យោងតាមព័ត៌មានថ្មី ក្រុមហ៊ុន Apple បាននឹងប្រកាសជាផ្លូវការនូវបណ្តាញបច្ចេកវិទ្យា 5G networking របស់ខ្លួននៅលើ iPhone 2020 ហើយបន្ថែមពីនេះទៀតនោះ ក្រុមហ៊ុនផ្គត់ផ្គង់មួយដែលមានឈ្មោះថា Murata Manufacturing ទើបតែធ្វើការអភិវឌ្ឍទៅលើ “ultrasmall” version ថ្មីរបស់សមាសភាគគ្រឿងផ្គុំសម្រាប់ម៉ូដឹម 5G នោះ។ វានឹងជួយអោយក្រុមហ៊ុនបច្ចេកវិទ្យា Apple នៅសល់ផ្ទៃទំនេរកាន់តែច្រើននៅលើស្មាតហ្វូន iPhones 5G នេះ។
តាមការបញ្ជាក់នៅក្នុងរបាយការណ៍ថ្មីនេះ ក្រុមហ៊ុន Murata Manufacturing នឹងធ្វើការចាប់ផ្តើមការផលិតទ្រង់ទ្រាយធំទៅលើសមាសភាគតូចនេះ ដែលមានទំហំ 1/5 តូចជាងមុន 80% ហើយវាមានទំហំផ្ទុកខ្លាំងជាងមុន 10 ដងថែមទៀត។សម្រាប់ capacitors នីមួយៗរបស់វា គឺមានវិមាត្រ 0.25mmx 0.125mm ហើយវាត្រូវបានឌីស្សាញឡើងដើម្បីកំណត់ទៅលើការប្រើប្រាស់ថាមពលនៃសៀគ្វីនៅក្នុងស្មាតហ្វូន iPhones នេះ។ ក្រុមហ៊ុន Murata បាននិយាយថា សម្រាប់ម្សៅសេរ៉ាមិច ceramic powder នឹងដើរតួយ៉ាងសំខាន់ក្នុងការផលិតទៅលើcapacitors ដ៏តូចមួយនេះ។
អ្វីដែលគួរអោយកត់សម្គាល់នោះ គឺថា ថាមពលថ្មនៅលើស្មាតហ្វូននេះ នឹងមានការធ្លាក់ចុះលឿនដោយសារតែបច្ចេកវិទ្យា 5G technology ឬ 4G នេះ។ ដូចនេះ វាត្រូវការថាមពលថ្មកាន់តែធំជាងមុនសម្រាប់ដំណើរការនូវ capacitors នេះ ប្រកបដោយប្រសិទ្ធិភាពខ្ពស់បំផុតនោះ។ សម្រាប់ capacitors ថ្មីរបស់ក្រុមហ៊ុន Murata នឹងធ្វើអោយក្រុមហ៊ុនផលិតស្មាតហ្វូនជាច្រើនដូចជា Apple មានសមត្ថភាពក្នុងការប្រើប្រាស់នូវសមាសភាគថ្មីនេះដែលធ្វើអោយខ្លួនអាចដាក់ថាមពលថ្មបានកាន់តែធំជាងមុនថែមទៀត។
នៅមិនទាន់មានការបញ្ជាក់ជាផ្លូវការនៅឡើយទេប្រសិនបើក្រុមហ៊ុនបច្ចេកវិទ្យានេះនឹងប្រើប្រាស់នូវបច្ចេកវិទ្យាថ្មីនេះ របស់ក្រុមហ៊ុន Murata នោះ។ យ៉ាងណាមិញ ក្រុមហ៊ុននេះនឹងក្លាយជាក្រុមហ៊ុនផ្គត់ផ្គង់មួយរបស់ Apple ផងដែរ។ ក្រុមហ៊ុន Murata ក៏ជាដៃគូជាមួយនឹងម៉ាកយីហោស្មាតហ្វូនជាច្រើនទៀតដូចជា Huawei ផងដែរ។នៅក្នុងឆ្នាំ 2020 នេះ ក្រុមហ៊ុនបច្ចេកវិទ្យា Apple ក៏មានគម្រោងក្នុងការបញ្ចេញនូវស្មាតហ្វូន iPhones យ៉ាងហោចណាស់ ៣ ម៉ូឌែលនៅឆ្នាំក្រោយនេះហើយវានឹងប្រើប្រាស់នូវបច្ចេកវិទ្យា 5G technology ទាំងអស់៕
