រហូតមកទល់ពេលនេះ យើងអាចធ្វើការប៉ាន់ស្មានបានថាតើស្មាតហ្វូន Galaxy S11 នឹងមានលក្ខណៈសម្បត្តិអ្វីខ្លះទៅ ហើយផ្នែកខាងក្រោយរបស់ស្មាតហ្វូននេះក៏មានការទម្លាយជាច្រើនផងដែរ។ ស្មាតហ្វូននេះនឹងប្រើប្រាស់នូវបន្ទះឈីប Snapdragon 865ឬ Exynos 990 ដែលនឹងប្រើប្រាស់នូវដំណើរការ 7nm EUV។ ស្មាតហ្វូននេះមានភ្ជាប់ជាមួយនឹងកាមេរ៉ាគោលទំហំ 108MP និង 48MP telephoto ជាមួយនឹងកាមេរ៉ា ultrawide និង ToF ថែមទៀត។ ស្មាតហ្វូននេះនឹងមានរ៉េមទំហំ 8GB RAM/256GB storage ។ អេក្រង់របស់ S11+ នឹងមានទំហំ 6.9" ជាមួយនឹងកម្រិត 120Hz refresh rate ថែមទៀតផង។
តើក្រុមហ៊ុន Samsung នឹងធ្វើបែបណាដើម្បីអាចបំពាក់នូវអេក្រង់ធំនៅលើស្មាតហ្វូននេះ? វាប្រហែលជាមានការឌីស្សាញទៅលើគែមរបស់វាកាន់តែមានទំហំតូចជាងមុនថែមទៀត។ ខណៈពេលដែលយើងបានឃើញនូវរូបភាព Renders របស់ស្មាតហ្វូន S11 series បែកធ្លាយរួចហើយនោះ ស្មាតហ្វូន Galaxy S11 នេះនឹងមានអេក្រង់ Infinity-O hole-in-display ដែលធ្លាប់បានប្រើប្រាស់នៅលើស្មាតហ្វូន Galaxy S10 នៅក្នុងឆ្នាំនេះផងដែរ។
ក្រុមហ៊ុនបច្ចេកវិទ្យាយក្ស Samsung ប្រហែលជានាំមុខក្រុមហ៊ុន Apple ហើយនៅក្នុងការឌីស្សាញស្មាតហ្វូនដែលមានអេក្រង់ពេញគែមនោះ។ ជាមួយនឹងវត្តមានរបស់អេក្រង់ Hole Display នៅលើស្មាតហ្វូន Note 10/10+ នោះ ការឌីស្សាញនេះ គឺកាន់តែល្អស្រស់ស្អាតជាងមុនសម្រាប់ស្មាតហ្វូន Galaxy S11 ខាងមុខនេះ។ តើប្រិយមិត្តគិតដូចម្តេចដែរ?