ស្មាតហ្វូនស៊េរីថ្មី Galaxy S20 series នឹងបង្ហាញខ្លួននៅក្នុងរយៈពេលមិនដល់មួយខែទៀតទេគិតចាប់ពីថ្ងៃនេះ ហើយវាក៏មានការបែកធ្លាយជាច្រើននៅលើអនឡាញផងដែរ។ មួយនៅក្នុងចំណោមលក្ខណៈសម្បត្តិជាច្រើននោះរបស់ស្មាតហ្វូននេះគឺថាស្មាតហ្វូន Galaxy S20 Ultra 5G នេះនឹងក្លាយជាប្រភេទម៉ូឌែលកំពូលនៃស្មាតហ្វូន Galaxy S20 ចំនួន 5 ដែលនឹងបង្ហាញខ្លួននៅថ្ងៃទី 11 ខែកុម្ភៈខាងមុខនេះ។ សម្រាប់ប្រភពនៃការបែកធ្លាយនេះគឺ Max Weinbach របស់ XDA Developers ខណៈពេលដែលប្រភពដដែលនេះមានការបង្ហាញអំពីរូបភាពពិតប្រាកដរបស់ស្មាតហ្វូន Galaxy S20+ 5G ។ នៅក្នុងសាររបស់គាត់មានការបង្ហាញនូវលក្ខណៈសម្បត្តិពិសេសមួយចំនួនរបស់ស្មាតហ្វូននេះផងដែរ។ យើងនឹងចាប់ផ្តើមនិយាយអំពីកាមេរ៉ារបស់ស្មាតហ្វូននេះ។
តាមការបញ្ជាក់របស់គាត់នោះ ស្មាតហ្វូន Galaxy S20 Ultra 5G នេះនឹងមានកាមេរ៉ាគោលដែលមានទំហំ 108MP ជាមួយនឹងកាមេរ៉ា 48MP ជាមួយនឹងបច្ចេកវិទ្យា 10x optical zoom និង 12MP ultrawide angle ។ វាមានកាមេរ៉ា 4 គ្រាប់នៅខាងក្រោយ ប៉ុន្តែវាមានការលើកឡើងមកនិយាយត្រឹមតែ 3 គ្រាប់ប៉ុណ្ណោះ។ បើនិយាយអំពីរ៉េម និង Storage វិញនោះ ស្មាតហ្វូន Galaxy S20 Ultra 5G នេះនឹងមានរ៉េមចំនួន 2 ទំហំគឺ 12GB និង 16GB ។ សម្រាប់ RAM ទំហំ 16GB នឹងបង្ហាញខ្លួននៅក្នុងឆ្នាំនេះ។ ក្រៅពីនេះ វាពិតជាគួរអោយចាប់អារម្មណ៍មែនទែនសម្រាប់ស្មាតហ្វូនដែលមានរ៉េមទំហំ 12GB នេះ។
ស្មាតហ្វូននេះគឺមាន Storage ចំនួន 3 គឺ 128GB base model, 256GB និង 512GB។ ប្រសិនបើមិនទាន់គ្រប់គ្រាន់នោះទេ ស្មាតហ្វូន Galaxy S20 Ultra 5G នឹងមានការបន្ថែមនូវរន្ធ MicroSD card slot ដែលមានទំហំដល់ទៅ 1TB ថែមទៀតផង។ ស្មាតហ្វូននេះនឹងមានថាមពលថ្មទំហំ 5000 mAh ជាមួយនឹងបច្ចេកវិទ្យា 45W fast charge ថែមទៀត។ ស្មាតហ្វូននេះ អាចបញ្ចូលថាមពលថ្មពេញនៅក្នុងរយៈពេល 74 នាទីប៉ុណ្ណោះ។ ក្រុមហ៊ុន Samsung ក៏នឹងបញ្ចេញនូវស្មាតហ្វូន Flagships របស់ខ្លួនដែលមានជាប្រភេទស៊ីមមួយ និងស៊ីមពីរ។ ស្មាតហ្វូន S20 នេះ នឹងប្រើប្រាស់នូវការទ្រទ្រង់នូវបច្ចេកវិទ្យា eSIM ផងដែរ៕