កាលពីម្សិលមិញនេះ ក្រុមហ៊ុន Lenovo បានបង្ហាញជាផ្លូវការនូវវត្តមានរបស់ស្មាតហ្វូន Motorola Razr នៅក្នុងព្រឹត្តិការណ៍មួយនៅក្នុងទីក្រុង Los Angeles សហរដ្ឋអាមេរិក ហើយថ្ងៃនេះ ក្រុមហ៊ុននេះក៏បានបង្ហាញនូវស្មាតហ្វូននេះនៅពេលព្រឹកនៅក្នុងព្រឹត្តិការណ៍ Tech World 2019 នៅក្នុងប្រទេសចិន។ នៅក្នុងព្រឹត្តិការណ៍នេះ ក្រុមហ៊ុនបច្ចេកវិទ្យារបស់ចិននេះ ក៏បានបង្ហាញនូវកុំព្យូទ័រដែលបត់បានដំបូងបំផុតនៅក្នុងពិភពលោកផងដែរ ជាមួយនឹងអេក្រង់ដែលអាចបត់បានក្រៅពីស្មាតហ្វូនដែលអាចបត់បាន Motorola Razr នេះ។ សមិទ្ធិផលថ្មីនេះ មើលទៅគឺជាឧបករណ៍ដែលដូចគ្នាទៅនឹងការបង្ហាញវត្តមានរបស់ ThinkPad X1 series កាលពីដើមឆ្នាំនេះដែរ។
រូបភាពជាច្រើននៅក្នុងព្រឹត្តិការណ៍នេះ គឺមានការបង្ហាញអំពីអេក្រង់របស់ស្មាតហ្វូន Motorola Razr ដែលមានការបង្កើនទៅលើផ្ទៃនៃការបត់របស់វា។ រឿងនេះ គឺពិតជាគួរអោយភ្ញាក់ផ្អើលខ្លាំងមែនទែនចាប់តាំងពីប្រព័ន្ធផ្សព្វផ្សាយជាច្រើនធ្វើការកើតសរសើរទៅលើអេក្រង់របស់ស្មាតហ្វូននេះ។ នៅក្នុងព្រឹត្តិការណ៍នៃការសម្ពោធ នេះ CEO លោក Yang Yuanqing របស់ក្រុមហ៊ុន Lenovo បាននិយាយថា ផលិតផលរបស់ខ្លួនថ្មីនេះ គឺមានរូបរាងតូចដូចទៅនឹងទូរស័ព្ទដែរ ប៉ុន្តែវាមិនអាចប្រែក្លាយជាថេប្លេតបានដូចទៅនឹងស្មាតហ្វូនដែលមានអេក្រង់បត់បាននោះទេ។
សម្រាប់ ThinkPad X1 series notebook របស់ក្រុមហ៊ុន Lenovo ជាមួយនឹងអេក្រង់បត់បាននោះ វាមានភ្ជាប់ជាមួយនឹងអេក្រង់បត់បានទំហំ 13.3-inch ដែលធ្វើការផលិតឡើងដោយក្រុមហ៊ុនបច្ចេកវិទ្យា LG។ នៅមិនទាន់មានព័ត៌មានច្រើននោះទេដែលបញ្ជាក់អំពីទម្ងន់របស់ឧបករណ៍នេះ ប៉ុន្តែវាមានទម្ងន់ប្រហែលជា 900 ក្រាម និងអេក្រង់ 2K។ អនុប្រធានរបស់ BOE បញ្ជាក់ថាក្រុមហ៊ុនគឺជាអ្នកផ្គត់ផ្គង់ទៅលើអេក្រង់ OLED សម្រាប់កុំព្យូទ័រដែលអាចបត់បានដំបូងបំផុតរបស់ពិភពលោក និងសម្រាប់ស្មាតហ្វូន Motorola Razr ។
សូមជំរាបថា លក្ខណៈសម្បត្តិ និងមុខងាររបស់ស្មាតហ្វូន Motorola Razr គឺមានអេក្រង់ 2។ សម្រាប់អេក្រង់គោលរបស់វាគឺ 6.2-inch p-OLED Flex View displayដែលមានកម្រិតភាពច្បាស់ 2142 x 876 pixels និងកម្រិត aspect ratio 21:9 ។ សម្រាប់អេក្រង់ខាងក្រៅរបស់វាមានទំហំ 2.7-inch gOLED display ដែលមានកម្រិតភាពច្បាស់ 800 x 600 pixels និង aspect ratio 4:3 ។ ក្រុមហ៊ុនបច្ចេកកវិទ្យា Motorola ហៅវាថាជា Quick View ដែលប្រើប្រាស់សម្រាប់ធ្វើការឆែកទៅលើ notifications និងការឆ្លើយតបបានលឿនទៅលើសារ។ ស្មាតហ្វូន Razr ប្រើប្រាស់នូវបន្ទះឈីប Snapdragon 710 SoC ជាមួយនឹងរ៉េមទំហំ 6GB និងម៉េមូរីទំហំ 128GB ។
សម្រាប់កាមេរ៉ាគោលរបស់ស្មាតហ្វូន Razr នេះគឺមានទំហំ 16-megapixel aperture f/1.7និង dual-pixel autofocus ហើយវាក៏ជាកាមេរ៉ា Selfie ផងដែរនៅពេលដែលស្មាតហ្វូននេះបត់នោះ។ វាមានកាមេរ៉ាខាងមុខទំហំ 5-megapixel នៅលើអេក្រង់ FlexView display ។ ស្មាតហ្វូន Razr នេះមានថាមពលថ្មទំហំ 2,510 mAh ដែលទ្រទ្រង់ជាមួយនឹងបច្ចេកវិទ្យាបញ្ចូលថាមពលថ្មលឿន 15W TurboPower និងដំណើរការនៅលើប្រព័ន្ធប្រតិបត្តិការ Android 9.0 Pie ។ ស្មាតហ្វូននេះមិនមានរន្ធផត 3.5mm headphone port នេះជាមួយនឹង bottom-mounted speaker។ ស្មាតហ្វូន Motorola Razr នេះមានតម្លៃ $1,499 សម្រាប់ទីផ្សាររបស់សហរដ្ឋអាមេរិក។ វានឹងបង្ហាញខ្លួននៅលើទីផ្សាររបស់សហរដ្ឋអាមេរិកនៅក្នុងខែមករាខាងមុខនេះ។ សម្រាប់ស្មាតហ្វូនដែលអាចបត់បានសម្រាប់ឆ្នាំ ២០២០ ខាងមុខននេះគឺមានតម្លៃថ្លៃខ្លាំងដែលមនុស្សជាច្រើនអាចនឹងពិចារណាទៅលើលក្ខណៈសម្បត្តិ និងមុខងាររបស់វាផងដែរ។ វានៅមិនទាន់ដឹងអំពីកាលបរិច្ឆេទនៃការប្រកាសបង្ហាញស្មាតហ្វូន Motorola Razr នៅក្នុងប្រទេសចិននៅឡើយទេ៕
