Huawei Mate 30 Pro គឺជាស្មាតហ្វូនមួយនៅក្នុងចំណោមស្មាតហ្វូនជាច្រើនដែលគួរអោយចាប់អារម្មណ៍ខ្លាំងបំផុតនៅក្នុងពេលនេះ ហើយក្រុមហ៊ុនបច្ចេកវិទ្យានេះក៏ធ្វើការបន្តនូវការអាប់ដេតរបស់ខ្លួនជាប្រចាំផងដែរ។ នៅក្នុងការអាប់ដេតចុងក្រោយបំផុតនេះនាំយកនូវការពង្រឹងទៅលើប្រសិទ្ធិភាពថ្មីនៃប្រព័ន្ធកាមេរ៉ារួមទាំងការដោះស្រាយទៅលើផ្នែកសំខាន់ៗដូចជា Dark Mode និង Super Slow-Motion វីដេអូផងដែរ។
នៅក្នុងការអាប់ដេតនេះគឺមានការពង្រឹងទៅលើ EMUI 10 ជាមួយនឹងស្ទាយ៍ថ្មីជាច្រើនទៅលើការចាក់សោរនៅលើអេក្រង់ដែលពេលនេះអាចប្រើប្រាស់បានហើយ។ សម្រាប់ Dark Mode ក៏មានការជួសជុលផងដែរដែលមានន័យថា វាអាចដំណើរការបាននៅលើកម្មវិធីជាច្រើននៅលើស្មាតហ្វូននេះ។ វាក៏មានមុខងារ AOD ថ្មី និងការជួសជុលទៅលើ Bluetooth សម្រាប់ស្មាតហ្វូន Huawei Mate 30 Pro នេះក្នុងការតភ្ជាប់ទៅលើរថយន្តនោះ។ នៅក្នុងការអាប់ដេត និងព័ត៌មាននេះគឺថា LZPlay ក៏ធ្វើការនៅលើរឿងនេះសម្រាប់ស្មាតហ្វូន Huawei Mate 30 Pro ផងដែរ។ សម្រាប់អនាគតរបស់ស្មាតហ្វូនម៉ូឌែលចុងក្រោយបំផុតក្រុមហ៊ុនបច្ចេកវិទ្យា Huawei នេះគឺកំពុងតែត្រូវដោះស្រាយទៅលើបញ្ហាជាច្រើនដើម្បីអោយស្របទៅតាមតម្រូវការរបស់អ្នកប្រើប្រាស់។
នៅដើមសប្តាហ៍នេះ ស្មាតហ្វូននេះ គឺបានដាក់លក់នៅក្នុងប្រទេសម៉ាឡេស៊ី ហើយពេលនេះវាក៏បង្ហាញខ្លួននៅក្នុងប្រទេសរ៉ូម៉ានីផងដែរ។ ការខិតខំរបស់ក្រុមហ៊ុន Huawei នៅពេលនេះគឺធ្វើយ៉ាងណាអោយស្មាតហ្វូន Huawei Mate 30 series ទទួលបានជោគជ័យ និងមិនមានបញ្ហាក្នុងការប្រើប្រាស់សម្រាប់ទីផ្សារនៅក្រៅពីប្រទេសចិន។ នេះគឺជារឿងដែលគួរអោយចាប់អារម្មណ៍ខ្លាំងមែនទែនសម្រាប់ក្រុមហ៊ុននេះ ហើយយើងនឹងមើលឃើញនូវអ្វីដែលកាន់តែអស្ចារ្យបន្ថែមទៀតនាពេលខាងមុខនេះ៕
