បន្ទាប់ពីការបង្ហាញចញនូវ versions ដែលនឹងដាក់លក់នៅក្នុងសហរដ្ឋអាមេរិករបស់ស្មាតហ្វូន Galaxy S20 (SM-G981U) និង S20+ (SM-G986U) រួចហើយនោះ នៅពេលនេះ គឺសម្រាប់វត្តមានរបស់ស្មាតហ្វូន Galaxy S20 Ultra វិញម្តង។ ស្មាតហ្វូននេះនឹងបង្ហាញខ្លួននៅក្នុងទីផ្សាររបស់សហរដ្ឋអាមេរិក បន្ទាប់ពីបានធ្វើការតេស្ត៍នៅក្នុងដំណើរការរបស់គណៈកម្មការទំនាក់ទំនងសហព័ន្ធជាលើកដំបូងរួចមក។ ស្មាតហ្វូននេះ គឺមានលេខម៉ូដែល SM-G988U ដែលស្មាតហ្វូននេះ គឺស្ថិតនៅក្នុងត្រកូលរបស់គ្រួសារ S20 នេះ។
ប្រភពនេះបញ្ជាក់ថា ស្មាតហ្វូន G981 និង G986 អាចនឹងមានការតភ្ជាប់ជាមួយនឹងបច្ចេកវិទ្យា 5G connectivity ខណៈពេលដែលស្មាតហ្វូន S20 Ultra នេះនឹងមានលេខកូដ SM-G988 ដែលមានការបញ្ជាក់ថា នេះគឺជាស្មាតហ្វូនប្រភេទម៉ូឌែល 5G ។ កាលពីពេលមុននេះ ស្ថាប័ន FCC បានបញ្ជាក់ថា ស្មាតហ្វូន S20 Ultra នេះ នឹងមានភ្ជាប់ជាមួយនឹងសម្បក LED covers ថែមទៀតផង។ ស្ថាប័ននេះ នៅមិនទាន់បង្ហាញអំពីការឌីស្សាញរបស់ស្មាតហ្វូននេះនៅឡើយទេ ប៉ុន្តែតាមរយៈ case នេះគឺបង្ហាញយ៉ាងច្បាស់អំពីរូបរាងរបស់ស្មាតហ្វូននេះ។
លក្ខណៈសម្បត្តិរបស់ស្មាតហ្វូនGalaxy S20 Ultra vs Galaxy S20 Plus
សម្រាប់លេខម៉ូឌែល SM-G988U ក៏បង្ហាញខ្លួននៅលើ Geekbench ដែលមានការបង្ហាញថា ស្មាតហ្វូននេះ នឹងប្រើប្រាស់នូវបន្ទះឈីប Snapdragon 865 និងរ៉េមទំហំ 12GB ដូច្នេះបញ្ជាក់បានថា ស្មាតហ្វូន S20+ (SM-G986U) ពិតជាមានពិន្ទុខ្ពស់មែនទែននេះ គឺដោយសារតែការប្រើប្រាស់នូវបន្ទះឈីប Snapdragon 865 នេះ។
ការប្រៀបធៀប Snapdragon 865 and 855+ vs Exynos 990 vs Apple A13
យើងនឹងធ្វើការប្រៀបធៀបនូវលក្ខណៈសម្បត្តិរបស់បន្ទះឈីប Exynos 990 និង Snapdragon 865 ដែលមានការបង្ហាញយ៉ាងច្បាស់សម្រាប់លោកអ្នក។ យើងក៏ធ្វើការប្រៀបធៀបនូវលក្ខណៈសម្បត្តិរបស់ Snapdragon 855 និង Apple A13 ដែលប្រើប្រាស់នៅលើស្មាតហ្វូន Flagships ជាច្រើននៅក្នុងឆ្នាំ 2019 នេះផងដែរ។ ដូចអ្វីដែលអ្នកអាចមើលឃើញ បន្ទះឈីប Snapdargon 865 នៅលើស្មាតហ្វូន S20+ គឺមានពិន្ទុខ្ពស់ជាងបន្តិចបើធៀបជាមួយនឹងស្មាតហ្វូន S20 Ultra ខណៈពេលដែលស្មាតហ្វូនទាំងពីរនេះមានរ៉េមទំហំ 12GB ហើយវាមានម៉េមូរីទំហំ 128GB ។ គួរបញ្ជាក់ផងដែរថា បន្ទះឈីប Snapdragon 865 និង Exynos 990 នឹងទ្រទ្រង់ទៅលើការប្រើប្រាស់កាមេរ៉ាគោលដែលមានទំហំ 108MP ថែមទៀតផង។ ស្មាតហ្វូន S20 Ultra នឹងប្រើប្រាស់នូវម៉េមូរី DDR5 និងកម្រិត refresh rate 120Hz៕
