យោងតាមការបញ្ជាក់នៅក្នុងរបាយការណ៍នាពេលថ្មីៗនេះ បានបញ្ជាក់ថា Sony ដែលជាក្រុមហ៊ុនបច្ចេកវិទ្យាយក្សរបស់ជប៉ុន បានធ្វើការសម្រេចចិត្តក្នុងការបន្តនូវយុទ្ធសាស្រ្តដដែលរបស់ខ្លួនពីឆ្នាំមុននេះ សម្រាប់ឆ្នាំ 2020 នេះ ដែលមានន័យថា ក្រុមហ៊ុននេះ នឹងបង្ហាញនូវស្មាតហ្វូន Flagships ចំនួន 2 ម៉ូឌែលដដែល ខណៈពេលដែលមួយម៉ូឌែល គឺនឹងបង្ហាញខ្លួននៅក្នុងព្រឹត្តិការណ៍ MWC 2020 នៅក្នុងទីក្រុងបាសេឡូណានៅថ្ងៃទី 24 ខែកុម្ភៈខាងមុខនេះ។
Sony Xperia ថ្មីនេះ ត្រូវបានគេដឹងថា នឹងមានអេក្រង់ទំហំ 6.6 អ៊ីង ជាមួយនឹងកម្រិតអេក្រង់ 21:9 aspect ratio ដែលផលិតដោយក្រុមហ៊ុន Sony ផ្ទាល់តែម្តង។ អេក្រង់របស់ស្មាតហ្វូននេះ គឺជាប្រភេទ OLED កម្រិតភាពច្បាស់ 4K និងការទ្រទ្រង់ទៅលើបច្ចេកវិទ្យា HDR ថែមទៀតផង។ សម្រាប់អេក្រង់កម្រិតខ្ពស់នេះ គឺនឹងប្រើប្រាស់នូវបន្ទះឈីប Snapdragon 865 SoC ជាមួយនឹងម៉ូដឹម Snapdragon X55 5G modem ដែលនឹងមានការទ្រទ្រង់ទៅលើម៉ូឌឹមនេះ ក៏ទ្រទ្រង់ទៅលើ Dual-mode 5G networks, NSA និង SA។
ដូចនេះ ស្មាតហ្វូន Xperia ជំនាន់ថ្មីរបស់ក្រុមហ៊ុន Sony នេះប្រហែលជាប្រើប្រាស់នូវបន្ទះឈីប Snapdragon 865 ដំបូងបំផុតនៅក្នុងពិភពលោកជាមួយនឹងអេក្រង់ 4K។ បន្ថែមពីនេះទៀតនោះ វានឹងក្លាយជាស្មាតហ្វូនដំបូងបំផុតរបស់ពិភពលោកដែលជាស្មាតហ្វូន 5G ជាមួយនឹងអេក្រង់ 4K។ យើងនៅមិនទាន់ដឹងឈ្មោះរបស់ស្មាតហ្វូន Flagship របស់ក្រុមហ៊ុន Sony នេះនៅឡើយទេ។ ពាក្យចចាមអារ៉ាមជាច្រើនបានបញ្ជាក់ថា វាអាចជាស្មាតហ្វូន Xperia 1.1, Xperia 0 ឬ Xperia 1 Premium។
ស្មាតហ្វូន Xperia នេះ នឹងមានកាមេរ៉ា 4 គ្រាប់ដែលមានទំហំ 48MP ឬ 64MP sensor ជាមួយនឹងកាមេរ៉ា 12MP ultra-wide lens, 12MP telephoto lens និង ToF សម្រាប់ចាប់ទិន្នន័យ 3D depth data ថែមទៀត។ កាមេរ៉ាគោលរបស់ស្មាតហ្វូននេះទ្រទ្រង់នូវ 1/1.7 inch sensor និងការថតវីដេអូកម្រិត 8K។ ស្មាតហ្វូននេះទ្រទ្រង់ទៅលើ IP68 និង NFC module រួមជាមួយនឹងបច្ចេកវិទ្យាបញ្ចូលថាមពលថ្មលឿនផងដែរ។ សម្រាប់តម្លៃរបស់ស្មាតហ្វូននេះគឺប្រហែលជា $849 ៕