ថ្មីៗនេះ ស្មាតហ្វូន 5G Oppo ដ៏អាថ៌កំបាំងមួយត្រូវប្រទះឃើញដោយក្រសួងឧស្សាហកម្មនិងបច្ចេកវិទ្យាព័ត៌មាន។ ស្មាតហ្វូននេះ បានបង្ហាញខ្លួនជាមួយនឹងលេខកូដ PCLM50 ប៉ុន្តែសម្រាប់រូបភាពរបស់ស្មាតហ្វូននេះ នៅមិនទាន់បង្ហាញនៅឡើយទេ។ ដូចនេះ យើងនៅមិនទាន់អាចនិយាយបានថា វាគឺជាម៉ូឌែលជាក់លាក់ណាមួយនោះទេ។ ទោះជាយ៉ាងណាក៏ដោយនោះ សម្រាប់ស្មាតហ្វូន OPPO PCLM50 នេះ គឺជាម៉ូឌែលប្រភេទ 5G ។ ស្មាតហ្វូននេះ មានវិមាត្រ 160.3x74.3x7.96mm និងទម្ងន់ 180 ក្រាម។
ស្មាតហ្វូន Oppo 5G នេះ គឺមានរូបរាងទំហំដូចគ្នា និងទម្ងន់ដូចទៅនឹងម៉ូឌែល PDCM00 / PDCT00 នេះ គឺជាស្មាតហ្វូន OPPO Reno 3។ ដូចនេះស្មាតហ្វូន PCLM50 នេះប្រហែលជា Version ថ្មីរបស់ស្មាតហ្វូន Reno3 ។ សម្រាប់ស្មាតហ្វូន OPPO PCLM50 នេះ គឺមានអេក្រង់ទំហំ 6.4-inch AMOLED ជាមួយនឹងកម្រិតភាពច្បាស់ 1080x2400 ហើយវាមានថាមពលថ្មដែលមានទំហំ 3935 mAh ថែមទៀតផង។ កាលពីខែមុននេះវិញ្ញាបនបត្រ 3C របស់ស្មាតហ្វូននេះ ដែលបង្ហាញ នោះ គឺបានបញ្ជាក់ថា ស្មាតហ្វូននេះ ទ្រទ្រង់ទៅលើបច្ចេកវិទ្យា 30W។
សូមជំរាបថា ស្មាតហ្វូន Reno3 ប្រើប្រាស់នូវបន្ទះឈីប 2.2GHz octa-core ។ ទោះជាយ៉ាងណាក៏ដោយនោះ ការបង្ហាញរបស់ខ្លួនរបស់ស្មាតហ្វូន OPPO PCLM50 បញ្ជាក់ថា ស្មាតហ្វូន មានបន្ទះឈីប 2.4GHz octa-core ដែលនេះ ប្រហែលជាបន្ទះឈីប Snapdragon 765G ដែលមានរ៉េមទំហំ 8GB និងម៉េមូរី 128GB/256GB ។ បើនិយាយអំពីកាមេរ៉ារបស់ស្មាតហ្វូននេះ OPPO PCLM50 មានកាមេរ៉ាខាងមុខ 32MP selfie និងកាមេរ៉ាខាងក្រោយ4 គ្រាប់ដែលមានទំហំ 48MP main sensor + 8MP + 2MP + 2MP sensors ថែមទៀតផង៕