បច្ចុប្បន្ននេះ ក្រុមហ៊ុន Apple កំពុងតែធ្វើការនៅលើផលិតផលជាច្រើនសម្រាប់ពេលខាងមុខនេះដែលក្នុងនោះគឺមាន iPhone 2020 និងកាសស្តាប់ AirPods Pro ជំនានថ្មី។ សម្រាប់វត្តមានរបស់ស្មាតហ្វូន iPhone 2020 នាពេលខាងមុខនេះក៏មានការពិភាក្សាជាច្រើននៅក្នុងរយៈពេលប៉ុន្មានសប្តាហ៍កន្លងទៅនេះ។ យើងនៅមិនទាន់ដឹងអំពីព័ត៌មាននៃស្មាតហ្វូននេះនៅឡើយទេ។ ប្រសិនបើរបាយការណ៍នេះ អាចជឿជាក់បាននោះ ក្រុមហ៊ុនផលិតស្មាតហ្វូននេះ ត្រូវគេជឿជាក់ថា នឹងភ្ជាប់នូវកាសស្តាប់ឥតខ្សែ Wireless នេះជាមួយនឹងស្មាតហ្វូន iPhone នេះតែម្តង។ បន្ថែមពីនេះទៀតនោះ របាយការណ៍នេះលើកឡើងថា ក្រុមហ៊ុនផលិតស្មាតហ្វូនជាច្រើនទៀតដូចជា Samsung និង Xiaomi ក៏ប្រហែលជាដើរតាមនិន្នាការដូចគ្នានេះផងដែរសម្រាប់ឆ្នាំក្រោយនេះ។
សម្រាប់អ្នកដែលមិនទាន់បានដឹងនោះ កាសស្តាប់ Apple AirPods នេះគឺជាកាសស្តាប់មួយនៅក្នុងចំណោមកាសស្តាប់ឥតខ្សែដែលមានការពេញនិយមខ្លាំងមែនទែននៅក្នុងទីផ្សារ។ ប្រសិនបើនេះ គឺជាការពិតនោះ កាសស្តាប់ Apple AirPods នេះនឹងធ្វើអោយតម្លៃរបស់ស្មាតហ្វូន iPhones នេះមានការកើនឡើង។ ក្រុមហ៊ុនបច្ចកវិទ្យា Apple នៅមិនទាន់ធ្វើការបង្កើនតម្លៃខ្លាំងនោះទេនៅលើស្មាតហ្វូន iPhone 2020 ។ បច្ចុប្បន្ននេះ Apple ក៏នឹងភ្ជាប់នូវកាសស្តាប់ EarPods ជាមួយនឹងស្មាតហ្វូននេះដែលកាសស្តាប់នេះមានតម្លៃ $29 ។ នេះមានន័យថា កាសស្តាប់នេះ អាចនឹងមានតម្លៃថោកជាងនេះសម្រាប់ក្រុមហ៊ុននេះដើម្បីធ្វើការផលិតនោះ។
សម្រាប់កាសស្តាប AirPods វិញនោះ គឺមានតម្លៃលក់រាយដល់ទៅ $159 ហើយនឹងមិនទំនងថានឹងភ្ជាប់ជាមួយនឹង iPhone ដោយឥតគិតថ្លៃនោះទេ។ បន្ថែមពីនេះទៀតនោះ កាសស្តាប់ AirPods នេះគឺមានការពេញនិយមខ្លាំងមែនទែន ហើយក្រុមហ៊ុននេះប្រហែលជាគ្មានគំនិតក្នុងការលក់ផលិតផលនេះឥតគិតថ្លៃនោះទេ។ Apple អាចនឹងធ្វើការបង្កើនទៅលើតម្លៃរបស់ iPhones ថ្មីនេះ ដោយសារតែការភ្ជាប់មកជាមួយនឹងកាសស្តាប់ AirPods។ មានការបញ្ជាក់ថា កាសស្តាប់ AirPods នេះនឹងមានភ្ជាប់ជាមួយនឹងម៉ូឌែលប្រភេទប្រណិតបំផុតប៉ុណ្ណោះ។ យើងត្រូវធ្វើការរង់ចាំដល់ឆ្នាំ 2020 ដើម្បីអាចបញ្ជាក់ថារបាយការណ៍នេះត្រឹមត្រូវ ឬអត់នោះ៕
