ថ្មីៗនេះ លោក Tim Cook ដែលជា CEO របស់ក្រុមហ៊ុន Apple បានការពារទៅលើការសម្រេចចិត្តរបស់គាត់ក្នុងការដកចេញនូវផែនទី Map App ដែលប្រើប្រាស់ដោយក្រុមអ្នកតវ៉ានៅក្នុងទីក្រុងហុងកុង។ ការបិទលើកទី 1 ទៅលើកម្មវិធី HKmap.live app នៅលើ App Store នេះ ប៉ុន្តែដោយសារតែវាមានប្រតិកម្មប្រឆាំងពីអ្នកសារព័ត៌មាន ក្រុមហ៊ុន Apple ក៏ដាក់អោយកម្មវិធីនេះដំណើរការឡើងវិញផងដែរ។ ទោះជាយ៉ាងណាក៏ដោយ ក្រោយពេលដែលកាសែត People's Daily របស់ចិន បានធ្វើការប្រឆាំងទៅនឹងកម្មវិធីនេះ ក្រុមហ៊ុន Apple ក៏ធ្វើការរារាំងទៅលើ Developers ជាច្រើនមិនអោយចូលទៅកាន់ App Store សម្រាប់កម្មវិធីនេះទៀតនោះទេ។
គួរបញ្ជាក់ថា ភាពចម្រូងចម្រាស់បានកើតឡើងជាបន្តបន្ទាប់ផងដែរនៅក្នុងរយៈពេលប៉ុន្មានថ្ងៃនេះ ហើយស្ថាប័នជាច្រើនដូចជា NBA ឬក្រុមហ៊ុនជាច្រើនដូចជា Apple គឺដឹងថា ពួកគេស្ថិតនៅក្នុងភាគីដែលចាញ់នៅក្នុងជម្លោះពាណិជ្ជកម្មជាមួយនឹងចិននោះ។ សម្រាប់ក្រុមហ៊ុន Apple ប្រទេសចិន គឺជារឿងដែលស្មុគស្មាញបំផុត។ វាគឺជាទីផ្សារនៃប្រាក់ចំណូលដ៏ធំបំផុតរបស់ក្រុមហ៊ុនខណៈពេលដែលទីផ្សាររបស់ Apple គឺនៅសល់តែមួយខ្ទង់ក្តី ហើយប្រទេសចិនគឺជាកន្លែងដែល iPhone ធ្វើការផលិតនៅទីនេះផងដែរ។ ទំនាក់ទំនងរបស់ប្រទេសចិនគឺស្ថិតនៅក្នុងរបៀបវារៈសំខាន់ទី 1 សម្រាប់លោក Tim Cook ហើយនេះគឺជាហេតុផលដ៏សំខាន់ដែលគាត់សម្រេចចិត្តដកកម្មវិធីនេះចេញពី App Store របស់ខ្លួននោះ។
ជាមួយគ្នានេះ លោកក៏នឹងរងនូវសម្ពាធមួយធំផង ពីព្រោះថា សម្រាប់ App Developers ជាច្រើន នឹងមិនសប្បាយចិត្តនោះទេ ជាមួយនឹងការសម្រេចចិត្តរបស់លោក Tim Cook នៅពេលនេះ ហើយក្រុមអ្នកតវ៉ាជាច្រើននៅទីក្រុងហុងកុង ក៏ប្រកាសថា ពួកគេ សម្រេចចិត្ត មិនទិញផលិតផលរបស់ក្រុមហ៊ុន Apple បន្តនេះទៀតផងដែរ។ ដូច្នេះ រឿងនេះ គឺអាច ប្រហែលជាបញ្ហាដ៏ស្មុគស្មាញខ្លាំងបំផុត ប្រសិនបើថ្នាក់ដឹកនាំសម្រេចចិត្តខុសទៅលើរឿងអ្វីមួយនោះ៕
