ក្រុមហ៊ុន Panasonic ទើបតែចេញនូវសេចក្តីរាយការណ៍ថា ខ្លួននឹងលក់នូវអាជីវកម្មបន្ទះឈីបរបស់ខ្លួនទៅអោយក្រុមហ៊ុនថ្នាក់កណ្តាលមួយរបស់តៃវ៉ាន់ ក្រោយពេលដែលជំនួញមួយនេះ មានការខាតបង់ជាបន្តបន្ទាប់នៅក្នុងអាជីវម្ម។ គួរបញ្ជាក់ថា ក្រុមហ៊ុននេះ បានប្រឡូកចូលទៅក្នុងទីផ្សារនៅក្នុងឆ្នាំ 1952 ដោយបានក្លាយជាក្រុមហ៊ុនផ្គត់ផ្គង់បន្ទះឈីបធំបំផុតនៅក្នុងទសវត្សន៍ឆ្នាំ 1980s និង 1990s ប៉ុន្តែពេលនេះ ក្រុមហ៊ុនក៏ព្យាយាមក្នុងការគ្រប់គ្រងទៅលើការខាតបង់ដ៏ច្រើននេះផងដែរ។
ក្រុមហ៊ុនបច្ចេកវិទ្យានេះក៏ត្រូវគេរាយការណ៍ថាមានការខាតបង់ទៅលើទឹកប្រាក់ប្រហែលជា $215 លានដុល្លារអាមេរិកនៅក្នុងឆ្នាំមុននេះ។ ជាមួយនឹងសង្គ្រាមពាណិជ្ជកម្មចិនអាមេរិកនោះ ក្រុមហ៊ុន Panasonic នេះ ក៏តស៊ូដើម្បីងើបពីការខាតបង់នេះផងដែរ។ ក្រៅពីនេះ ក្រុមហ៊ុននេះ ក៏ត្រូវតស៊ូទៅនឹងតម្រូវការទាបទៅលើការផលិតបន្ទះឈីប semiconductor របនស់ខ្លួនងដែរ។ក្រុមហ៊ុនបច្ចេកវិទ្យានេះធ្លាប់ធ្វើការផលិតនៅលើបន្ទះឈីបជាច្រើនចាប់ពី Micro-Controllers, NFC tags, Image Sensors និងជាច្រើនទៀត។
អាជីវកម្មបន្ទះឈីបរបស់ក្រុមហ៊ុន Panasonic នេះគឺស្ថិតនៅក្រមការគ្រប់គ្រងរបស់ Nuvoton ដែលក្រុមហ៊ុនផលិតបន្ទះឈីបបុត្រសម្ព័ន្ធរបស់ Winbond ហើយវាក៏ធ្វើការផលិតទៅលើបន្ទះឈីបសម្រាប់ឧបករណ៍ microcontrollers, controller និងជាច្រើនទៀត។ ក្រុមហ៊ុន Panasonic ក៏រាយការណ៍ថាវាមានការខាតបង់ទៅលើប្រាក់ចំនូលដល់ទៅ 27% ដែលមានតម្លៃជិត 300 ពាន់លានយ៉េន។ ក្រុមហ៊ុននេះ ក៏នឹងធ្វើការចាកចេញពីទីផ្សារ LCD នៅក្នុងឆ្នាំ 2021 នេះផងដែរ៕
