ក្រុមហ៊ុន Canon បានបង្ហាញអំពីកាមេរ៉ាស៊េរីថ្មីរបស់ខ្លួន គឺ EOS-1D X Mark III ដែលជាម៉ូឌែលថ្មីនៅក្នុងត្រកូល EOS-1 Series មានការជឿជាក់ទុកចិត្តពីអ្នកថតរូបភាពអាជីពជាច្រើននាក់នៅក្នុងវិស័យថតកីឡា និង Portrait ជាមួយនឹងគុណភាពដែលអាចជឿជាក់បានខ្ពស់បំផុត។ សម្រាប់ម៉ូឌែលថ្មីនេះ គឺមានការពង្រឹងទៅលើគុណភាពរូបភាពកាន់តែល្អប្រសើរជាងមុនបើធៀបជាមួយនឹងម៉ូឌែល EOS-1D X Mark II ដែលប្រកាសបង្ហាញខ្លួននៅក្នុងខែមេសា ឆ្នាំ 2016 នោះ។ នៅឆ្នាំ 2019 នេះ គឺជាខួបលើកទី 30 ឆ្នាំ នៃម៉ូឌែលកាមេរ៉ា EOS-1 Series Flagship របស់ក្រុមហ៊ុន Canon ដែលចាប់បង្ហាញវត្តមាននៅលើទីផ្សារតាំងពីឆ្នាំ 1989 ជាមួយនឹងការបញ្ចេញនូវវត្តមានរបស់ EOS-1។ ផ្អែកទៅលើគំនិតនៃកាមេរ៉ា EOS នេះ កាមេរ៉ា EOS-1 នឹងផ្តល់អោយអ្នកប្រើប្រាស់នូវលក្ខណៈអាជីពជាច្រើនទៅតាមតម្រូវការរបស់ពួកគេជាមួយនឹងបច្ចេកវីទ្យា state-of-the-art technology ភាពធន់ក្នុងការប្រើប្រាស់ រឹងមាំ និងជឿជាក់បានថែមទៀតផង។
គួរបញ្ជាក់ថា នៅក្នុងឆ្នាំ 2001 ក្រុមហ៊ុន Canon ក៏បញ្ចេញនូវកាមេរ៉ាឌីជីថលដំបូងបំផុតរបស់ក្រុមហ៊ុននេះ នោះគឺ EOS-1D ។ ចាប់ពីពេលនោះមក កាមេរ៉ានេះ និងម៉ូឌែលជំនាន់បន្ទាប់របស់វាផ្តល់នូវរូបភាពកាន់តែច្បាស់ជាងមុន និងល្បឿននៃការថតនៅក្នុងកម្រិតខ្ពស់ជាមួយនឹងបច្ចេកវិទ្យា Canon Technology ដែលនេះ គឺជាជម្រើសដ៏ល្អបំផុតសម្រាប់អ្នកសារព័ត៌មាន អ្នកកីឡា អ្នកពាណិជ្ជកម្ម និងអ្នកថតរូបភាពធម្មជាតិជាដើម។
នៅក្នុងរយៈពេលប៉ុន្មានទសវត្សន៍នេះ ក្រុមហ៊ុន Canon ក៏បន្តក្នុងការផ្តល់នូវទស្សនីយភាពដ៏អស្ចារ្យសម្រាប់អ្នកសារព័ត៌មាននៅក្នុងព្រឹត្តិការណ៍កីឡាជាច្រើនទៀតផងដែរ។ ជាមួយនឹងគោលដៅក្នុងការថតនូវខណៈពេលណាមួយដ៏អស្ចារ្យនោះជាពិសេសនៅក្នុងការប្រកួតដ៏ស្វិតស្វាញ ក្រុមហ៊ុន Canon ក៏បង្កើតនូវមជ្ឈមណ្ឌលសម្រាប់ធ្វើការទ្រទ្រង់ទៅលើអ្នកថតរូបភាពជាច្រើនដែលតែងតែចង់បានរូបភាពស្រស់ស្អាតនៅក្នុងខណៈពេលនៃការប្រកួតផងដែរ។ អ្វីដែលកាន់តែអស្ចារ្យជាងនេះទៀតនោះ បទពិសោធន៍ និងការឆ្លើយតបត្រឡប់មកវិញនោះគឺជួយក្នុងការអភិវឌ្ឍទៅលើផលិតផលជាច្រើននាពេលខាងមុខរបស់ក្រុមហ៊ុននេះជាមួយនឹងបច្ចេកវិទ្យាដែលអាចទុកចិត្តបានជាទីបំផុតផងដែរ។
ក្រុមហ៊ុន Canon មានគម្រោងក្នុងការអនុវត្តទៅលើមុខងារជាច្រើនទៅលើកាមេរ៉ា EOS-1D X Mark III នេះ៖
1. ការអភិវឌ្ឍទៅលើសេនស័រ CMOS sensor និង Image Processor សម្រាប់ធ្វើអោយរូបភាពច្បាស់គុណភាពខ្ពស់
•ការអភិវឌ្ឍរបស់ក្រុមហ៊ុន Canon ទៅលើសេនស័រ CMOS sensor និង image processor ដែលទ្រទ្រង់ទៅលើការថតកម្រិត 4K / 60p / YCbCr 4:2:2 / 10-bit / Canon Log and RAW format video។
•AF និង AE tracking ទ្រទ្រង់ទៅលើការថត optical viewfinder (OVF) ឬ live view និងការពង្រឹងទៅលើល្បឿននៃការថតជាប់គ្នា (continuous shooting) បើធៀបជាមួយនឹងម៉ូឌែលមុននេះ។ ជាមួយនឹង AF និង AE tracking កាមេរ៉ានេះអាចថតក្នុងកម្រិត 16 frames-per-second ដោយប្រើប្រាស់នូវ OVF និង 20 live view ។
•ការបង្កើនទៅលើលេខតូចបំផុត 5x នៃរូបភាពនៅក្នុងការថតជាលក្ខណៈ RAW shooting ។
2. ការចាប់មុខងារ autofocus កាន់តែល្អជាងមុននេះគឺដោយសារតែការអភិវឌ្ឍទៅលើ AF sensor និង AF algorithm
•សម្រាប់សេនស័រ AF sensor ថ្មីនេះនឹងត្រូវដាក់ពង្រាយជាមួយនឹងការបង្កើនទៅលើចំនួននៃភិចសែល 28x បើធៀបជាមួយនឹងម៉ូឌែលមុននេះ។ កម្រិតរលកសញ្ញាខ្ពស់បែបនេះគឺទទួលពី AF sensor ដែលផ្តល់នូវកម្រិតនៃការ Focus បានច្បាស់ត្រឹមត្រូវនៅពេលដែលថតតាមរយៈ OVF ។
•នៅពេលដែលប្រើប្រាស់នូវ OVF ឬ live view សម្រាប់ AF algorithm ថ្មីនេះគឺផ្តល់នូវស្ថេរភាពទៅលើប្រព័ន្ធដំណើរការរបស់វាដែលពង្រឹងទៅលើល្បឿននៃការតាមដាន Tracking ផងដែរ។
•នៅក្នុង live view មុខងារ AF នេះ ផ្តល់នូវការពង្រីកទៅលើការ Focus បានដល់ទៅ 100% (vertical)និង 90% (horizontal) ។ វាមានប្រហែលជា 525 ចំណុចដែលប្រើប្រាស់នូវ AF នៅក្នុងការប្រើប្រាស់នូវ automatic selection នោះ។
3. ការបម្រើការងាររបស់អ្នកជំនាញក្នុងការបញ្ជូនទិន្នន័យកាន់តែប្រសើរជាងមុន
•នៅក្នុងការអភិវឌ្ឍទៅលើ Wireless File Transmitter WFT-E9 នៅពេលដែលប្រើប្រាស់ជាមួយនឹង EOS-1D X Mark III ដែលមានល្បឿនក្នុងការបញ្ជូនទិន្នន័យរូបភាព Wireless លឿនជាងមុនទ្វេរដងបើធៀបជាមួយនឹងម៉ូឌែល WFT-E8 ។ បន្ថែមពីនេះទៀតនោះ WFT-E9 ក៏ប្រើប្រាស់នៅលើកាមេរ៉ា EOS C500 Mark II cinema ដែលគ្រោងនឹងបញ្ចេញនៅចុងខែធ្នូ ឆ្នាំ 2019 នេះ។
•សម្រាប់ការភ្ជាប់ទំនាក់ទំនងទៅកាន់ស្មាតហ្វូន និងឧបករណ៍ជាច្រើនទៀតនោះគឺតាមរយៈ Wi-Fi និង Bluetooth® ហើយវាក៏អាចបើកនូវព័ត៌មាន GPS អំពីទីតាំងនៃរូបភាពនៅពេលថតផងដែរ។ នៅពេលដែលប្រើប្រាស់នូវ wired LAN connection នេះ សម្រាប់ WFT-E9 អាចធ្វើការបង្កើននូវល្បឿននៃការបញ្ជូនរូបភាពបានលឿនជាងមុនទ្វេរដង។
•នៅក្នុងការពង្រឹងទៅលើ UI នៅលើ network connections រួមជាមួយនឹងការប្រើប្រាស់នូវប្រព័ន្ធ Remote Control Pan-Tilt System សម្រាប់ធ្វើការបញ្ជាកាមេរ៉ានេះពីចម្ងាយបានថែមទៀត។
4. ការជឿជាក់ពីអ្នកប្រើប្រាស់អាជីព
•ការឌីស្សាញតួខ្លួនដែលមានភាពរឹងមាំជាប្រភេទម៉ាញ៉េស្យូមដែលផ្តល់នូវភាពជឿជាក់ខ្ពស់បំផុត។ វាមានប៊ូតុងនៅខាងក្រោយសម្រាប់ប្រតិបត្តិទៅលើការងារជាច្រើន។
•ម៉េម៉ូរីកាតរបស់កាមេរ៉ានេះ គឺមានការផ្លាស់ប្តូរពី CFast 2.0 ទៅកាន់ CFexpress ។ កាមេរ៉ានេះគឺមានរន្ធដោតម៉េមូរីចំនួន 2 ថែមទៀត។
•ប៊ូតុង AF Start នេះ គឺមានភ្ជាប់ជាមួយនឹង AF tracking setting ថែមទៀត។ វាមានភ្ជាប់ជាមួយនឹង Battery Pack LP-E19 និងប្រព័ន្ធគ្រប់គ្រងថាមពលថ្មកាន់តែល្អជាងមុនថែមទៀតផងក្នុងការប្រើប្រាស់៕
