និយាយដល់រឿងរ៉ាវស្មាតហ្វូនដែលអាចបត់បាន (Samsung Galaxy Fold & Huawei Mate X) របស់ក្រុមហ៊ុនបច្ចេកវិទ្យាផលិតស្មាតហ្វូនធំៗ គឺត្រូវបានប្រកាសបង្ហាញវត្តមានយូរមកហើយ តាំងពីត្រីមាសទី 1 នៅក្នុងឆ្នាំនេះមកម្លេះ គិតមកទល់ពេលនេះ គឺមានរយៈពេល 6 ខែយហើយ ទើបមានវត្តមានរបស់ស្មាតហ្វូននេះបង្ហាញខ្លួននៅលើទីផ្សារ។ បន្ទាប់ពីធ្វើការអាប់ដេត និង upgrades កាន់តែល្អប្រសើរជាងមុននោះ ស្មាតហ្វូន Galaxy Fold នៅពេលនេះ បានចាប់ផ្តើមដាក់លក់ជាបណ្តើរៗហើយនៅលើទីផ្សារនោះ។ ទោះជាយ៉ាងណាក៏ដោយនោះ យើងនៅមិនទាន់ឃើញស្មាតហ្វូន Huawei Mate X បង្ហាញខ្លួននៅឡើយទេ។
តាមការបញ្ជាក់របស់ព័ត៌មានចេញពីប្រទេសចិន ស្មាតហ្វូន Mate X នឹងបង្ហាញខ្លួននៅចុងខែនេះ។ សម្រាប់ពេលនេះ ស្មាតហ្វូននេះ មានការផលិតទ្រង់ទ្រាយធំ ហើយការដាក់លក់នៅក្នុងទីផ្សារនៃប្រទេសចិននឹងធ្វើឡើងនៅក្នុងរយៈពេល 2 សប្តាហ៍ខាងមុខទៀត។ ស្មាតហ្វូន Huawei Mate X នេះបង្ហាញខ្លួនដំបូងបំផុតនៅក្នុងខែកុម្ភៈឆ្នាំ 2019។ នេះគឺជាស្មាតហ្វូនដែលអាចបត់បានដំបូងបំផុត 5G របស់ក្រុមហ៊ុ Huawei។ ស្មាតហ្វូននេះ ប្រើប្រាស់នូវការឌីស្សាញទៅលើត្រចៀកបត់ដែលមានភាពច្នៃប្រឌិតដ៏អស្ចារ្យ។
តាមការបញ្ជាក់នៅក្នុងការប្រកាសជាផ្លូវការនោះ ស្មាតហ្វូន Mate X នេះគឺមានការឌីស្សាញជាមួយនឹងស្រទាប់ដល់ទៅ 4 ។ សម្រាប់ស្រទាប់ខាងលើនេះ គឺជាស្រទាប់អេក្រង់ការពារ (ប៉ូលីម៉ែរ)។សម្រាប់ស្រទាប់ទី 2 គឺជាអេក្រង់ដែលអាចបត់បាន ស្រទាប់ទី 3 គឺជាប្លាស្ទិកទន់ ខណៈពេលដែលស្រទាប់ខាងក្រោមគឺអាចធ្វើការបង្វិលបានហើយស្រទាប់នេះគឺជាស្នូលដ៏សំខាន់សម្រាប់ស្មាតហ្វូន Mate X នេះ៕