តើលោកអ្នកនៅចាំពណ៌ Solar Red របស់ស្មាតហ្វូន HTC U11 ដែរឬទេ? ក្រុមហ៊ុន Meizu ក៏ព្យាយាមក្នុងការនាំយកនូវពណ៌ស្រដៀងគ្នានេះតាមរយៈវត្តមានរបស់ស្មាតហ្វូន Meizu 16T Daylight Orange ។ រយៈពេលមួយខែបន្ទាប់ពីការប្រកាសបង្ហាញខ្លួននេះ ស្មាតហ្វូន Meizu 16T Daylight Orange គឺជាម៉ូឌែលពណ៌ថ្មីដែលនឹងដាក់លក់នៅថ្ងៃស្អែកនេះនៅក្នុងប្រទេសចិន។ ពណ៌ថ្មីនេះ គឺប្លែកពីពណ៌ Tropical Orange version របស់កាសស្តាប់ Meizu HD60 ហើយវាមើលទៅពិតជាស្រស់ស្អាត និងមើលទៅស្រដៀងគ្នាទៅនឹងពណ៌ Solar Red របស់ស្មាតហ្វូន HTC U11។
ស្មាតហ្វូនពណ៌ Daylight Orange របស់ Meizu 16T នេះនឹងមាន ៣ ទំហំសម្រាប់ធ្វើការជ្រើសរើស។ វាមានទំហំ 6GB+128GB ដែលមានតម្លៃ 1999 yuan ($284), 8GB+128GBមានតម្លៃ 2299 yuan ($327) និង 8GB+256GB ដែលមានតម្លៃ 2499 yuan ($356)។ ស្មាតហ្វូននេះ ដាក់លក់នៅថ្ងៃទី 22 ខែវិច្ឆិកានេះ។ ស្មាតហ្វូន Meizu 16T នេះគឺមានអេក្រង់ទំហំ 6.5-inch 1080p FHD+ និងបន្ទះឈីប Snapdragon 855។ ស្មាតហ្វូននេះមានភ្ជាប់ជាមួយនឹងម៉ូទ័រ linear vibration motor និង Game Mode 4.0 សម្រាប់ធ្វើការពង្រឹងទៅលើបទពិសោធន៍នៃការលេងហ្គេមកាន់តែអស្ចារ្យបំផុត។ ស្មាតហ្វូននេះមានភ្ជាប់ជាមួយនឹង dual stereo speakers និងរន្ធដោតកាសស្តាប់ 3.5mm audio jack ថែមទៀត។
ក្រុមហ៊ុន Meizu ក៏ធ្វើការសហការជាមួយនឹងក្រុមហ៊ុន Tencent សម្រាប់ពង្រឹងទៅលើសមត្ថភាពក្នុងការលេងហ្គេមកាន់តែប្រសើរជាងមុនផងដែរ ។ ស្មាតហ្វូន Meizu 16T ភ្ជាប់ជាមួយនឹងកាមេរ៉ា 3 គ្រាប់ដែលមានទំហំ Sony IMX362 12-megapixel f/1.9 apertureនិង PDAF, f/2.2 aperture 8-megapixel ultrawide lens 118-degree field-of-view និង f/1.9 aperture 5-megapixel depth sensor ថែមទៀតផង៕
