នៅពេលនេះ ស្មាតហ្វូនស៊េរីថ្មី Redmi Note 8 Pro បានដាក់លក់រួចហើយសម្រាប់ទីផ្សាររបស់ពិភពលោក ប៉ុន្តែពេលនេះ ក្រុមហ៊ុននេះ ក៏មានពណ៌ថ្មីសម្រាប់ធ្វើការជ្រើសរើសផងដែរ។ បន្ថែមពីពណ៌ Ice Jade, Peal White និង Electro-Optic Ash ក្រុមហ៊ុន Xiaomi ក៏មានការបន្ថែមនូវពណ៌ Dark Blue នៅក្នុងទីផ្សារកោះតៃវ៉ាន់ផងដែរ។ ស្មាតហ្វូននេះ ក៏មានភ្ជាប់ជាមួយនឹងប៊ូតុង “Arrival Notice” ហើយពណ៌ថ្មីនេះ នឹងដាក់លក់នៅថ្ងៃទី 11 ខែវិច្ឆិកាខាងមុខនេះ។ សម្រាប់តម្លៃរបស់ស្មាតហ្វូននេះ ដែលមានទំហំ 6GB+64GB គឺមានតម្លៃ NT$6,599 ($218) ខណៈពេលដែលទំហំ 6GB+128GB គឺមានតម្លៃ NT$7,599 ($251)។
ស្មាតហ្វូន Redmi Note 8 Pro មានភ្ជាប់ជាមួយនឹងបន្ទះឈីប Helio G90T ដែលប្រើប្រាស់នូវអង្គគណនា 2 ARMCortex-A76 និង 6 Cortex-A55 cores នឹងមានអេក្រង់កញ្ចក់គែមកោង 3D ទំហំ 6.53 អ៊ីង និងកម្រិតភាពច្បាស់ 2340×1080 ភិចសែល។ សម្រាប់អេក្រង់របស់ស្មាតហ្វូននេះ ត្រូវាបានទទួលនូវវិញ្ញាបនប័ត្រ TÜV Rheinland Eye Certification ផងដែរ។ បើនិយាយអំពីកាមេរ៉ារបស់ស្មាតហ្វូននេះវិញ គឺបំពាក់មកជាមួយនឹងកាមេរ៉ាគោលទំហំ 64MP Samsung GW1 ហើយសម្រាប់សេនស័រ 64MP Samsung GW1 នេះមានទំហំសេនស័រ 1/1.7-inch ultra-large ដែលធំជាងសេនស័រ 48MP ដល់ទៅ 34%។ មួយចវិញទៀត សិនស័រនេះ ក៏មានសមត្ថភាពទ្រទ្រង់ទៅលើបច្ចេកវិទ្យា 4-in-1 pixel technology, pixel-isolated ISOCELL PLUS និង ISO ថែមទៀតផង។ សម្រាប់កាមេរ៉ាខាងមុខរបស់ស្មាតហ្វូននេះគឺមានទំហំ 20MP ។
ស្មាតហ្វូន Note 8 Pro នេះមានភ្ជាប់ជាមួយនឹងថាមពលថ្មទំហំ 4500mAh ដែលទ្រទ្រង់នូវបច្ចេកវិទ្យា 18W ហើយបន្ថែមពីនេះទៀត ស្មាតហ្វូននេះ ក៏មានការការតរភ្ជាប់ជាមួយរន្ធ USB Type-C interface, 3.5mm headphone jack, multi-function NFC, Infrared remote control និងជាច្រើនទៀតផងដែរ៕
