ក្រុមហ៊ុនបច្ចេកវិទ្យាយក្ស Samsung នៅតែជាក្រុមហ៊ុនផលិតស្មាតហ្វូនធំបំផុតរបស់ពិភពលោក ហើយក្រុមហ៊ុននេះ គឺមានស្មាតហ្វូនដែលប្រើប្រាស់នូវ Android ច្រើនបំផុត។ ក្រុមហ៊ុន Samsung ទទួលបាននូវការអាប់ដេតសុវត្ថិភាពជាប្រចាំ ប៉ុន្តែក្រុមហ៊ុនបច្ចេកវិទ្យាយក្សមួយនេះ ក៏ធ្វើការបញ្ចេញនូវការអាប់ដេតសុវត្ថិភាពជាប្រចាំផងដែរនៅក្នុងបញ្ជីរបស់ខ្លួនផងដែរ។ ស្មាតហ្វូនមួយចំនួនត្រូវបានដកចេញពីបញ្ជីនេះ ហើយស្មាតហ្វូនមួយចំនួនថ្មីៗទៀតក៏ត្រូវបានបន្ថែមចូលទៅក្នុងបញ្ជីនេះផងដែរ។
ក្រុមហ៊ុនបច្ចេកវិទ្យាយក្សរបស់ប្រទេសកូរ៉េខាងត្បូងនេះ ទើបតែធ្វើការបន្ថែមនូវស្មាតហ្វូនចំនួន ៣ ម៉ូឌែលបន្ថែមទៀតទៅក្នុងបញ្ជីនៃស្មាតហ្វូនរបស់ខ្លួនដែលនឹងទទួលបាននូវការអាប់ដេតសុវត្ថិភាពប្រចាំខែនេះ។ ស្មាតហ្វូនទាំងនេះមានដូចជា Galaxy Fold, Galaxy A50 និង Galaxy Xcover 4s ។
Galaxy Fold គឺជាស្មាតហ្វូនលំដាបប្រណិត និងមានតម្លៃថ្លៃបំផុតរបស់ក្រុមហ៊ុន Samsung ។ ស្មាតហ្វូន Galaxy A50 ត្រូវបានបង្ហាញខ្លួននៅក្នុងខែមីនាឆ្នាំនេះ ហើយវាគឺជាផ្នែកមួយនៃកិច្ចខិតខំប្រឹងប្រែងរបស់ក្រុមហ៊ុន Samsung ក្នុងការពង្រឹងទៅលើសុវត្ថិភាពស្មាតហ្វូនថ្នាក់កណ្តាលនេះ។ ស្មាតហ្វូន A50 នេះបានក្លាយជាស្មាតហ្វូនថ្នាក់កណ្តាលដែលលក់ដាច់ខ្លាំងបំផុតរបស់ក្រុមហ៊ុននេះ ហើយវាក៏មានការអាប់ដេតទៅលើកម្មវិធី Software ជាប្រចាំផងដែរ។ សម្រាប់ស្មាតហ្វូន Flagships ជាច្រើនដូចជា Galaxy S7, S7 Edge និង S7 Active គឺជាស្មាតហ្វូនដែលនឹងទទួលបាននូវការអាប់ដេតសុវត្ថិភាពនេះផងដែរ។
ស្មាតហ្វូន Galaxy Xcover 4s នេះក៏ស្ថិតនៅក្នុងបញ្ជនេះផងដែរ។ ស្មាតហ្វូននេះប្រកាសបង្ហាញខ្លួននៅក្នុងខែមិថុនានៅឆ្នាំនេះ ហើយវាគឺជាស្មាតហ្វូនដែលលក់ដាច់ខ្លាំងផងដែរ។ ដូចនេះការអាប់ដេតសុវត្ថិភាពគឺពិតជាសំខាន់មែនទែនក្នុងការប្រើប្រាស់។ សម្រាប់ស្មាតហ្វូនមួយចំនួនក៏ត្រូវបានដកចេញពីបញ្ជីនៃការអាប់ដេតនេះ ផងដែរមានដូចជា Galaxy A5 (2016), Galaxy A3 (2016) និង Galaxy Tab S2 L/S Refresh ៕