នៅថ្ងៃនេះ ក្រុមហ៊ុន Xiaomi នៅក្នុងប្រទេសឥណ្ឌា និយាយថា សម្រាប់ស្មាតហ្វូនស្ទើរតែទាំងអស់ដែលក្រុមហ៊ុនដាក់លក់នៅក្នុងប្រទេសឥណ្ឌានេះ គឺធ្វើការផលិតនៅក្នុងប្រទេឥណ្ឌាតែម្តង។ លោក Muralikrishnan ដែលជា COO របស់ក្រុមហ៊ុន Xiaomi នៅក្នុងប្រទេសឥណ្ឌា បានប្រាប់ទៅកាន់អ្នកយកព័ត៌មានជាច្រើននៅក្នុងទីក្រុង Sri Cityថា 99% នៃស្មាតហ្វូនទាំងអស់ដែលលក់នៅក្នុងប្រទេសឥណ្ឌា គឺមានការផលិតនៅក្នុងប្រទេសនេះផ្ទាល់តែម្តង។ តាមការបញ្ជាក់របស់គាត់ ពួកគេធ្វើការផលិតស្មាតហ្វូន 3 គ្រឿង ក្នុងមួយវិនាទីដែលនេះ ពិតជាគួរអោយចាប់អារម្មណ៍ខ្លាំងមែនទែន។
លោកបានបន្ថែមថា ពួកគេក៏ប្រើប្រាស់នូវពាក្យថា Made in India សម្រាប់ការនាំចេញស្មាតហ្វូននេះ ទៅកាន់ប្រទេសជិតខាងរបស់គាត់ដូចជានៅក្នុងបង់ក្លាដេស និងនេប៉ាល់។ ក្រុមហ៊ុននេះ មានរោងចក្រពីរផ្សេងគ្នានៅក្នុងប្រទេសនេះ ហើយក៏ធើ្វការសហការជាមួយនឹងក្រុមហ៊ុន Foxconn របស់តៃវ៉ាន់ថែមទៀត។ ចាប់តាំងពីវិញ្ញាបនបត្រ BIS នៅមិនទាន់មានការទទួលស្គាល់នៅក្នុងប្រទេសជាច្រើននៅក្នុងពិភពលោកនោះ ពួកគេនឹងមិនដាក់លក់ស្មាតហ្វូនដែលធ្វើការផលិតនៅក្នុងប្រទេសឥណ្ឌានោះទេសម្រាប់ទីផ្សារនៃប្រទេសអ៊ឺរ៉ុប។ ប៉ុន្តែយើងរំពឹងថា ឆាប់ៗនេះប្រសិនបើប្រទេសឥណ្ឌាដកចេញនូវរបាំងជាច្រើនដែលជាបញ្ហាសម្រាប់ប្រទេសជាច្រើនដើម្បីអោយពួកគេទទួលយកនូវវិញ្ញាបនបត្រ BIS នេះ។
បន្ថែមពីនេះទៀត លោក Josh Foulger ដែលជាអ្នកគ្រប់គ្រងក្រុមហ៊ុន Foxconn នៅក្នុងប្រទេសឥណ្ឌានិយយាថា ដំណើរការរបស់ក្រុមហ៊ុនដែលធ្វើការផលិតនៅក្នុងប្រទេសឥណ្ឌានេះគឺមានរយៈពេល ៥ ឆ្នាំហើយ។ ប្រហែលជា 65% នៃសមាសភាគដែលប្រើប្រាស់នៅលើស្មាតហ្វូន Xiaomi នេះគឺមានការប្រើប្រាស់ធនធាននៅក្នុងប្រទេសនេះតែម្តង។ ក្រុមហ៊ុន Foxconn គឺមានក្រុមហ៊ុនពីរនៅទីនេះគឺមួយនៅទីក្រុង Sri City, Andhra Pradesh និងមួយទៀតនៅ Sriperumbuddur, Tamil Nadu ។ សម្រាប់រោងចក្រនៅក្នុងទីក្រុង Sri City នេះគឺមានបុគ្គលិកច្រើនជាង 15,000 នាក់ដែលក្នុងនោះមានការបង្កើតការងារជាច្រើនសម្រាប់ស្រ្តីដែលរស់នៅក្នុងភូម៌ក្បែរៗនោះ។ ជាចុងក្រោយពាក្យថា ‘Make in India’ ដែលធ្វើការប្រើប្រាស់នៅក្នុងរដ្ឋាភិបាលរបស់ប្រទេសឥណ្ឌាគឺដើរតួយ៉ាងសំខាន់ក្នុងការពង្រឹងទៅលើភាពងាយស្រួលទៅលើការធ្វើអាជីវកម្មនៅក្នុងប្រទេសនេះ៕