Huawei Nova 6 SE គឺជាស្មាតហ្វូនទី 3 នៅក្នុងត្រកូលស្មាតហ្វូន Nova 6 របស់ក្រុមហ៊ុន Huawei នៅក្នុងឆ្នាំនេះដែលត្រូវគេរំពឹងថានឹងបង្ហាញខ្លួននៅក្នុងព្រឹត្តិការណ៍មួយនៅថ្ងៃស្អែកនេះ។ បន្ទាប់ពីមានការបែកធ្លាយទៅលើលក្ខណៈសម្បត្តិជាច្រើនរបស់ស្មាតហ្វូនទាំងពីរនេះគឺ Nova 6 និង Nova 6 5G។ នៅពេលនេះ ព័ត៌មានលម្អិតរបស់ស្មាតហ្វូន Nova 6 SE មានការបែកធ្លាយហើយ។
តាមការបញ្ជាក់របស់ Digital Chat Station អោយដឹងថា ស្មាតហ្វូន Huawei Nova 6 SE នឹងមានភ្ជាប់ជាមួយនឹងអេក្រង់ដែលមានទំហំ 6.4-inches ។ អេក្រង់នេះជាប្រភេទ LCD ដែលមានកម្រិតភាពច្បាស់ FHD+ និងរន្ធ Punch-Hole នៅលើអេក្រង់ផ្នែកខាងឆ្វេងរបស់វា។ វាមានការរាយការណ៍ថា រន្ធប្រហោងនេះសម្រាប់ដាក់កាមេរ៉ាដែលមានទំហំ 16MP sensor ។
ស្មាតហ្វូនNova 6 SE នឹងមានកាមេរ៉ា 4 គ្រាប់នៅផ្នែកខាងក្រោយរបស់វា ដែលមានរូបរាងស្រស់ស្អាតមែនទែន។ សម្រាប់រន្ធដាក់កាមេរ៉ានេះ គឺស្រដៀងគ្នាទៅនឹងស្មាតហ្វូន iPhone 11 series ដែរ។ កាមេរ៉ាគោលរបស់ស្មាតហ្វូននេះ គឺមានទំហំ 48MP sensor រួមជាមួយនឹង 8MP និង 2MP មួយគូរថែមទៀត។ ស្មាតហ្វូននេះដំណើរការនូវបន្ទះឈីប Kirin 810 ជាមួយនឹងថាមពលថ្មទំហំ 4200mAh និងទ្រទ្រង់ទៅលើបច្ចេកវិទ្យា 40W fast charging ថែមទៀត។ ស្មាតហ្វូន Nova 6 SE នេះនឹងភ្ជាប់ជាមួយនឹងប្រព័ន្ធស្កេនក្រយ៉ៅដៃនៅចំហៀងស្មាតហ្វូននេះដែលអាចដោះសោរបានយ៉ាងងាយស្រួលថែមទៀត។ ស្មាតហ្វូននេះនឹងមានពណ៌ Gradient Pink (ផ្កាឈូក) ស្បែក EMUI 10 ដែលផ្អែកនៅលើ Android 10 ថែមទៀត៕