DxOMark គឺជាវេទិកាដ៏ពេញនិយមសម្រាប់ធ្វើការតេស្តទៅលើសមត្ថភាពនៃកាមេរ៉ារបស់ស្មាតហ្វូន។ កាលពីដើមឆ្នាំនេះ វេទិកានេះបានធ្វើការតេស្តទៅលើស្មាតហ្វូន OnePlus 7 Pro ហើយមានពិន្ទុត្រឹមតែ 111 ប៉ុណ្ណោះ។ ថ្មីៗនេះ វាក៏ធ្វើការអាប់ដេតទៅលើពិន្ទុរបស់ស្មាតហ្វូន OnePlus 7 Pro ពី 111 ពិន្ទុទៅ 114 ពិន្ទុ។ តាមការបញ្ជាក់របស់ស្ថាប័ននេះ បន្ទាប់ពីការប្រើប្រាស់នូវកាមេរ៉ា “wide-angle” និងការដាក់ពិន្ទុសម្រាប់ការថតនៅពេលយប់ “night photography” ពិន្ទុនៃកាមេរ៉ានេះក៏មានការកើនឡើងផងដែរ។ ស្មាតហ្វូននេះពេលនេះជាប់ចំណាត់ថ្នាក់លេខរៀងទី 5។
ស្ថាប័ននេះ បាននិយាយថា “នៅក្នុងខែកញ្ញា ឆ្នាំ 2019 នេះ យើងធ្វើាករអាប់ដេតទៅលើការតេស្តទៅលើប្រូតូកូលនៃ DXOMARK Mobile ទៅលើសមត្ថភាពនៃកាមេរ៉ា ultra-wide-angle ហើយយើងក៏ធ្វើការកែប្រែទៅលើ protocol DXOMARK Camera នេះ យើងក៏ធ្វើការតេស្តទៅលើការថតរូបភាពនៅទីងងឹត និងការបង្កើតនូវពិន្ទុសម្រាប់ការថតនៅពេលយប់ជាមួយនឹងពិន្ទុប្រើប្រាស់នូវ Flash ផងដែរ។
យើងបានធ្វើការតេស្តសារជាថ្មីទៅលើស្មាតហ្វូននេះជាមួយនឹងការប្រើប្រាស់នូវប្រូតូកូល Wide និង Night ហើយក៏ធ្វើការអាប់ដេតទៅលើពិន្ទុនៅក្នុងការ Review នេះផងដែរ ប៉ុន្តែយើងមិនធ្វើការផ្លាស់ប្តូរទៅលើអត្ថបទដើមនោះទេ។ សម្រាប់ព័ត៌មានបន្ថែម ចូលទៅកាន់អត្ថបទនេះ និងមើលទៅលើប្រូតូកូលនៃការធ្វើតេស្ត៍...”
ស្មាតហ្វូនស៊េរីថ្មី OnePlus 7 Proនេះនឹងមានភ្ជាប់ជាមួយនឹងកាមេរ៉ាគោល 48MP Sony IMX586 Quad-Bayer ដែលមានប្រើប្រាស់នូវបច្ចេកវិទ្យា 4-in-1។ សម្រាប់កម្រិតភាពច្បាស់របស់រូបភាពនេះគឺមានទំហំ 12 MP (4000×3000 pixels) ។ វាមានការពង្រឹងទៅលើពណ៌ ភាពលម្អិត និង dynamic range ផងដែរ។ សម្រាប់កាមេរ៉ា ultra-wide-angle lens គឺមានទំហំ 16MP និង telephoto lens 8MP ៕
