iPhone SE 2 គឺជាស្មាតហ្វូនមួយនៅក្នុងចំណោមស្មាតហ្វូនដែលមានពាក្យចចាមអារ៉ាមជាយូរមកហើយ។ ស្មាតហ្វូននេះ នឹងបង្ហាញខ្លួននៅឆ្នាំក្រោយនេះ នេះបើតាមអ្នកទម្លាយព័ត៌មានលោក Ming Chi-Kuo ដែលជាអ្នកវិភាគដ៏ល្បីឈ្មោះទៅលើផលិតផលរបស់ក្រុមហ៊ុន Apple ។ ពេលនេះ លោក Kuo កាលពីពេលមុននេះគឺមានការបង្ហើបថា ស្មាតហ្វូន iPhone SE 2 នេះនឹងបង្ហាញខ្លួននៅឆ្នាំនេះ ប៉ុន្តែរឿងនេះមិនបានកើតឡើងនោះទេ។ នៅក្នុងខណៈពេលនេះ លោក Kuo គឺមានព័ត៌មានលម្អិតជាច្រើនបន្ថែមពីលើព័ត៌មានរបស់គាត់ថែមទៀត។
សូមជំរាបថា ឈ្មោះស្មាតហ្វូន iPhone SE 2 នេះគឺនៅមិនទាន់មានការបញ្ជាក់នៅឡើយទេ ប៉ុន្តែវានឹងមានប្រើប្រាស់នូវឈ្មោះជា iPhone SE របស់ក្រុមហ៊ុន Apple ។ បើនិយាយអំពីព័ត៌មានលម្អិតនោះ លោក Kuo ជឿជាក់ថា សម្រាប់ស្មាតហ្វូន iPhone SE ជំនាន់ទី 2 នេះនឹងមានប្រើប្រាស់នូវបន្ទះឈីប A13 CPU ដែលដូចគ្នាទៅនឹងស្មាតហ្វូន iPhone 11 ហើយវាក៏មានការ upgrade កាន់តែអស្ចារ្យថែមទៀត។ ស្មាតហ្វូននេះនឹងមានរ៉េមទំហំ 3GB 3GB និងម៉េមូរីទំហំ 64GB/128GB ។
នៅក្នុងខណៈពេលនេះមិនទាន់មានការបញ្ជាក់នូវព័ត៌មានបែកធ្លាយជាច្រើនដូចកាលពីពេលមុននេះទេ ប៉ុន្តែលោក Kuo បញ្ជាក់ថា ស្មាតហ្វូននេះ នឹងមានការផ្លាស់ប្តូរដែលមានទម្រង់ចេញពីស្មាតហ្វូន iPhone 8 ។ ផ្នែកដ៏សំខាន់បំផុតនៃរបាយការណ៍របស់លោក Kuo គឺបញ្ជាក់ថា ស្មាតហ្វូននេះនឹងមានតម្លៃ $399។ ស្មាតហ្វូននេះនឹងបង្ហាញខ្លួននៅក្នុងត្រីមាសទី 1 ឆ្នាំ 2020 ខាងមុខនេះ។ ប្រសិនបើនេះ គឺជាតម្លៃពិតរបស់ស្មាតហ្វូននេះមែននោះ ស្មាតហ្វូន iPhone SE 2 នឹងក្លាយជាស្មាតហ្វូនដែលលក់ដាច់បំផុតរបស់ក្រុមហ៊ុន Apple៕
