នៅពេលនេះ ស្មាតហ្វូនស៊េរីថ្មី Xiaomi Mi CC9 Pro បានបំបែកនូវកំណត់ត្រាថ្មីសម្រាប់ប្រវត្តិសាស្រ្តរបស់ក្រុមហ៊ុន Xiaomi។ ស្មាតហ្វូននេះ មានឈ្មោះហៅថា Mi Note 10 សម្រាប់ទីផ្សាររបស់ពិភពលោក ហើយវាក៏ឆ្លងកាត់ការធ្វើតេស្ត៍នៅលើ DxOmark ហើយវាមានពិន្ទុខ្ពស់ដល់ទៅ 121 ថែមទៀតផង។ ស្មាតហ្វូនដែលមានកាមេរ៉ា 5 គ្រាប់នេះគឺមានសេនស័រកាមេរ៉ាទំហំដល់ទៅ 108MP ដែលធ្វើអោយស្មាតហ្វូននេះអាចក្លាយជាស្តេចកាមេរ៉ាថតរូបភាពដូចគ្នាទៅនឹងកាមេរ៉ារបស់ស្មាតហ្វូន Huawei Mate 30 Pro ផងដែរ។
នៅក្នុងការធ្វើតេស្ត៍ទៅលើការថតរូបភាពនោះ ស្មាតហ្វូន Mi CC9 Pro នេះ មានពិន្ទុដល់ទៅ 130 (ខណៈពេលដែលស្មាតហ្វូន Mate 30 Pro មានពិន្ទុ 132) ហើយវាគឺបង្ហាញថាស្មាតហ្វូននេះ ស្ថិតនៅក្នុងកម្រិតល្អខ្លាំងក្នុងការថតរូបភាព។ វាគឺមិនមាន noises នៅលើរូបភាពនោះទេ សម្រាប់ការថតរូបភាពជាលក្ខណៈ Portraits គឺអស្ចារ្យមែនទែន ហើយសម្រាប់ White Balance ក៏អស្ចារ្យថែមទៀតក្នុងការប្រើប្រាស់។ ការថតរូពភាពនៅពេលយប់គឺមើលទៅជាលក្ខណៈធម្មជាតិស្រស់ស្អាតបំផុត។ វាប្រើប្រាស់នូវបច្ចេកវិទ្យា high dynamic សម្រាប់រូបភាពទាំងនេះអោយកាន់តែស្រស់ស្អាតបំផុត។
នៅក្នុងការតេស្ត៍ទៅលើ 2x zoom និង 4x optical របស់កាមេរ៉ាស្មាតហ្វូននេះគឺមានពិន្ទុដល់ទៅ 109 ។ ខណៈពេលដែលការតេស្តទៅលើវីដេអូវិញនោះ វាមានពិន្ទុដល់ទៅ 102 ដែលពិតជាខ្ពស់មែនទែន។ អ្នកអាចធ្វើការទស្សនាទៅលើវីដេអូខាងក្រោមនេះ៕
