នៅថ្ងៃទី 11 ខែកុម្ភៈ ឆ្នាំ 2020 ខាងមុខនេះ ក្រុមហ៊ុន Samsung នឹងបង្ហាញនូវកាសស្តាប់ឥតខ្សែស៊េរីថ្មីរបស់ខ្លួនជាមួយនឹងវត្តមានរបស់ស្មាតហ្វូន Galaxy S20 series នៅក្នុងព្រឹត្តិការណ៍មួយ ដែលកាសស្តាប់នេះ នឹងបង្ហាញខ្លួនជាឈ្មោះហៅថា Galaxy Buds+ ហើយវានឹងមានការឌីស្សាញរូបរាងដូចគ្នាទៅនឹងកាសស្តាប់ Galaxy Buds ប៉ុន្តែវាក៏មានពណ៌ថ្មីយ៉ាងស្រស់ស្អាតថែមទៀតផង។ ខណៈពេលដែលយើងរំពឹងថាកាសស្តាប់ថ្មីនេះ នឹងប្រហែលជាដូចគ្នាទៅនឹងម៉ូឌែលឆ្នាំមុននេះ ប៉ុន្តែវាក៏មានការរំពឹងថា វានឹងមានតម្លៃខ្ពសជាង ហើយវាក៏ត្រូវគេផ្តល់អោយឥតគិតថ្លៃ។
នៅក្នុងរូបភាពផ្សព្វផ្សាយដែលមានការទម្លាយដោយ Evan Blass (@evleaks) ទម្លាយថា ក្រុមហ៊ុន Samsung នឹងមានការផ្តល់អោយកាសស្តាប់ឥតគិតថ្លៃ Galaxy Buds+ នៅពេលដែលធ្វើការ pre-order ទៅលើស្មាតហ្វូន Galaxy S20+ និង Galaxy S20 Ultra ។ នៅក្នុងរូបភាពនេះ មានការបង្ហាញនូវវត្តមានរបស់ស្មាតហ្វូន Galaxy S20+ ដែលមានពណ៌ខៀវ ស្មាតហ្វូន Galaxy S20 Ultra ដែលមានពណ៌ Cosmic Gray និងកាសស្តាប់ Galaxy Buds+ ដែលមានពណ៌ Aura Glow ។
យើងនៅមិនទាន់ដឹងថា ហេតុអ្វីបានជាក្រុមហ៊ុន Samsung ដាក់កម្រិតទៅលើចំនួនកាសស្តាប់ឥតគិតថ្លៃនេះសម្រាប់ស្មាតហ្វូន Galaxy S20+ និង Galaxy S20+ Ultra ហើយវាក៏មិនមានម៉ូឌែល Galaxy S20 នោះទេ។ កាលពីឆ្នាំមុននេះ សម្រាប់អ្នកដែលធ្វើការ pre-order ទៅលើស្មាតហ្វូន Galaxy S10 គឺមានស្មាតហ្វូន Galaxy S10e ដែលទទួលបាននូវកាសស្តាប់ Galaxy Buds ។
សង្ឃឹមថា ក្រុមហ៊ុន Samsung នឹងមានការបន្ថែមជូនសម្រាប់គ្រប់ម៉ូឌែលទាំងអស់។ មានការរាយការណ៍ថា កាសស្តាប់ Galaxy Buds+ នេះនឹងមានភ្ជាប់ជាមួយនឹងថាមពលថ្មកាន់តែល្អប្រសើរជាងមុន។ សម្រាប់កាសស្តាប់ដំបូង Galaxy Buds នេះមិនមានថាមពលថ្មល្អប្រើប្រាស់បានយូរនោះទេបើធៀបជាមួយនឹងកាសស្តាប់ឥតខ្សែផ្សេងទៀតនោះ៕