កាលពីម្សិលមិញនេះ យោងតាមសេចក្តីរាយការណ៍មួយ បានបញ្ជាក់ថា ស្មាតហ្វូន Oppo Reno 3 Pro អាចបង្ហាញខ្លួននៅប្រទេសឥណ្ឌា ជាមួយនឹងកាមេរ៉ាមុខភ្លោះ Dual Punch-Hole Selfie ដែលមានទំហំ 44 megapixel។ ព័ត៌មាននេះ គឺមានការទម្លាយចេញពីអ្នកទម្លាយម្នាក់ដែលបង្ហោះនៅលើបណ្តាញសង្គម Twitter របស់គាត់។ លោក Arun Maini (AKA Mrwhosetheboss) គឺជា YouTuber បច្ចេកវិទ្យាដ៏ល្បីល្បាញ បានធ្វើការចែករំលែកនូវរូបភាពមួយសន្លឹករបស់ស្មាតហ្វូននេះដែលមានការកាមេរ៉ាភ្លោះនៅខាងមុខនៅលើគណនី Twitter របស់គាត់។ នេះគឺជាត្រូវធ្វើការបង្ហោះឡើងវិញដោយលោក Mukul Sharma ដែលជាអ្នកទម្លាយម្នាក់របស់ប្រទេសឥណ្ឌា ដែលបញ្ជាក់ថា រូបភាពរបស់ស្មាតហ្វូននេះគឺជា Oppo Reno 3 Pro។
បន្ថែមពីនេះទៀតនោះ អ្នកទម្លាយរូបនេះ ក៏មានការលើកឡើងអំពីកម្រិតភាពច្បាស់នៃរូបភាពរបស់កាមេរ៉ា Selfie ទាំងពីរនេះថែមទៀតផង។ សម្រាប់កាមេរ៉ាគោលរបស់វា គឺមានទំហំ 44 megapixel sensor ខណៈពេលដែលកាមេរ៉ាទី 2 របស់វាគឺមានទំហំ 2 megapixel lens។ បើទោះបីជាពាក្យចចាមអារ៉ាមជាច្រើន នៅមិនទាន់បញ្ជាក់នៅឡើយទេនោះ ស្មាតហ្វូន Reno 3 series នៅក្នុងប្រទេសឥណ្ឌា ត្រូវបានគេរំពឹងថា នឹងបង្ហាញខ្លួននាពេលឆាប់ៗនេះ។ ស្មាតហ្វូននេះប្រហែលជាបង្ហាញខ្លួនជាមួយនឹងកាមេរ៉ា Dual-Punch Hole Selfie ខាងមុខជាក់ជាមិនខាន។
នៅពេលនេះ ព័ត៌មានលម្អិតរបស់ស្មាតហ្វូននេះ នៅមិនទាន់ដឹងនៅឡើយទេ។ លក្ខណៈសម្បត្តិមួយចំនួនរបស់ស្មាតហ្វូន Oppo Reno 3 series ក៏មានការទម្លាយផងដែរថា វានឹងមាន 2 ប្រភេទគឺប្រភេទ Base version និងប្រភេទ Pro version ។ សម្រាប់ប្រភេទ Base version គឺប្រើប្រាស់នូវបន្ទះឈីប MediaTek 5G ខណៈពេលដែល Pro version គឺប្រើប្រាស់នូវបន្ទះឈីប Snapdragon 765G ជាមួយនឹងម៉ូដឹម X52 5G Modem ថែមទៀតផង។ ស្មាតហ្វូននេះ គនឹងមានរ៉េមទំហំ 12GB កាមេរ៉ា 4 គ្រាប់ដែលមានទំហំ 48 megapixel នៅផ្នែកខាងក្រោយ និងទ្រទ្រង់នូវបច្ចេកវិទ្យាបញ្ចូលថាមពលថ្មលឿន 30W។ ស្មាតហ្វូននេះ នឹងមានបច្ចេកវិទ្យាស្កេនក្រយ៉ៅដៃក្រោមអេក្រង់សម្រាប់ប្រព័ន្ធសុវត្ថិភាព អេក្រង់កម្រិត 90Hz refresh rate និង 180Hz touch នៅលើអេក្រង់ 6.5 inch FHD+។ ស្មាតហ្វូននេះ គឺមាន 4 ពណ៌ គឺ ខៀវ ក្រហម ខ្មៅ និងស៕
