ក្រុមហ៊ុន Apple នឹងបង្ហាញស្មាតហ្វូន iPhones ចំនួន 4 ម៉ូឌែលនៅឆ្នាំក្រោយនេះ ជាមួយនឹងបច្ចេកវិទ្យា 5G នៅក្នុងឆមាសទី 2 ឆ្នាំ 2020 នេះបើតាមការបញ្ជាក់របស់ក្រុមអ្នកវិភាគជាច្រើនរបស់ក្រុមហ៊ុន JP Morgan។ ស្មាតហ្វូនទាំង 4 ម៉ូឌែលនេះនឹងបែងចែកជាប្រភេទក្រុមតូច និងក្រុមធំដែលមួយក្រុមនឹងប្រើប្រាស់នូវ 3D sensing នៅខាងក្រោយរួមជាមួយនឹងបច្ចេកវិទ្យា mmWave 5G ថែមទៀតpg។
ពាក្យចចាមអារ៉ាមជាច្រើនអំពី iPhone 12 ទម្លាយថាស្មាតហ្វូននេះនឹងមាន 3 ទំហំដែលមានភ្ជាប់ជាមួយនឹងអេក្រង់ OLED displays ។ នៅក្នុងការបញ្ជាក់របស់ JP Morgan ជឿជាក់ថា សម្រាប់ម៉ូឌែលទី 4 របស់ស្មាតហ្វូននេះ នឹងបង្ហាញខ្លួននៅក្នុងរដូវស្លឹកឈើជ្រុះក្នុងឆ្នាំ 2020 ខណៈពេលដែលក្រុមហ៊ុន Apple នឹងធ្វើការបង្កើននូវចំនួនស្មាតហ្វូនរបស់ខ្លួនពី 3 ទៅ 4។ មានការរំពឹងថា ម៉ូឌែលមួយនេះ អាចនឹងមានអេក្រង់ទំហំ 5.4-inch និង 6.7-inch ខណៈពេលដែលពីរម៉ូឌែលទៀតនឹងមានទំហំ6.1-inch។ តាមការបញ្ជាក់បន្ថែមរបស់ JP Morgan បន្ថែមថា ស្មាតហ្វូនទាំងនេះ នឹងមានប្រភេទ Pro ដែលមានភ្ជាប់ជាមួយនឹងលក្ខណៈសម្បត្តិខ្លាំងជាច្រើនថែមទៀត។
សម្រាប់ម៉ូឌែល 6.1-inch និងទំហំ 6.7-inch គឺនឹងមានភ្ជាប់ជាមួយនឹងកាមេរ៉ាខាងក្រោយ 3 គ្រាប់រួមជាមួយនឹងបច្ចេកវិទ្យា "World-facing 3D sensing" ដែលប្រើប្រាស់នូវ VCSELs ថែមទៀត។ ចំណែកម៉ូឌែលពីរផ្សេងទៀតនោះគឺ 5.4-inch និង6.1-inch គឺប្រើប្រាស់នូវប្រព័ន្ធកាមេរ៉ាភ្លោះ និងមិនមានសេនស័រ 3D នោះទេ។ ខណៈពេលដែលស្មាតហ្វូនទាំងអស់នេះ នឹងទ្រទ្រង់នូវ 5G connectivity នោះ វាមានតែប្រភេទស្មាតហ្វូនកម្រិតខ្ពស់តែ 2 ម៉ូឌែល ប៉ុណ្ណោះ ដែលទ្រទ្រង់ទៅលើបច្ចេកវិទ្យា mmWave ដែលអនុញ្ញាតអោយពួកគេអាចធ្វើការភ្ជាប់ទៅកាន់ល្បឿនលឿននៅក្នុងទីក្រុងជាច្រើន និងការប្រើប្រាស់នៅក្នុងតំបន់ដែលមានការផ្តល់នូវ mmWave 5G នេះ។ ស្មាតហ្វូនទាំងអស់នេះនឹងទ្រទ្រង់នូវ sub-6GHz 5G spectrum ផងដែរ។
តាមការបញ្ជាក់របស់ JP Morgan អោយដឹងថា ស្មាតហ្វូនទាំង 4 ម៉ូឌែលនឹងបង្ហាញខ្លួននៅក្នុងកាលបរិច្ឆេទដូចគ្នានៅឆ្នាំក្រោយនេះ។ វត្តមានរបស់ស្មាតហ្វូន iPhone SE ជំនាន់ទី 2 ត្រូវគេរំពឹងថានឹងបង្ហាញខ្លួនជាមួយនឹងអេក្រង់ទំហំ 4.7-inch LCD ដែលគ្រោងនឹងដាក់លក់នៅក្នុងឆមាសទី 1 ឆ្នាំ 2020 ខាងមុខនេះ៕
