ថ្មីៗនេះ លោក Xu Zhijun ប្រធានក្រុមហ៊ុន Huawei បានថ្លែងសុន្ទរកថា ប្រាប់អំពីគន្លឹះមួយនៅក្នុងវេទិកាសន្និសីទពិភពលោក 5G (World 5G Conference) ដែលបានរៀបចំឡើងនៅក្នុងប្រទេសចិន ដោយនៅក្នុងសុន្ទរកថារបស់គាត់ គឺបញ្ជាក់ថា ប្រទេសចិន គឺមានសមត្ថភាពក្នុងការបង្កើតនូវបច្ចេកវិទ្យា 5G ល្អបំផុតនៅលើពិភពលោក។ លោកបានសង្កត់ធ្ងន់ថា ទាំងសមត្ថភាពនេះ ចំពោះគុណសម្បត្តិមួយចំនួនដែលទីផ្សារចិន មានដែលរួមមានការគាំទ្រពីរដ្ឋាភិបាលមូលដ្ឋាន ការចូលរួមក្នុងឧស្សាហកម្ម ក៏ដូចជាការយល់ដឹងអតិថិជននៅក្នុងចំណោមអ្នកដទៃទៀតផងដែរ។ លើសពីនេះទៀត ប្រទេសនេះ ក៏មានខ្សែសង្វាក់ឧស្សាហកម្មស្ថានីយដែលបានបង្កើតឡើងយ៉ាងល្អ និងបច្ចេកវិទ្យា 5G ល្អបំផុតថែមទៀតផង។
គាត់បានបន្ថែមទៀតថា ពិភពលោកកំពុងចែករំលែកភាគលាភដែលនាំមកដោយការអភិវឌ្ឍ 5G របស់ចិនហើយគាត់ជឿជាក់ថាឧស្សាហកម្ម 5G ក៏ជំរុញតម្រូវការសកលសម្រាប់ឧបករណ៍បណ្តាញ 5G និងតម្រូវការផ្នែក upstream semiconductor ហើយនៅពេលដំណាលគ្នានេះដែរ ក្រុមហ៊ុនបច្ចេកវិទ្យានេះ ក៏ធ្វើការជំរុញការអភិវឌ្ឍស្ថានីយជាច្រើនដូចគ្នាផងដែរ។ លោក Xu Zhijun ក៏ព្យាករណ៍ផងដែរថា អ្នកប្រើប្រាស់បច្ចេកវិទ្យា 5G នៅក្នុងប្រទេសចិន នឹងកើនលើស 200 លាននាក់នៅចុងឆ្នាំ 2020 នេះ។ លោកនិយាយថាការណែនាំបច្ចេកវិទ្យាទូរស័ព្ទជំនាន់នីមួយៗមានភាពចម្រូងចម្រាសជានិច្ច។
បច្ចុប្បន្ននេះ ក្រុមហ៊ុនផ្តល់សេវាទូរគមនាគមន៍ចិនចំនួន 3 កំពុងធ្វើការដើម្បីផ្តល់សេវា 5G នៅក្នុងប្រទេសដែលរួមមានក្រុមហ៊ុន China Mobile, China Unicom និង China Telecom ។ មុនពេលចេញលក់ ក្រុមហ៊ុនទាំងនេះមានការផ្តល់ជូននូវសេវាកម្ម pre-subscription ដែលមានអ្នកប្រើប្រាស់ជាង 9.3 លាននាក់ចុះឈ្មោះប្រើសេវា 5G មុនពេលការចេញលក់ជាផ្លូវការនោះ៕
