កាលពីថ្ងៃទី 15 ខែតុលាកន្លងទៅនេះ ក្រុមហ៊ុ Huawei បញ្ជាក់ថា ស្មាតហ្វូនស៊េរីថ្មី Honor 20 Youth Edition នឹងបង្ហាញខ្លួននៅក្នុងសន្និសិទមួយនៅក្នុងទីក្រុងប៉េកាំងនៅថ្ងៃទី 22 ខែតុលាខាងមុខនេះ។ ចាប់ពីថ្ងៃនេះ ក្រុមហ៊ុននេះក៏ចាប់ផ្តើមធ្វើការទទួលនូវការកក់ទិញសម្រាប់ស្មាតហ្វូននេះផងដែរ។
សម្រាប់លក្ខណៈសម្បត្តិរបស់ស្មាតហ្វូននេះគឺវាមានអេក្រង់ទំហំ 6.3-inch AMOLED display ជាមួយនឹងកម្រិតភាពច្បាស់ FHD+ និង dewdrop notch បន្ទះឈីប 2.2Ghz Octa-core processor, 4GB និង 6GB ហើយនឹង 8GB ជាមួយនឹងមេម៉ូរីទំហំ 64GB និង 128GB ហើយអាចបន្ថែមនូវម៉េមូរីខាងក្រៅបានថែមទៀត។
ស្មាតហ្វូននេះមានកាមេរ៉ាខាងក្រោយ 3 គ្រាប់ដែលមានទំហំ 48MP+8MP+2MP និងកាមេរ៉ាខាងមុខទំហំ 16MP។ ស្មាតហ្វូននេះមានថាមពលថ្មដែលមានទំហំ 3900mA និងទ្រទ្រង់នូវបច្ចេកវិទ្យាបញ្ចូលថាមពលថ្ម 22.5W ថែមទៀត។ ស្មាតហ្វូននេះដំណើរការនូវ EMUI 9.1 (Android 9 Pie), GPU Turbo 3.0 និងកម្មវិធីជាច្រើនទៀត៕