នៅសល់រយៈពេលមិនដលប៉ុន្មានម៉ោងទៀតនោះទេ ក្រុមហ៊ុន Google នឹងធ្វើការបង្ហាញវត្តមានជាផ្លូវការរបស់ស្មាតហ្វូន Pixel 4 និង Pixel 4 XL ហើយ ពេលនេះ CEO របស់ក្រុមហ៊ុន T-Mobile លោក John Legere បញ្ជាក់ថា ស្មាតហ្វូនទាំងពីរនេះនឹងអាចរកទិញបានតាមរយៈក្រុមហ៊ុនចែកចាយ Magenta។ នៅក្នុងការនិយាយនៅលើ Instagram នេះ លោក Legere ក៏ធ្វើការបង្ហោះរូបភាពរបស់គាត់កំពុងចម្អិននំខណៈពេលដែលក្បែរគាត់នេះគឺមានប្រអប់លក់រាយរបស់ស្មាតហ្វូន Clearly White Pixel 4 និង Pixel 4 XL។
នាយកប្រតិបត្តិរូបនេះ មិនទាន់ធ្វើការបញ្ជាក់អំពីការដាក់លក់នៅពេលណានោះទេ ប៉ុន្តែគាត់បានបង្ហើបថា ក្រុមហ៊ុន T-Mobile នឹងប្រើប្រាស់នូវ ‘Google’ hashtag និងសួរទៅកាន់ទៅកាន់ Followers របស់គាត់ថាមានឃើញប្រអប់អីនៅក្បែនោះទេ។ យោងទៅតាម T-Mobile នេះ ស្មាតហ្វូនត្រកូល Pixel 4 series នេះ ត្រូវគេរំពឹងថា នឹងអាចរកទិញបាននៅលើ Sprint និង Verizon បន្ទាប់ពីក្រុមហ៊ុន Google ធ្វើការសហការតាំងពីស្មាតហ្វូន Pixel ដំបូងនៅក្នុងឆ្នាំ 2016 ម្ល៉េះ។
យើងបញ្ជាក់កាលពីខែនេះថា ស្មាតហ្វូន Pixel 4 នឹងបង្ហាញខ្លួននៅលើ AT&T ដូចទៅតាមគម្រោងដែលបានគ្រោងទុក ហើយនេះគឺជាលើកដំបូងដែលស្មាតហ្វូនរបស់ Google នេះអាចរកទិញបាននៅតាមហាងចែកចាយធំៗទាំងអស់នៅពេលដែលវាដាក់លក់នោះ។
ស្មាតហ្វូន Google Pixel 4 និង Pixel 4 XL ត្រូវគេរំពឹងថា នឹងដាក់លក់នៅក្នុងតម្លៃ $899 និង $999 ហើយវានឹងដាក់លក់នៅចុងខែនេះ។ ស្មាតហ្វូន Flagships នេះនឹងប្រើប្រាស់នូវបន្ទះឈីប Snapdragon 855 របស់ក្រុមហ៊ុនបច្ចេកវិទ្យា Qualcomm រ៉េមទំហំ 6GB និងម៉េមូរីក្នុងម៉ាស៊ីនទំហំ 64GB និង 128GB ។ ស្មាតហ្វូននេះប្រើប្រាស់នូវកាមេរ៉ាភ្លោះ និងអេក្រង់ 90Hz ថែមទៀត៕