no-alternative title
no-alternative title
no-alternative title
no-alternative title
no-alternative title
no-alternative title
no-alternative title

បែកធ្លាយចេញនូវគំរូរបស់ស្មាតហ្វូនស៊េរីថ្មី Samsung Galaxy Z Flip បង្ហាញថា ស្មាតហ្វូននេះ គឺនឹងមានអេក្រង់ទំហំ 10 អ៊ីង

Samsung គឺជាក្រុមហ៊ុនមួយនៅក្នុងចំណោមក្រុហ៊ុនជាច្រើន ដែលមានស្មាតហ្វូនដែលអាចធ្វើការបត់បាន។ យោងតាមការបង្ហាញនៅក្នុងវីដេអូមួយនាពេលថ្មីៗនេះ មានការបញ្ជាក់អំពីវត្តមានរបស់ស្មាតហ្វូនដែលអាចបត់បានជំនាន់ទី 2 របស់ក្រុមហ៊ុននេះ ដែលមានឈ្មោះហៅថា Samsung Galaxy Z Flip ដែលនឹងបង្ហាញខ្លួនជាផ្លូវការនៅថ្ងៃទី 11 ខែកុម្ភៈខាងមុខនេះជាមួយនិងស្មាតហ្វូនស៊េរីថ្មី Galaxy S20 series ផងដែរ។ ថ្មីៗនេះ មានរូបភាព Poster ផ្សព្វផ្សាយថ្មីមួយបង្ហាញអំពីស្មាតហ្វូននេះ នៅលើវេបសាយមួយ។ 

ប្រភពដែលបញ្ចេញរូបភាពនេះ គឺចេញពីអ្នកលេងនៅលើ Weibo ដោយស្មាតហ្វូនដែលមានអេក្រង់អាចបត់បានរបស់ក្រុមហ៊ុន Samsung នេះនឹងប្រើប្រាស់នូវទម្រង់បត់បញ្ឈរបានយ៉ាងស្រស់ស្អាតបំផុត។ នេះ នឹងធ្វើអោយស្មាតហ្វូននេះកាន់តែមានភាពស្មុគស្មាញក្នុងការផលិតជាងស្មាតហ្វូនបត់បានជំនាន់មុនរបស់វា។ រូបភាព Poster គឺមានឈ្មោះថា “Galaxy Z” ប៉ុន្តែ មិនទាន់មានការបញ្ជាក់ច្រើនអំពីស្មាតហ្វូននេះនៅឡើយទេ។ បើមើលមួយភ្លេច ស្មាតហ្វូននេះ គឺស្រដៀងគ្នាទៅនឹងស្មាតហ្វូនដែលអាចបត់បានបញ្ឈររបស់ក្រុមហ៊ុន TCL ដែលមានការបង្ហាញវត្តមាននៅលើទីផ្សារកន្លងមក។ នៅពេលដែលស្មាតហ្វូននេះបើកនោះ គឺនឹងក្លាយជាថេប្លេតដែលមានអេក្រង់ទំហំ 10-inch ជាមួយនឹងប្រព័ន្ធកាមេរ៉ា 4 គ្រាប់នៅខាងក្រោយ។ ស្មាតហ្វូននេះ អាចធ្វើការបត់បានជាទម្រង់ “Z”នៅក្នុងរូបភាព Poster ថ្មីរបស់ក្រុមហ៊ុន Samsung។

no-alternative title

 

ព័ត៌មានមុនរបស់ស្មាតហ្វូនSAMSUNG GALAXY Z

នៅក្នុងព័ត៌មានដែលយើងធ្លាប់បានលឺហើយអំពីស្មាតហ្វូនដែលអាចបត់បាន Samsung Galaxy Z Flip នេះ នឹងបង្ហាញខ្លួនជាមួយនឹងស្មាតហ្វូន Samsung Galaxy S20 series។ អ្នកប្រើប្រាស់ស្មាតហ្វូនមួយចំនួនប្រហែលជាគិតថា នេះមិនមែនជាការសម្រេចចិត្តដ៏ល្អនោះទេ ដោយសារតែនេះនឹងធ្វើអោយស្មាតហ្វូន S20 ក្លាយជាស្រមោលមួយរបស់ស្មាតហ្វូន Z Flip នេះ។ ស្មាតហ្វូន Galaxy Z Flip ប្រហែលជាក្លាយជាស្រមោលមួយរបស់ស្មាតហ្វូនត្រកូល S series វិញ។

តាមការបញ្ជាក់នៅក្នុងរបាយការណ៍ជាច្រើន ដែលផ្សាយចេញពីប្រទេសកូរ៉េខាងត្បូង ដោយយោងតាមប្រភពនៅក្នុងឧស្សាហកម្មនេះ គឺបានបញ្ជាក់ថា តម្លៃរបស់ស្មាតហ្វូន Samsung Galaxy Z Flip នេះ គឺមានតម្លៃចាប់ពី 1 លានវ៉ុន (ប្រហែលជា$861) ទៅ 1.5 លានវ៉ុន (ប្រហែលជា $1292)។ យ៉ាងណាមិញ សម្រាប់ស្មាតហ្វូនដែលអាចបត់បានជំនាន់ទី 2 របស់ពិភពលោកនេះ នឹងក្លាយជាសង្គ្រាមមួយសម្រាប់ប្រកួតប្រជែងជាមួយនឹងស្មាតហ្វូន Motorola RAZR ដែលមានតម្លៃខ្ពស់ដល់ទៅ $1,500 ។ ប្រសិនបើនេះគឺជាការពិតនោះស្មាតហ្វូនរបស់ Samsung នឹងមានតម្លៃថោកជាងជាក់ជាមិនខាន។

បើនិយាយអំពីលក្ខណៈសម្បត្តិជាច្រើនរបស់ស្មាតហ្វូននេះ យើងក៏ដឹងអំពីវាមួយចំនួនផងដែរ។ ស្មាតហ្វូនSamsung Galaxy Z Flip នឹងមានថាមពលថ្មដែលមានទំហំ 3300mAh ជាមួយនឹងការទ្រទ្រង់ទៅលើបច្ចេកវិទ្យាបញ្ចូលថាមពលថ្មលឿន 15W fast charge ថែមទៀត។ ស្មាតហ្វូននេះ ក៏ប្រហែលជានឹងភ្ជាប់ជាមួយនឹងបន្ទះឈីបចុងក្រោយបំផុតពីក្រុមហ៊ុន Qualcomm ផងដែរ។ សម្រាប់លក្ខណៈសម្បត្តិជាច្រើនទៀតរបស់ស្មាតហ្វូននេះគួរតែត្រូវបានទម្លាយ និងប្រកាសនៅខែក្រោយនេះ៕

 

no-alternative title

ព័ត៌មានពាណិជ្ជកម្ម