កាលពីខែសីហាកន្លងនេះ ក្រុមហ៊ុន Redmi បានបង្ហាញនូវវត្តមានរបស់ស្មាតហ្វូនស៊េរីថ្មី Redmi Note 8 និង Redmi Note 8 Pro នៅក្នុងប្រទេសចិន។ នៅថ្ងៃនេះ ក្រុមហ៊ុន Xiaomi នៅក្នុងប្រទេសឥណ្ឌា ក៏បានបង្ហាញនូវវត្តមានរបស់ស្មាតហ្វូន Redmi Note 8 នៅក្នុងប្រទេសឥណ្ឌា និងបន្តបង្ហាញវត្តមានជាផ្លូវនៅកម្ពុជាស្អែកនេះហើយ។ ស្មាតហ្វូន Redmi Note 8 Pro ភ្ជាប់ជាមួយនឹងកាមេរ៉ាខាងក្រោយ 4 គ្រាប់ដែលមានកាមេរ៉ាគោលទំហំ 64-megapixel អេក្រង់ធំជាងមុនក្នុងការប្រើប្រាស់ថែមទៀត។ ស្មាតហ្វូន Redmi Note 8 វិញភ្ជាប់ជាមួយនឹងកាមេរ៉ាខាងក្រោយ 4 គ្រាប់ដែលមានទំហំ 48-megapixel ។ សម្រាប់ស្មាតហ្វូនត្រកូល Note series នេះ ស្មាតហ្វូន Redmi Note 8 ទាំងពីរនេះត្រូវគេរំពឹងថានឹងបំបែកនូវកំណត់ត្រាការលក់របស់ខ្លួននៅក្នុងប្រទេសឥណ្ឌាជាមួយនឹងតម្លៃមិនធម្មតានោះទេ។
លក្ខណៈសម្បត្តិរបស់ស្មាតហ្វូន Redmi Note 8 និង Redmi Note 8 Pro
ស្មាតហ្វូនស៊េរីថ្មី Redmi Note 8 និង Note 8 Pro ភ្ជាប់ជាមួយនឹងអេក្រង់ Gorilla Glass 5 នៅផ្នែកខាងក្រោយរបស់វាជាមួយនឹង IP52 P2i សម្រាប់ការពារការកំពប់ទឹកថែមទៀត។ ស្មាតហ្វូន Redmi Note 8 នេះមានអេក្រង់ទំហំ 6.3-inch IPS LCD full HD+ ជាមួយនឹង waterdrop notch ។ ស្មាតហ្វូន Note 8 Pro វិញមានអេក្រង់ទំហំ 6.53-inch IPS LCD full HD+ ជាមួយនឹង waterdrop notch ។ ស្មាតហ្វូនទាំងពីរនេះមានអេក្រង់ការពារ Gorilla Glass 5 ។ វាទទួលស្គាល់នូវវិញ្ញាបនបត្រ TUV Rheinland ដែលធ្វើការធានាថាអេក្រង់របស់ស្មាតហ្វូននេះអាចធ្វើការការពារទៅលើពន្លឺ Blue Rays ដែលមានគ្រោះថ្នាក់ថែមទៀត។ ក្រុមហ៊ុនបច្ចេកវិទ្យា Xiaomi អះអាងថា ស្មាតហ្វូន Note 8 Pro នេះមានអេក្រង់ 91.94% ខណៈពេលដែលស្មាតហ្វូន Note 8 មានអេក្រង់ត្រឹមតែ 90% ប៉ុណ្ណោះ។
ស្មាតហ្វូន Redmi Note 8 នេះដំណើរការនូវបន្ទះឈីប Snapdragon 665 រ៉េមទំហំ 6GB ខណៈពេលដែលម៉ូឌែល Pro គឺមានបន្ទះឈីប Helio G90T chipset ជាមួយនឹងរ៉េមទំហំ 8GB ។ ស្មាតហ្វូន Note 8 Proនេះនឹងមានភ្ជាប់ជាមួយនឹងបច្ចេកវិទ្យា liquid cooling technology សម្រាប់បន្ថយកំដៅនៅពេលប្រើប្រាស់ថែមទៀត។ ស្មាតហ្វូនទាំងពីរនេហមានម៉េមូរីក្នុងម៉ាស៊ីនទំហំ 64GB / 128GB ហើយអាចបន្ថែមនូវម៉េមូរីខាងក្រៅបានថែមទៀត។ ស្មាតហ្វូន Redmi Note 8 និង Note 8 Pro គឺជាស្មាតហ្វូនដំបូងបំផុតរបស់ក្រុមហ៊ុន Xiaomi ដែលបង្ហាញខ្លួននៅក្នុងប្រទេសឥណ្ឌាជាមួយនឹង MIUI 11 ដែលផ្អែកនៅលើ Android 9 Pie OS ។ ស្មាតហ្វូន Note 8 Pro គឺជាស្មាតហ្វូនដំបូងបំផុតនៅក្នុងប្រទេសឥណ្ឌាដែលមានភ្ជាប់ជាមួយនឹងជំនួយការឆ្លាតវៃ Alexa ។ ស្មាតហ្វូន Redmi Note 8 មានថាមពលថ្មទំហំ 4,000mAh ខណៈពេលដែលស្មាតហ្វូន Note 8 Pro មានថាមពលថ្មទំហំ 4,500mAh ។ ស្មាតហ្វូនទាំងពីរនេះទ្រទ្រង់នូវបច្ចេកវិទ្យា 18W និងបច្ចេកវិទ្យា Game Turbo 2.0 technology សម្រាប់បង្កើនល្បឿនទៅលើក្រាហ្វិកកាតនៅក្នុងពេលលេងហ្គេមថែមទៀត។
តម្លៃ និងកាលបរិច្ឆេទនៃការដាក់លក់ស្មាតហ្វូន Redmi Note 8 និង Note 8 Pro នៅក្នុងប្រទេសឥណ្ឌាគឺមានតម្លៃ៖
Redmi Note 8 Pro
6 GB RAM + 64 GB storage – Rs. 14,999 (~$209)
6 GB RAM + 128 GB storage – Rs. 15,999 (~$223)
8 GB RAM + 128 GB storage – Rs. 17,999 (~$251)
ពណ៌៖ Halo White, Gamma Green និង Shadow Black
Redmi Note 8
4 GB RAM + 64 GB storage – Rs. 9,999 (~$139)
6 GB RAM + 128 GB storage – Rs. 12,999 (~$181)
ពណ៌៖ Neptune Blue, Moonlight White និង Space Black
សម្រាប់ការលក់ស្មាតហ្វូនដំបូងបំផុតរបស់ Redmi Note 8 និង Redmi Note 8 Pro នឹងចាប់ផ្តើមនៅថ្ងៃទី 21ខែតុលានៅវេលាម៉ោង 12 PM តាមរយៈហាង Mi.co, Mi Home stores និង Amazon India ៕