no-alternative title
no-alternative title
no-alternative title
no-alternative title
no-alternative title
no-alternative title
no-alternative title

OPPO បង្ហាញស្មាតហ្វូន Reno A នៅក្នុងទីផ្សារជប៉ុនជាមួយនិងតម្លៃ 35,800 យ៉េន ប្រហែលជា $333

Reno Ace គឺជាស្មាតហ្វូន Flagship ជំនាន់ថ្មីរបស់ក្រុមហ៊ុន oppo ត្រូវបានគេដឹងថា នឹងបង្ហាញខ្លួនជាផ្លូវការនៅក្នុងប្រទេសចិននៅថ្ងៃទី 10 ខែតុលានេះ ហើយនៅថ្ងៃនេះ ក្រុមហ៊ុនចិននេះ ក៏ត្រៀមប្រកាសចេញនូវស្មាតហ្វូនទី 2 របស់ខ្លួនសម្រាប់ទីផ្សារនៅក្នុងប្រទេសជប៉ុនផងដែរ។ ស្មាតហ្វូននេះ នឹងមានឈ្មោះហៅថា Oppo Reno A ដែលជាប្រភេទស្មាតហ្វូនថ្នាក់កណ្តាល ដែលនឹងបង្ហាញខ្លួននៅលើទីផ្សាររបស់ប្រទេសជប៉ុន ដែលស្មាតហ្វូននេះគឺមានប្រើប្រាស់នូវអាវក្រោះ IP67 ការពារការជ្រាបទឹក និងធូលីថែមទៀតផង។

 

no-alternative title

ស្មាតហ្វូន Reno A នេះ ប្រើប្រាស់នូវបន្ទះឈីប Snapdragon 710, 6GB RAM និងម៉េមូរីក្នុងម៉ាស៊ីនទំហំ 64GB និង 128GB ដែលនឹងដាក់លក់ផ្តាច់មុខនៅលើ Rakuten Mobile ។ ស្មាតហ្វូននេះ មានអេក្រង់ 6.4-inch 2340 x 1080 display ជាមួយនឹង waterdrop notch, 91% screen-to-body ratio និងកញ្ចក់ការពារ Corning Gorilla ។ សម្រាប់ផ្នែកខាងក្រោយវិញនោះ ស្មាតហ្វូននេះមានកាមេរ៉ាភ្លោះជាមួយនឹងភ្លើង LED Flash ។ ស្មាតហ្វូននេះ មិនមានប្រព័ន្ធស្កេនក្រយ៉ៅដៃនោះទេ ដូចនេះ ស្មាតហ្វូន OPPO Reno A នេះ ប្រហែលជាមានភ្ជាប់ជាមួយនឹងប្រព័ន្ធស្កេនក្រយ៉ៅដៃក្រោមអេក្រង់ជាក់ជាមិនខាន។

ខណៈពេលដែលស្មាតហ្វូនជាច្រើនកំពុងតែផ្លាស់ប្តូរទៅកាន់កាមេរ៉ា 4 គ្រាប់ ឬយ៉ាងហោចណាស់ 3 គ្រាប់នោះ ស្មាតហ្វូន Reno A នេះមានកាមេរ៉ា 2 គ្រាប់ប៉ុណ្ណោះ។ ស្មាតហ្វូននេះមានកាមេរ៉ាខាងក្រោយទំហំ 16MP និង 2MP ហើយវាមានភ្ជាប់ជាមួយនឹង 22 scene recognitions និង 416 automatic scene settings ថែមទៀត។ សម្រាប់អេក្រង់ខាងមុខវិញនោះ ស្មាតហ្វូន Oppo Reno A នេះមានកាមេរ៉ាខាងមុខទំហំ 25MP AI ភ្ជាប់ជាមួយនឹង Beauty Mode និង portrait mode ផងដែរ។

ស្មាតហ្វូននេះមានថាមពលថ្មដែលមានទំហំ 3600mAh និងបញ្ចូលតាមរយៈរន្ធដោត Type-C ។ ស្មាតហ្វូន Reno A នេះទ្រទ្រង់នូវ NFC ដែលទ្រទ្រង់ជាមួយនឹងប្រព័ន្ធចំណាយទឹកប្រាក់ FeliCa និងដំណើរការនូវ ColorOS 6.0 ជាមួយនឹង Game Boost 2.0 ដែលមានភ្ជាប់ជាមួយនឹង Touch Boost និង Frame Boost ដែលធ្វើអោយការលេងហ្គេមកាន់តែអស្ចារ្យរលូនបំផុត។

Oppo ប្រកាសថា ស្មាតហ្វូន Reno A គឺដាក់លក់នៅក្នុងទីផ្សាររបស់ប្រទេសជប៉ុនហើយនៅក្នុងខណៈពេលនេះ ហើយស្មាតហ្វូននេះប្រហែលជាមិនទាន់ដាក់លក់នៅក្រៅទីផ្សាររបស់ប្រទេសជប៉ុននោះទេ។ វានឹងដាក់លក់នៅក្នុងប្រទេសនេះចាប់ពីថ្ងៃទី 18 ខែតុលានេះតាមរយៈ Amazon Japan, , Fiimo, LinksMate, Yamada, Joshin, Simseller និង Nojima នៅក្នុងតម្លៃប្រហែលជា 35,800 យ៉េនជប៉ុន (~$333) ៕

 

no-alternative title

no-alternative title
ព័ត៌មានពាណិជ្ជកម្ម