Nubia Z20 គឺជាស្មាតហ្វូនស៊េរីថ្មីដែលមានរូបរាងស្រដៀងគ្នាទៅនឹងស្មាតហ្វូនជាច្រើនដែលមាននៅលើទីផ្សារ ប៉ុន្តែលក្ខណៈពិសេសរបស់ស្មាតហ្វូននេះ គឺថាវាមានអេក្រង់ភ្លោះ។ ក្រុមហ៊ុន Nubia បានបង្ហាញស្មាតហ្វូននេះជាផ្លូវការរួចហើយ ប៉ុន្តែស្មាតហ្វូននេះ នៅមិនទាន់ដាក់លក់នៅឡើយទេ។ អតិថិជនជាច្រើនអាចរកទិញស្មាតហ្វូននេះ បានចាប់ពីថ្ងៃទី 14 ខែតុលានេះនៅក្នុងទីផ្សារជាច្រើនរបស់ពិភពលោក ដែលក្នុងនោះមានដូចជាអាមេរិកខាងជើង ផ្នែកជាច្រើននៅអ៊ឺរ៉ុប អាស៊ី និងអូស្រា្តលី។
លក្ខណៈសម្បត្តិ និងមុខងារជាច្រើនរបស់ស្មាតហ្វូន Nubia Z20
ស្មាតហ្វូន Nubia Z20 នេះ មានអេក្រង់ទំហំ 6.52-inch AMOLED ជាមួយនឹងកម្រិតភាពច្បាស់ full HD+ 1080x2340 pixels និង aspect ratio 19.5:9។ សម្រាប់អេក្រង់ទីពីរគឺមានទំហំ 5.1-inch AMOLED ជាមួយនឹងកម្រិតភាពច្បាស់ HD+ 720 x 1520 pixels និង 331 ppi pixel ។ អេក្រង់ទីពីរនេះគឺជា USP ដែលមានមុខងារក្នុងការដំណើរការជាកាមេរ៉ា Viewfinder ទៅលើ AOD ។ អ្នកប្រើប្រាស់ជាច្រើនអាចធ្វើការផ្លាស់ប្តូររវាងអេក្រង់ខាងមុខ និងខាងក្រោយបានគ្រប់ពេលខណៈពេលដែលចុចនៅលើ apps នោះ។ ស្មាតហ្វូននេះប្រើប្រាស់នូវបន្ទះឈីប octa-core 2.96 GHz Snapdragon 855 SoC ជាមួយនឹងរ៉េមទំហំ 8GB-12GB។
Nubia Z20 ប្រើប្រាស់នូវកាមេរ៉ា 3 គ្រាប់នៅខាងក្រោយ។ សម្រាប់កាមេរ៉ាគោលរបស់វាគឺមានទំហំ 48-megapixel sensor ភ្ជាប់ជាមួយនឹងមុខងារ OIS និង 16-megapixel ultra-wide lens និង 8-megapixel telephoto lens ជាមួយនឹងមុខងារ 3X optical zoom ។ សម្រាប់អេក្រង់ទីពីរនេះគឺលុបចោលនូវការប្រើប្រាស់កាមេរ៉ាផុសឡើង ឬអេក្រង់ Punch-Hole នោះ។ ស្មាតហ្វូននេះ មានថាមពលថ្មទំហំ 4,000mAh ជាមួយនឹងបច្ចេកវិទ្យា 27W Quick Charge 4.0 និងដំណើរការនូវប្រព័ន្ធប្រតិបត្តិការ Android 9.0 Pie និង Nubia UI 7 ថែមទៀត។ សម្រាប់ការតភ្ជាប់ទំនាក់ទំនងរបស់ស្មាតហ្វូននេះគឺ dual-SIM NanoSIM cards ជាមួយនឹង LTE, Wi-Fi 802.11 a/b/g/n/ac, USB Type-C និង GPS ។ ស្មាតហ្វូននេះគឺមានប្រព័ន្ធស្កេនក្រយ៉ៅដៃភ្លោះនៅសងខាងថែមទៀត។
តម្លៃ និងកាលបរិច្ឆេទនៃការដាក់លក់របស់ស្មាតហ្វូន Nubia Z20
នៅថ្ងៃនេះស្មាតហ្វូន Nubia Z20 នេះ អាចរកទិញបាននៅក្នុងសហរដ្ឋអាមេរិក ចក្រភពអង់គ្លេស កាណាដា អ៊ឺរ៉ុប ម៉ាកាវ ហុងកុង អ៊ីស្រាអែល ជប៉ុន សិង្ហបុរី តៃវ៉ាន់ ឥណ្ឌូនេស៊ី និងអូស្រា្តលី។ ស្មាតហ្វូននេះមានពីរពណ៌គឺពណ៌ Diamond Black និង Twilight Blue ។ ស្មាតហ្វូននេះមានតម្លៃ $549 ៕
