប៉ុណ្ណោះហើយវានឹងធ្វើការប្រកួតប្រជែងជាមួយនឹង iPhone 11 ដែលមានកាមេរ៉ាខាងមុខមួយគ្រាប់ដែរនោះ។ នៅមិនទាន់មានប៉ាតង់ណាដែលបញ្ជាក់អំពីការឌីស្សាញទៅលើស្មាតហ្វូនស៊េរីថ្មី Galaxy S11 series នោះ។ នៅក្នុងរបាយការណ៍ជាច្រើននោះ ស្មាតហ្វូន Samsung Galaxy S11 series នឹងបង្ហាញខ្លួននៅក្នុងព្រឹត្តិការណ៍ Unpacked នៅថ្ងៃអង្គារទី ១៨ ខែកុម្ភៈមុនព្រឹត្តិការណ៍ MWC 2020 ខាងមុខនេះ៕