ត្រឡប់ទៅកាន់ឆ្នាំ 2006 នោះ លោក Elon Musk ដែលជា CEO របស់ក្រុមហ៊ុន Tesla ធ្វើការបង្ហោះនូវសារមួយថា "The Secret Tesla Motors Master Plan (just between you and me)" ហើយសម្រាប់ជំហានដំបូងនោះ គឺការបង្កើតនូវរថយន្តតូចដែលមានតម្លៃថ្លៃនៅក្នុងចំនួនតិចប៉ុណ្ណោះ។
ក្រុមហ៊ុន Tesla ក៏ចាប់ផ្តើមប្រឡូកនៅក្នុងឧស្សាហកម្មផលិតរថយន្តនេះ ហើយសម្រាប់ជំហានទី 2 របស់ក្រុមហ៊ុន Tesla នេះគឺការបង្កើតនូវរថយន្តដែលមានទំហំមធ្យមនៅក្នុងតម្លៃទាបសម្រាប់ដាក់លក់ហើយនោះគឺជាម៉ូឌែល Model S ខណៈពេលដែលរថយន្ត Tesla Model 3 គឺជាជំហានទី 3 របស់ក្រុមហ៊ុននេះ ដែលជារថយន្តដែលមានទំហំធំបន្តិច ហើយមានតម្លៃសមរម្យថែមទៀត។ សម្រាប់ជំហានទី 4 របស់ក្រុមហ៊ុននេះ គឺការផ្តល់នូវថាមពលសូឡា ហើយការធ្វើដំណើរត្រូវតែបានឆ្ងាយក៏ជាការបេសកកម្មរបស់ក្រុមហ៊ុននេះដែលបន្តផងដែរ។
Elektra បានធ្វើការរំលឹកយើងថានៅក្នុងឆ្នាំ 2016 លោក Musk ធ្វើការបង្ហាញអំពីផ្នែកទី 2 នៃគម្រោងនេះ។ នៅក្នុងរថយន្តជាច្រើននេះ លោក Musk និយាយអំពីរថយន្ត Trucks ដែលមានកាតព្វកិច្ចសម្រាប់ការងារធ្ងន់ៗ និងងការដឹកជញ្ជូនតាមទីក្រុងដែលអាចផ្ទុកបានមនុស្សច្រើន រួមជាមួយនឹងរថយន្ត SUV រូបរាងតូច និងងរថយន្តប្រភេទថ្មីនៃ Pickup Truck ផងដែរ។
រហូតមកទល់ពេលនេះ យើងបានឃើញនូវគំនិតរបស់រថយន្ត Tesla Semi និងរថយន្ត Tesla Cybertruck ហើយរថយន្តទាំងពីរនេះនឹងធ្វើការចាប់ផ្តើមផលិតនៅក្នុងពេលណាមួយនៅថ្ងៃអនាគតផងដែរ។ នេះគឺជារថយន្តដែលអាចដឹកជញ្ជូនអ្នកដំណើរបានច្រើននៅក្នុងទីក្រុង ហើយនេះនៅតែស្ថិតនៅក្នុងបញ្ជីការងារដែលត្រូវធ្វើរបស់ក្រុមហ៊ុន Tesla ។
សម្រាប់រថយន្ត Truck ដែលមានតួនាទីដឹកទំនិញធ្ងន់ៗនេះ និងរថយន្តដឹកជញ្ជូនមនុស្សក្នុងទីក្រុងនេះគឺជាជំហានដំបូងនៅក្នុងការអភិវឌ្ឍរបស់ក្រុមហ៊ុន Tesla ហើយវាអាចនឹងរួចរាល់នៅឆ្នាំក្រោយនេះ ប៉ុន្តែយើងមិនឃើញមានអ្វីចេញជាផ្លែផ្កានោះទេអំពីរថយន្តដឹកជញ្ជូននៅក្នុងទីក្រុងក្នុងរយៈពេល 3 ឆ្នាំនេះចាប់តាំងពីការប្រកាសនេះ ផងដែរ។ វាប្រហែលជាមិនមានអ្វីដែលថ្មីយកមកបង្ហាញនោះទេ។
សម្រាប់ទូរថភ្លើងដើរដោយថាមពលអគ្គីសនីដែលធ្វើដំណើរជុំវិញផ្លូវរូងក្នុងដីមិនមែនជារឿងថ្មីនោះទេហើយវាជាការចង់ដឹងចង់ឃើញប្រសិនបើធ្វើឱ្យទូរថភ្លើងទាំងនោះមានថាមពលថ្មនិងអាចសាកបាននឹងផ្តល់អត្ថប្រយោជន៍ដល់ប្រព័ន្ធដឹកជញ្ជូនថែមទៀត។ គួរបញ្ជាក់ផងដែរថា រថយន្តម៉ូឌែលចុងក្រោយដែលស្ថិតនៅក្នុងគម្រោងបច្ចុប្បន្នរបស់ក្រុមហ៊ុនTesla អាចនឹងបងង្ហាញខ្លួននៅក្នុងពេលណាមួយឆាប់ៗខាងមុខនេះជាក់ជាមិនខាន៕
