ប្រសិនបើអ្នកជាអ្នកប្រើប្រាស់នូវស្មាតហ្វូន Samsung Galaxy Fold នោះ អ្នកប្រហែលជាមានការសប្បាយចិត្ត ដែលដឹងថាក្រុមហ៊ុនបច្ចេកវិទ្យាយក្សរបស់ប្រទេសកូរ៉េខាងត្បូងនេះ ទើបតែធ្វើការអាប់ដេតទៅលើកម្មវិធី Samsung Members app ដើម្បីអនុញ្ញាតអោយអ្នកអាចធ្វើការប្រើប្រាស់នូវសេវាកម្ម Premier Service របស់ក្រុមហ៊ុននេះ ដែលត្រូវបានឌីស្សាញឡើងសម្រាប់អតិថិជនដែលធ្វើការទិញស្មាតហ្វូនដែលអាចបត់បាននេះ។
យោងតាមការបង្ហាញនៅនៅក្នុង SamMobile សម្រាប់ការអាប់ដេតទៅលើ Samsung Members ថ្មីនេះ គឺសម្រាប់ដំណើរការនៅក្នុងសហរដ្ឋអាមេរិកដែលជាកន្លែងសេវាកម្ម Galaxy Fold Premier Service គឺអាចដំណើរការបានក្នុងពេលនេះ។ សម្រាប់សេវាកម្មនេះ គឺមានការផ្តល់អោយអ្នកប្រើប្រាស់ស្មាតហ្វូនGalaxy Fold នេះ ជាមួយនឹងការទ្រទ្រង់នូវសេវាកម្ម 24/7 តាមរយៈទូរស័ព្ទ ឬវីដេអូឆាតនោះ។
ក្រុមហ៊ុន Samsung គឺជាស្មាតហ្វូនដែលពិតជាមានការគាំទ្រខ្លាំងមែនទែន។ នៅក្នុងសេវាកម្មនេះ ក៏មានជំរើសក្នុងការខលទៅកាន់អ្នកជំនាញនៅពេលដែលស្មាតហ្វូននេះមានបញ្ហាក្នុងការប្រើប្រាស់ផងដែរ។ ក្រុមហ៊ុន Vertu ក៏ធ្លាប់ផ្តល់នូវសេវាកម្មនេះសម្រាប់ស្មាតហ្វូនប្រណិតជាច្រើនរបស់ខ្លួនផងដែរ ប៉ុន្តែសម្រាប់ស្មាតហ្វូនទាំងនេះ គឺពិតជាថ្លៃមែនទែនដែលអាចទទួលបាននូវការទ្រទ្រង់ទៅលើសេវាកម្ម 24/7 នេះសម្រាប់អតិថិជន។ ប្រសិនបើអ្នកជាអ្នកប្រើប្រាស់ស្មាតហ្វូន Samsung Galaxy Fold នៅក្នុងសហរដ្ឋអាមេរិក អ្នកគួរតែធ្វើការអាប់ដេតទៅលើ Samsung Members ដើម្បីទទួលបាននូវសេវាកម្មនេះ៕