បន្ទាប់ពីការបំបែកចេញដោយ iFixit មានការបញ្ជាក់ថា បន្ទះឈីប U1 នៅលើស្មាតហ្វូន iPhone 11 Series គឺមានការឌីស្សាញឡើងដោយឯករាជ្យចេញពីក្រុមហ៊ុន Apple ផ្ទាល់តែម្តង។ ការប៉ាន់ស្មាននេះគឺថា បន្ទះឈីប Apple U1 ប្រើប្រាស់នូវឈីប Decawave ultra-wideband DW1000។ សម្រាប់ឈីប DW1000 នេះ មានមុខងារជាច្រើនដែលស្រដៀងគ្នាទៅនឹង Apple U1 ហើយវាផ្តល់នូវភាពត្រឹមត្រូវដល់ទៅ 10cm ។ តាមការបញ្ជាក់នៅក្នុងរបាយការណ៍នេះ បន្ទះឈីប Apple U1 នេះ គឺមានលក្ខណៈខុសប្លែកពី DW1000។ ទោះជាយ៉ាងណាក៏ដោយនោះ សម្រាប់ឈីបទាំងពីរនេះ ប្រើប្រាស់នូវស្តង់ដារដូចគ្នា ដូច្នេះសម្រាប់បន្ទះឈីប U1 នេះ អាចធ្វើការជាមួយនឹងឧបករណ៍ដែលប្រើប្រាស់នូវឈីប Decawave បាន។
ក្រុមហ៊ុន Apple គឺមានបន្ទះឈីបជាច្រើននៅក្នុងស៊េរីត្រកូល A, M, W, H, T និង S។ ទោះជាយ៉ាងណាក៏ដោយនោះ U1 គឺជាបន្ទះឈីបដំបូងបំផុតនៅក្នុងត្រកូល U Series នេះ។ បើទោះបីជា Apple U1 គឺអនុលោមជាមួយនឹងស្តង់ដារ Ultra-Wide Band (UWB) នោះ វាគឺស្រដៀងគ្នាទៅនឹងបន្ទះឈីបជាច្រើនទៀតនៅលើឧបករណ៍ផ្សេងជាច្រើននោះ ហើយក្រុមហ៊ុនបច្ចេកវិទ្យា Apple ក៏មិនស្ថិតនៅក្នុងសមាជិកនៃគ្រួសារ UWB Alliance ។
បន្ទះឈីបនេះប្រើប្រាស់នូវបច្ចេកវិទ្យា ultra-wideband technology ហើយវាមានការធានាថា ឧបករណ៍ជាច្រើនរបស់ក្រុមហ៊ុន Apple ដែលប្រើប្រាស់ជាមួយនឹងបន្ទះឈីបនេះ អាចធ្វើការរកគ្នាឃើញ។ ជាមួយនឹងបន្ទះឈីប U1 និង iOS 13 នៅពេលដែលអ្នកប្រើប្រាស់នូវ airdrop អ្នកគ្រាន់តែចង្អុល iPhones របស់អ្នកទៅកាន់ iPhone របស់អ្នកដទៃជាការស្រេច ដូចនេះប្រព័ន្ធនេះ អាចធ្វើការផ្តល់អាទិភាពអោយគ្នាបានហើយវាអនុញ្ញាត្តអោយអ្នកអាចធ្វើការចែករំលែកនូវ Files នេះ បានលឿនជាងមុនថែមទៀត។ ជាក់ស្តែងនេះ គឺគ្រាន់តែជារឿងមួយនៅក្នុងករណីជាច្រើនប៉ុណ្ណោះ ហើយកម្មវិធីជាច្រើនទៀត គឺមិនទាន់ធ្វើការអភិវឌ្ឍនៅឡើយទេ។ ឧទាហរណ៍ ក្រុមហ៊ុន Apple នៅមិនទាន់បញ្ចេញនូវសេវាកម្ម Apple Tag សម្រាប់ការពារសុវត្ថិភាពខ្ពស់ជាងមុននៅឡើយទេ៕