បន្ទាប់ពីក្រុមហ៊ុន OnePlus បានបង្ហាញនូវស្មាតហ្វូន OnePlus 7T និង 7T Pro របស់ខ្លួនរួចមកនោះ នៅពេលនេះ មានការបែកធ្លាយ និងពាក្យចចាមអារ៉ាមជាច្រើនដែលនិយាយអំពីស្មាតហ្វូន OnePlus 8 នៅលើអនឡាញផងដែរ។ ពេលនេះ នៅក្នុងការអភិវឌ្ឍដូចគ្នានេះ ព័ត៌មានលម្អិតរបស់ស្មាតហ្វូន OnePlus 8 Pro នេះក៏មានការបែកធ្លាយនៅលើអនឡាញផងដែរ។ នៅក្នុងដ្យាក្រាមដែលមានការបែកធ្លាយនេះ គឺស្មាតហ្វូន OnePlus 8 Pro នេះដែលមានការទម្លាយនៅលើអនឡាញដែលបង្ហាញថា ស្មាតហ្វូននេះមានកាមេរ៉ា 4 គ្រាប់នៅខាងក្រោយ។ ប្រភពនេះអះអាងថា សម្រាប់ PDF file នៃដ្យាក្រាមនៃផលិតផលនេះគឺជាអានាមិក។ ដូចនេះវាមិនទាន់ក្លាយជាការពិតនៅឡើយទេ។
សម្រាប់ផ្នែកខាងក្រោយរបស់ស្មាតហ្វូននេះ កាមេរ៉ារបស់វាគឺស្ថិតនៅផ្នែកខាងលើចំកណ្តាលតែម្តងដែលមានការឌីស្សាញជាទម្រង់បញ្ឈរ។ទន្ទឹមនឹងការមើលឃើញនូវកាមេរ៉ា 3 គ្រាប់នៅលើស្មាតហ្វូន OnePlus 7T Pro នេះ ក្រុមហ៊ុននេះនឹងមានការបន្ថែមនូវកាមេរ៉ា ToF sensor សម្រាប់កាមេរ៉ាទី 4 របស់វា។ ក្រុមហ៊ុននេះ នឹងប្រើប្រាស់នូវយន្តការកាមេរ៉ាផុសឡើង ហើយវានឹងមានការឌីស្សាញជាមួយនឹងអេក្រង់ Punch-Hole ថែមទៀត។ ស្មាតហ្វូន OnePlus 8 នឹងមានរន្ធប្រហោងមួយនៅលើអេក្រង់នៅគែមផ្នែកខាងឆ្វេងនៃអេក្រង់នេះជាមួយនឹងកាមេរ៉ា 1 គ្រាប់ខណៈពេលដែលស្មាតហ្វូន Pro នឹងមានកាមេរ៉ាភ្លោះពីរគ្រាប់នៅផ្នែកខាងមុខ។
បើនិយាយអំពីលក្ខណៈសម្បត្តិវិញនោះ វាមានការរាយការណ៍ថា ស្មាតហ្វូន OnePlus 8 Pro នេះនឹងមានភ្ជាប់ជាមួយនឹងអេក្រង់ 120Hz refresh rate ។ យ៉ាងណាមិញ វាមិនមែនជាស្មាតហ្វូនទី 1 នោះទេដោយសារតែស្មាតហ្វូន ASUS ROG Phone II គឺមានអេក្រង់ 120Hz រួចហើយ។ អ្វីដែលគួរអោយគួរអោយចាប់អារម្មណ៍នោះ ពាក្យចចាមអារ៉ាមជាច្រើន បានអះអាងថា iPhones ដែលបង្ហាញខ្លួននៅឆ្នាំក្រោយនេះនឹងមានភ្ជាប់ជាមួយនឹងអេក្រង់ 120Hz ហើយក្រុមហ៊ុននេះ នឹងហៅអេក្រង់នេះថាជា “ProMotion OLED” ។
ក្រុមហ៊ុន Apple ប្រកាសបង្ហាញអេក្រង់ “ProMotion OLED” នៅលើ iPad Pro របស់ខ្លួនដេលមានរយៈពេល 2 ឆ្នាំមកហើយ ជាពិសេសវាត្រូវគេរំពឹងថានឹងប្រើប្រាស់នៅលើ iPhones ស៊េរីថ្មីនាពេលខាងមុខនេះថែមទៀត។ ស្មាតហ្វូននេះនឹងមានភ្ជាប់ជាមួយនឹងបន្ទះឈីប flagship chipset ជំនាន់ថ្មីរបស់ក្រុមហ៊ុនបច្ចេកវិទ្យា Qualcomm ដែលអាចជាបន្ទះឈីប Snapdragon 865 ។ វាប្រហែលជាមានរ៉េមទំហំ 12GB ខណៈពេលដែលលក្ខណៈសម្បត្តិជាច្រើនទៀតរបស់ស្មាតហ្វូននេះនៅមិនទាន់ដឹងនៅឡើយទេ។ ស្មាតហ្វូននេះនឹងទ្រទ្រង់នូវបច្ចេកវិទ្យា wireless charging technology ថែមទៀត៕
