បន្ទាប់ពីក្រុមហ៊ុន Apple បញ្ចេញនូវស្មាតហ្វូន iPhone 11 series រួចមក ស្មាតហ្វូន iPhone 11 នេះ គឺមានការពេញនិយមខ្លាំងមែនទែន។ ការលក់ស្មាតហ្វូននេះ គឺលក់ដាច់ខ្លាំងមែនទែននៅក្នុងប្រទេសចិននេះ គឺដោយសារតែស្មាតហ្វូននេះ មានតម្លៃថោកសមរម្យក្នុងការប្រើប្រាស់។ មានការបង្ហាញថា ក្រុមហ៊ុនចែកចាយជាច្រើនរបស់ចិន នៅតែបន្តដាក់លក់ស្មាតហ្វូននេះ ហើយវាគឺជាយុទ្ធសាស្រ្តទីផ្សារដ៏ល្អក្នុងការធ្វើបែបនេះ។
តាមការបញ្ជាក់របស់ Jingdong បានអោយដឹងងថា ស្មាតហ្វូន iPhone 11 5G ដែលជាប់កុងត្រារបស់ក្រុមហ៊ុន China Mobile ពេលនេះ គឺដាក់លក់ហើយ។ អ្វីដែលគួរអោយចាប់អារម្មណ៍នោះ ស្មាតហ្វូននេះ មានតម្លៃថោកជាងម៉ូឌែលស្តង់ដារទៀត។ ទោះជាយ៉ាងណាក៏ដោយ ស្មាតហ្វូន “5G Contract” គឺគ្រាន់តែជាការទាក់ទាញទីផ្សារប៉ុណ្ណោះសម្រាប់ស្មាតហ្វូន iPhone 11 នេះ ដែលវាមិនទ្រទ្រង់ទៅលើបច្ចេកវិទ្យា 5G នោះទេ។ អ្វីដែលក្រុមហ៊ុន China Mobile បង្ហាញនេះ គឺមានន័យថា អ្នកអាចធ្វើការបង់ប្រាក់ដូចគ្នា ដើម្បីបានទទួលនូវទិន្នន័យដូចគ្នាសម្រាប់ស្តង់ដារនៃស្មាតហ្វូន 5G នេះ។ ប្រសិនបើអ្នកទិញស្មាតហ្វូននេះ អ្នកនឹងនៅតែអាចប្រើប្រាស់នូវបណ្តាញ 4G network បាន។
នៅក្នុងកញ្ចប់ network package ដែលបញ្ចុះតម្លៃនេះមានតម្លៃ 128 yuan ($18), 198 yuan ($28) និង 298 yuan ($42) ។ ស្មាតហ្វូន iPhone 11 នេះគឺលក់នៅក្នុងតម្លៃ $668 ($18 package), $644 ($28 package) និង $691 ($42 package) ។ នៅក្នុងខែកញ្ញាឆ្នាំនេះ ក្រុមហ៊ុនបច្ចេកវិទ្យា Apple បញ្ចេញនូវ iPhones ចំនួន ៣ ម៉ូឌែលនោះគឺ iPhone 11, iPhone 11 Pro និង hone 11 Pro Max ។ ស្មាតហ្វូននេះប្រើប្រាស់នូវបន្ទះឈីប A13 bionic chip ចុងក្រោយបំផុត និងកាមេរ៉ាភ្លោះនៅខាងក្រោយថែមទៀត។ សម្រាប់ iPhone 11 Pro/Max គឺមានកាមេរ៉ា ៣ គ្រាប់នៅខាងក្រោយ៕