ថ្មីៗនេះ ក្រុមហ៊ុន Huawei Mate 30 Pro បានបង្ហាញខ្លួននៅក្នុងទីផ្សាររបស់ប្រទេសអេស្ប៉ាញ បើទោះបីជាស្មាតហ្វូននេះមានការលក់នៅក្នុងចំនួនមានកំណត់តាមរយៈហាងលក់ស្មាតហ្វូន Flagship Store នៅក្នុងទីក្រុងម៉ាឌ្រីដ ប៉ុន្តែស្មាតហ្វូននេះនៅមិនទាន់ដាក់លក់សម្រាប់ទីផ្សារទូលំទូលាយនៅក្នុងពិភពលោកនៅឡើយទេ។ ក្រុមហ៊ុនចិននេះ គឺមានការជឿជាក់ទៅលើស្មាតហ្វូន Flagship ជំនាន់ថ្មីរបស់ខ្លួនមែនទែន។
នៅក្នុងរបាយការណ៍ថ្មីមួយរបស់ The Information បានអះអាងថា Huawei គឺមានគម្រោងក្នុងការបង្ហាញស្មាតហ្វូន Huawei P40 និង P40 Pro សម្រាប់ទីផ្សារជាច្រើនរបស់ពិភពលោកនៅក្នុងពេលឆាប់ៗនេះបន្ទាប់ពីការប្រកាសចេញស្មាតហ្វូននេះជាផ្លូវការរួចមក។ ក្រុមហ៊ុនបច្ចេកវិទ្យានេះក៏ប្រកាសបង្ហាញស្មាតហ្វូនត្រកូល P Flagships របស់ខ្លួនកាលពីខែមីនាឆ្នាំមុននេះ ដូចនេះ ស្មាតហ្វូន Huawei P40 series នេះអាចនឹងបង្ហាញខ្លួននៅក្នុងពេលដូចគ្នានេះផងដែរ។ សម្រាប់ការចុះផ្សាយនេះ គឺមិនមានការទម្លាយច្រើននោះទេថា ក្រុមហ៊ុន Huawei នេះមានគម្រោងក្នុងដោះស្រាយទៅលើបញ្ហានៃការហាមប្រាមទៅលើពាណិជ្ជកម្មរបស់អាមេរិក ហើយក្រុមហ៊ុននេះ នឹងរក្សានូវជំហរ Timeline របស់ខ្លួនក្នុងការបង្ហាញស្មាតហ្វូនថ្មីនេះ។ Huawei បញ្ជាក់ថា ការហាមប្រាមទៅលើពាណិជ្ជកម្មនេះ គឺអាចនឹងមានការដកចេញនៅក្នុងពេលដ៏ខ្លីខាងមុខនេះ។
ថ្មីៗនេះ សហរដ្ឋអាមេរិកក៏ផ្តល់អោយក្រុមហ៊ុន Huawei នូវការទ្រទ្រង់រយៈពេល 90 ថ្ងៃបន្ថែមទៀតដែលមានន័យថា អតិថិជនជាច្រើនរបស់ខ្លួនអាចនឹងបន្តការងារក្នុងការធ្វើការងារជាមួយនឹងក្រុមហ៊ុននេះ រហូតដល់ថ្ងៃទី 17 ខែកុម្ភៈ ឆ្នាំ 2020 នេះ។ ទោះជាយ៉ាងណាក៏ដោយ នេះមិនទាន់អាចដោះស្រាយទៅលើស្ថានភាពនៃការបង្ហាញស្មាតហ្វូនស៊េរីថ្មីរបស់ក្រុមហ៊ុននេះ នៅឡើយទេ។ រដ្ឋាភិបាលសហរដ្ឋអាមេរិក នៅមិនទាន់កាត់ផ្តាច់យក្សចិនទាំងស្រុងជាមួយនឹងក្រុមហ៊ុនបច្ចេកវិទ្យាយក្សរបស់ចិននេះនោះទេ ហើយបើកចំហយ៉ាងច្បាស់ក្នុងការដោះស្រាយស្ថានការណ៍នេះជាបន្តបន្ទាប់ផងដែរ។ មានពាក្យចចាមអារ៉ាមជាច្រើនដែលបញ្ជាក់ថា ស្មាតហ្វូនHuawei P40 series នេះនឹងប្រើប្រាស់នូវបន្ទះឈីប Kirin 990 ដែលប្រើប្រាស់នៅលើស្មាតហ្វូន Mate 30 Pro ផងដែរ។ ស្មាតហ្វូននេះនឹងមានអេក្រង់គែមកោង និងកាមេរ៉ាច្រើនគ្រាប់នៅផ្នែកខាងក្រោយរបស់ស្មាតហ្វូននេះដែលល្អបំផុតក្នុងការថតរូបភាព៕
