គិតត្រឹមថ្ងៃនេះ ព័ត៌មាននៃការបង្ហាញស្មាតហ្វូនស៊េរីថ្មី Honor V30 Pro គឺនៅមិនឆ្ងាយទៀតនោះទេ។ ស្មាតហ្វូននេះ គ្រោងនឹងបង្ហាញខ្លួនជាផ្លូវការនៅថ្ងៃទី 26 ខែវិច្ឆិកានេះ ប៉ុន្តែវាមានការបែកធ្លាយជាច្រើនជាបន្តបន្ទាប់ផងដែរ។ នៅថ្ងៃនេះ យើងបានឃើញនូវរូបភាព Renders របស់ស្មាតហ្វូននេះ ដែលមើលទៅពិតជាស្រស់ស្អាតខ្លាំងមែនទែន។ ពេលនេះ នៅពេលដែលយើងកាន់តែកៀកទៅនឹងព្រឹត្តិការណ៍នៃការសម្ពោធស្មាតហ្វូននេះនោះ ពេលនេះ យើងក៏បានឃើញនូវវត្តមាននូវលិខិតអញ្ជើញរបស់ស្មាតហ្វូននេះ សម្រាប់ព្រឹត្តិការណ៍នៃការសម្ពោធនេះផងដែរ។
នៅក្នុងលិខិតអញ្ជើញនេះ គឺមានការឌីស្សាញដែលមានលក្ខណៈស្រដៀងគ្នាទៅនឹងលិខិតឆ្លងដែន ចាប់តាំងពីក្រុមហ៊ុន Honor ហៅឈ្មោះស្មាតហ្វូននេះថា ជា 5G passports នោះ។ សម្រាប់ផ្នែកខាងក្នុងរបស់ស្មាតហ្វូននេះ គឺមានភ្ជាប់ជាមួយនឹងព័ត៌មានជាច្រើនទៀត ដែលពាក់ព័ន្ធទៅនឹងកាលបរិច្ឆេទ និងឯកអគ្គរដ្ឋទូតនៃម៉ាកយីហោ Honor នេះផងដែរ។
វាគឺជាគំនិតមួយដែលប្លែក និងទាក់ទាញមែនទែន។ Honor V30 Pro នេះ ត្រូវបានគេនិយាយថា មានភ្ជាប់ជាមួយនឹងប្រព័ន្ធកាមេរ៉ា 4 គ្រាប់នៅផ្នែកខាងក្រោយរបស់ស្មាតហ្វូននេះ។ កាមេរ៉ាគោល គឺមានទំហំ 60-megapixel, 16-megapixel superwide lens, 2-megapixel macro lens និង 3D ToF sensor ។ ប្រភពមួយទៀត បាននិយាយថា ស្មាតហ្វូននេះ អាចនឹងប្រើប្រាស់នូវកាមេរ៉ា 4 គ្រាប់ដែលមានទំហំ 60-megapixel main lens, 8-megapixel telephoto lens, 20-megapixel superwide lens និង ToF ។
តាមការបញ្ជាក់របស់ព័ត៌មានចចាមអារ៉ាមជាច្រើនបញ្ជាក់ថា សម្រាប់ស្មាតហ្វូន V30 នេះគឺមានថាមពលថ្មដែលមានទំហំ 4,000mAh ខណៈពេលដែលម៉ូឌែល Pro គឺមានថាមពលថ្មដែលមានទំហំ 4,200mAh។ នៅលើ 3C បានបញ្ជាក់ថាស្មាតហ្វូន V30 Pro នេះគឺទ្រទ្រង់នូវបច្ចេកវិទ្យា 40W fast charging ថែមទៀត។ សម្រាប់ស្មាតហ្វូន V30 Pro ប្រហែលជាទ្រទ្រង់នូវ wireless charging ថែមទៀត។ ស្មាតហ្វូនត្រកូល Honor V30 series ត្រូវបានគេរំពឹងថា នឹងទ្រទ្រង់នូវការតភ្ជាប់ NSA និង SA 5G ថែមទៀតនៅក្នុងប្រទេសចិន៕