យោងទៅតាមទិន្នន័យដែលចេញផ្សាយ កាលពីពេលថ្មីៗនេះរបស់ Counterpoint បានបញ្ជាក់ថា ការនាំចេញសស្មាតហ្វូននៅក្នុងប្រទេសឥណ្ឌាសម្រាប់ឆ្នាំ 2019 គឺបានឈានដល់ទៅ 158 លានគ្រឿង ដោយនៅក្នុងត្រីមាសទី 4 ឆ្នាំ 2019 នេះ ក្រុមហ៊ុន vivo គឺឈ្នះក្រុមហ៊ុន Samsung ដើម្បីក្លាយជាក្រុមហ៊ុនផ្គត់ផ្គង់ស្មាតហ្វូនទី 2 ដ៏ធំបំផុតនៅក្នុងទីផ្សាររបស់ប្រទេសដែលមានប្រជាជនច្រើនជាងគេមួយនេះ។ គួរបញ្ជាក់ថា គិតចាប់ពីត្រីមាសទី 4 ឆ្នាំ 2018 រហូតដល់ត្រីមាសទី 4 ឆ្នាំ 2019 ចំណែកទីផ្សាររបស់ក្រុមហ៊ុន vivo គឺមានការកើនឡើង 132% ខណៈដែល ក្រុមហ៊ុន Xiaomi មានការកើនឡើងត្រឹមតែ 7% ប៉ុណ្ណោះ តែក្រុមហ៊ុននេះនៅតែនាំមុខគេនៅលើទីផ្សារនៅក្នុងប្រទេសឥណ្ឌា។
ក្រុមអ្នកវិភាគរបស់ Counterpoint បាននិយាយថា ក្រុមហ៊ុន vivo អាចយកឈ្នះទៅលើក្រុមហ៊ុន Samsung បានដោយសារតែស្មាតហ្វូនត្រកូល S-series មានតម្លៃខ្ទង់ពី $100 ទៅដល់ $150។ ស្មាតហ្វូននេះ គឺលក់ដាច់ខ្លាំងនៅក្នុងហាងលក់ជាច្រើន និងតាមហាង e-commerce platforms អនឡាញជាច្រើនទៀត ហើយក្រុមហ៊ុន vivo គឺទទួលបាននូវលទ្ធផលយ៉ាងល្អមែនទែន។ ម៉ាកយីហោនេះ ក៏ធ្វើការពង្រីកហាងលក់ជាច្រើនបន្ថែមទៀតទៅកាន់ទីក្រុងតូចៗនៅក្នុងប្រទេសឥណ្ឌា រួមជាមួយនឹងកិច្ចព្រមព្រៀងជាមួយនឹងឈ្មួញនេះផងដែរ។ នៅក្នុងខណៈពេលនេះ ក្រុមហ៊ុននេះក៏ផ្តល់នូវ commissions ច្រើនសម្រាប់ជាប្រាក់លើកទឹកចិត្តសម្រាប់ការលក់ស្មាតហ្វូនរបស់ពួកគេជាជាងលក់ស្មាតហ្វូនរបស់គូប្រកួតប្រជែងរបស់ខ្លួននោះ។
ក្រុមហ៊ុន Xiaomi គឺទទួលបាននូវចំណាត់ថ្នាក់លេខ 1 នៅក្នុងប្រទេសឥណ្ឌាសម្រាប់ត្រីមាសទី 10 ជាប់ៗគ្នានេះដែលមានចំណែកទីផ្សារកើនឡើង 27%។ ក្រុមហ៊ុន Samsung ក៏កាត់បន្ថយនូវតម្លៃរបស់ស្មាតហ្វូននេះ នៅក្នុងទីផ្សារនេះផងដែរ។ វាក៏មានការបង្ហាញនូវស្មាតហ្វូនជាច្រើនទៀតជាមួយនឹងមុខងារជាច្រើនដ៏ពិសេសបន្ថែមទៀត។ ប៉ុន្តែដូចគ្នាទៅនឹងទីផ្សារជាច្រើនទៀតនៅក្នុងប្រទេសចិននោះ ក្រុមហ៊ុន Samsung ក៏កំពុងតែតស៊ូប្រកួតប្រជែងជាមួយនឹងក្រុមហ៊ុនផលិតស្មាតហ្វូនជាច្រើនទៀតនៅក្នុងប្រទេសចិនផងដែរ។
សម្រាប់ម៉ាកយីហោជាច្រើនទៀតនៅក្នុងបញ្ជីនេះ ក្រុមហ៊ុន OPPO ឈរនៅចំនាត់ថ្នាក់លេខ 4 និងក្រុមហ៊ុន Realme ឈរនៅចំណាត់ថ្នាក់លេខ 5។ សម្រាប់ពេលនេះ យើងអាចដឹងថាម៉ាកយីហោជាច្រើនទៀតក៏កំពុងតែប្រយុទ្ធគ្នាយ៉ាងខ្លាំងក្នុងការប្រកួតប្រជែងចំណាត់ថ្នាក់លេខ 2 នៅក្នុងទីផ្សាររបស់ប្រទេសឥណ្ឌាផងដែរ ខណៈពេលដែលក្រុមហ៊ុន Xiaomi នៅតែនាំមុខគេនៅលើទីផ្សារជាមួយនឹងកិច្ចខិតខំប្រឹងប្រែងថ្មីនេះ៕