Sony Xperia 5 គឺជាស្មាតហ្វូនដែលមានរូបរាងតូចស្រស់ស្អាតជាមួយនឹងលក្ខណៈសម្បត្តិខ្លាំងក្លាមមិនធម្មតានោះទេ។ ស្មាតហ្វូននេះ គឺជា Version ដែលមានទំហំតូចជាងស្មាតហ្វូន Flagship Xperia 1 ហើយស្មាតហ្វូននេះ គឺពិតជាផ្តល់នូវផាសុកភាពមែនទែនក្នុងការប្រើប្រាស់ កាមេរ៉ាដ៏អស្ចារ្យ ប៉ុន្តែចុះចំណែកថាមពលថ្មរបស់ស្មាតហ្វូននេះវិញនោះ? ស្មាតហ្វូន Xperia 5 នេះ មានថាមពលថ្មដែលមានទំហំ 3,140 mAh តែប៉ុណ្ណោះ ដូចនេះ តើស្មាតហ្វូននេះ មានសមត្ថភាពខ្លាំងប៉ុណ្ណាក្នុងការប្រើប្រាស់ប្រចាំថ្ងៃនោះ?
នៅពេលនេះ យើងបានធ្វើតេស្តទៅលើសមាសភាគចំនួន 3 គឺការធ្វើតេស្ត៍ នៅលើការឆែកអ៊ីនធឺណិត ការតេស្តទៅលើការចាក់វីដេអូនៅលើ YouTube និងការតេស្តទៅលើការលេងហ្គេម 3D ។
ការតេស្ត៍នៅលើអ៊ីនធឺណិត
ជាដំបូង យើងនឹងធ្វើការតេស្តទៅលើការឆែកនៅលើអ៊ីនធឺណិត។ សម្រាប់ការតេស្តនេះ យើងបានបើកទៅលើ Pages ជាច្រើនដូចគ្នានៅលើស្មាតហ្វូនជាច្រើនដោយប្រើប្រាស់នូវ Chrome browser នៅលើប្រព័ន្ធប្រតិបត្តិការ Android ហើយយើងក៏ធ្វើការអូសចុះឡើងនោះ។ ស្មាតហ្វូននេះក៏មានការប្រើប្រាស់ច្រើនសម្រាប់ការអានព័ត៌មាន ឬការប្រើប្រាស់នូវបណ្តាញសង្គម ហើយការធ្វើតេស្តនៅលើស្មាតហ្វូន Xperia 5 នេះគឺមានរយៈពេល 8 ម៉ោង 30 នាទី។
ការធ្វើតេស្ត៍នៅលើវីដេអូលើ YouTube
ជំហានបន្ទាប់ យើងធ្វើតេស្តនៅលើការចាក់វីដេអូនៅលើ YouTube ។ នេះប្រហែលជាការធ្វើតេស្តដែលសំខាន់បំផុតដែលមនុស្សជាច្រើនចូលចិត្តមើលវីដេអូនៅលើអ៊ីនធឺណិតនៅលើស្មាតហ្វូនរបស់ពួកគេនោះ។ ស្មាតហ្វូន Xperia 5 នេះមានរយៈពេល 6 ម៉ោង 30 នាទីសម្រាប់ការទស្សនាវីដេអូនៅលើ YouTube នោះ។
ការលេងហ្គេម 3D
ចុងបញ្ចប់ យើងធ្វើការតេស្តទៅលើហ្គេម 3Dហើយជាលទ្ធផលស្មាតហ្វូននេះអាចប្រើប្រាស់បានយូរសម្រាប់អ្នកដែលចូលចិត្តលេងហ្គេម Fortnite ឬ Asphalt នោះ។ ស្មាតហ្វូននេះអាចលេងហ្គេមនេះបានរយៈពេល ៦ ម៉ោងហើយលទ្ធផលនេះគឺស្រដៀងគ្នាទៅនឹងស្មាតហ្វូន Xperia 1 ។ សរុបមក ស្មាតហ្វូន Xperia 5 នេះ គឺមានថាមពលថ្មល្អមែនទែនក្នុងការប្រើប្រាស់ជាពិសេសនៅក្នុងការលេងហ្គេមនោះ ប៉ុន្តែវានៅមានកម្រិតក្នុងការចូលទៅលើអ៊ីនធឺណិត បណ្តាញសង្គម និងការទស្សនាវីដេអូ៕