ក្រុមហ៊ុន Lenovo ដែលជាម៉ាកយីហោគ្រឿងអេឡិចត្រូនិចដ៏ល្បីល្បាញ នៅមិនទាន់ក្លាយជាក្រុមហ៊ុនបច្ចេកវិទ្យាដែលទទួលបាននូវជោគជ័យខ្លាំងបំផុតបំផុតនៅក្នុងទីផ្សារស្មាតហ្វូននោះទេ នៅក្នុងប៉ុន្មានឆ្នាំចុងក្រោយនេះ។ យ៉ាងណាមិញ ដំណើរការនេះមិនមែនដូចគ្នាទៅនឹងប្រតិបត្តិការជាច្រើនទៀតរបស់ក្រុមហ៊ុននេះនោះទេ។ វាមានការរាយការណ៍ថា ក្រុមហ៊ុនបច្ចេកវិទ្យានេះមានចំណែកទីផ្សារកុំព្យូទ័រច្រើនជាង 40% នៅក្នុងប្រទេសចិន។
លោក Liu Jun អនុប្រធានផ្នែកប្រតិបត្តិ និងអគ្គនាយករបស់ក្រុមហ៊ុន Lenovo China group អះអាងនៅក្នុងបទសម្ភាសន៍មួយថា 40% នៃចំណែកទីផ្សារកុំព្យូទ័ររបស់ចិនគឺស្ថិតនៅក្រោមការគ្រប់គ្រងរបស់ក្រុមហ៊ុន Lenovo ។ តួរលេខនេះគឺសម្រាប់ឆ្នាំ 2019 ហើយប្រតិបត្តិការកុំព្យូទ័ររបស់ក្រុមហ៊ុននេះនៅក្នុងប្រទេសចិនគឺរកប្រាក់ចំណូលច្រើនជាង 10 ពាន់លានដុល្លារអាមេរិក។ ច្រើនជាងពាក់កណ្តាលនៃទីផ្សារកុំព្យូទ័ររបស់ចិនរបស់ក្រុមហ៊ុន Lenovo គឺមានគោលដៅទៅលើយុវវ័យ និងសិស្សជាច្រើន។ បន្ថែមពីនេះទៀតនោះ ក្រុមហ៊ុននេះ ក៏បង្កើតនូវអ្វីដែលថ្មីជានិច្ចក្នុងការអភិវឌ្ឍ និងការធ្វើទីផ្សារទៅលើផលិតផលជាច្រើនរបស់ខ្លួនដើម្បីអោយស្របទៅតាមអ្វីដែលយុវវ័យត្រូវការជាមួយនឹងយុទ្ធសាស្រ្តទីផ្សារថ្មី និងបច្ចេកវិទ្យាថ្មីៗថែមទៀត នេះបើតាមការបញ្ជាក់របស់លោក Liu Jun។
នាយកប្រតិបត្តិជាន់ខ្ពស់នេះក៏ធ្វើការចែករំលែកនូវពាក្យពីរដែលសំដៅទៅលើបច្ចេកវិទ្យាជានាពេលអនាគតរបស់ក្រុមហ៊ុន Lenovo នៅក្នុងប្រទេសចិននោះគឺ “Acceleration” និង “Ecology”។ នេះ គឺជាការបន្តទៅលើកំណើននៃការពង្រឹងអោយកាន់តែប្រសើរជាងមុន និងការពង្រីកទៅកាន់តែឆ្ងាយថែមទៀតសម្រាប់ក្រុមហ៊ុនបច្ចេកវិទ្យានេះ។ នេះគឺជាការចង្អុលបង្ហាញពីក្រុមហ៊ុន Lenovo គ្រោងនឹងការពារជំហររឹងមាំរបស់ខ្លួនពីដៃគូប្រកួតប្រជែងពង្រីកទីផ្សារកាន់តែខ្លាំងឡើងដើម្បីទទួលបានអត្ថប្រយោជន៍នេះ។ ប្រហាក់ប្រហែលនឹងស្មាតហ្វូនដែរ ទីផ្សារកុំព្យូទ័រក៏មានការប្រែប្រួលខ្លាំង និងពឹងផ្អែកលើរបកគំហើញបច្ចេកវិទ្យាថ្មីៗផងដែរ។ ដូច្នេះយើងអាចរំពឹងថានឹងមានការរីកចម្រើនគួរឱ្យកត់សម្គាល់មួយចំនួននៅឆ្នាំនេះពីឧស្សាហកម្មនេះថែមទៀត៕