ថ្មីៗនេះ ក្រុមហ៊ុន Samsung បានបង្ហាញចេញនូវស្មាតហ្វូនចំនួន 2 ដែលមួយនៅក្នុងចំណោម នោះគឺមានមួយជា Galaxy Note 10 Lite។ នៅថ្ងៃនេះ យោងតាមព័ត៌មានថ្មីពីអ្នកទម្លាយដ៏ល្បីឈ្មោះ @IceUniverse បានធ្វើការបង្ហោះនៅលើបណ្តាញសង្គម Twitter របស់លោក ដែលមានការបង្ហាញអំពីការឌីស្សាញទៅលើតួខ្លួនរបស់ខ្លួនស្មាតហ្វូន Flagship មួយទៀត ដែល ក្រុមហ៊ុន Samsung នេះ គ្រោងនឹងបង្ហាញវត្តមាននាពេលខាងមុខនេះ តែអ្វីគ្រប់យ៉ាងខាងលើនេះ គឺគ្រាន់តែជាការព្យាករណ៍ និងការរំពឹងទុកតែប៉ុណ្ណោះ។
យោងតាមរូបភាពខាងលើនេះ យើងអាចនឹងដឹងថា ក្រុមហ៊ុន Samsung ក៏អាចនឹងប្រហែលជាធ្វើការប្រើប្រាស់នូវកាមេរ៉ារបស់ស្មាតហ្វូន Galaxy S20 ដែលមានការឌីស្សាញរូបរាងជាចតុកោណកែងនៅលើស្មាតហ្វូន Galaxy Note 20 របស់ខ្លួនផងដែរ ប៉ុន្តែយើងមិនទាន់មានព័ត៌មានអំពីការឌីស្សាញរបស់ផ្នែកខាងមុខរបស់ស្មាតហ្វូននេះនៅឡើយទេ។ អ្វីដែលប្លែកនៅលើស្មាតហ្វូនថ្មីនេះ គឺ Control Keys ស្ថិតនៅផ្នែកគែមខាងឆ្វេងម្តង ខណៈពេលដែលស្មាតហ្វូន Galaxy S20 គឺមានវានៅគែមផ្នែកខាងស្តាំ។ សម្រាប់ប្រព័ន្ធស្កេនក្រយ៉ៅដៃនឹង នៅលើអេក្រង់ ហើយ USB Type-C connector និងកន្លែងដាក់ប៊ិចគឺនៅគែមផ្នែកខាងក្រោម។
ប្រភពខាងលើនេះ បានបញ្ជាក់ថា បើទោះបីជាមានការបញ្ជាក់អំពីលក្ខណៈបច្ចេកទេសរបស់ស្មាតហ្វូនក៏ដោយ តែនេះមិនច្បាស់ថាគឺ Samsung Galaxy Note 20 មួយរយភាគរយនោះទេ។ ស្មាតហ្វូននេះ ត្រូវបានគេដឹងថា នឹងមានបន្ទះឈីប Exynos 990 ឬ Snapdragon 865 មានរ៉េមទំហំ 8GB និងថាមពលថ្មដែលមានទំហំ 4500mAh ជាមួយនឹងការទ្រទ្រង់ទៅលើបច្ចេកវិទ្យា Fast Charging ថែមទៀតផង។ ស្មាតហ្វូននេះ គឺមានអេក្រង់ជាប្រភេទ Dynamic AMOLED ជាមួយនឹងកម្រិតភាពច្បាស់ QuadHD+ និងកម្រិត refresh rate 120Hz៕
