មានរបាយការណ៍ថ្មីមួយ បានរាយការណ៍ថា ក្រុមហ៊ុន OPPO នឹងបង្ហាញនូវស្មាតវ៉ចដំបូងបំផុតរបស់ខ្លួននៅក្នុងឆ្នាំនេះ។ ក្រុមហ៊ុន OPPO បានបញ្ជាក់ដោយខ្លួនឯងផងដែរថា ស្មាតវ៉ចរបស់ខ្លួន នឹងប្រកាសចេញខ្លួននៅក្នុងត្រីមាសទី 1 សម្រាប់ឆ្នាំ 2020 នេះ ដែលមានន័យថាពេលនេះ វាស្ថិតនៅចន្លោះពីពេលនេះ ដល់ចុងខែមីនានេះ សម្រាប់ការប្រកាសបង្ហាញស្មាតវ៉ចនេះ។ យើងបានដឹងរួចហើយថាស្មាតវ៉ចនាពេលខាងមុខនេះ នឹងមានរូបរាងជាចតុកោណកែង។ កាលពីឆ្នាំមុននេះ អនុប្រធានរបស់ក្រុមហ៊ុន OPPO លោក Brian Shen ក៏បានធ្វើការបង្ហោះនៅលើបណ្តាញសង្គម Weibo នៅក្នុងពេលដែលនាឡិកា Mi Watch បង្ហាញខ្លួនហើយវាមានរូបរាងស្រដៀងគ្នាទៅនឹងនាឡិកា Apple Watch Series 5 ផងដែរ។
នាយកប្រតិបត្តិរបស់ក្រុមហ៊ុននេះ បាននិយាយបន្តថា ការប្រើប្រាស់នូវរូបរាងជាចតុកោណកែង គឺល្អប្រសើរជាងរូបរាងមូលដោយសារតែវាអាចធ្វើការបង្ហាញនូវព័ត៌មានបានច្រើនជាងមុន។ ទោះជាយ៉ាងណាក៏ដោយនោះ គាត់បានបន្ថែមថា ការប្រើប្រាស់នូវមុខនាឡិកាមូលសម្រាប់ស្មាតវ៉េនេះ គឺល្អផងដែរបើនិយាយអំពីសោភ័ណ្ឌភាពចាប់តាំងពីនាឡិកាជាច្រើនគឺមានការឌីស្សាញបែបនេះ។ ពេលនេះ ការបែកធ្លាយមួយចេញពី Digital Chat Stations បានធ្វើការទម្លាយថា ស្មាតវ៉ចរបស់ក្រុមហ៊ុន OPPO នេះ នឹងមានសមត្ថភាពសម្រាប់ធ្វើការវាស់ទៅលើកម្រិត ECG/EKG ផងដែរ។
ជាមួយនឹងមុខងារ ECG នោះ អ្នកប្រើប្រាស់ជាច្រើន អាចធ្វើការតេស្ត៍ ដើម្បីមើលថាតើ បេះដូងរបស់ពួកគេមានបញ្ហាមិនប្រក្រតី ឬមានចង្វាក់មិនទៀងទាត់ទេ។ នេះគឺជាមុខងារដែលមានកម្រិតខ្ពស់ជាងអ្វីដែលគ្រាន់តែធ្វើការវាស់ទៅលើចង្វាក់បេះដូងនោះ វាក៏មានស្មាតវ៉ចជាច្រើនទៀត ដែលមានភ្ជាប់ជាមួយនឹងបច្ចេកវិទ្យា ECG technology នេះ។ នោះគឺជាស្មាតវ៉ច Apple Watch Series 5, Samsung Galaxy Active 2, Withings Move ECG, និង Amazfit Verge ។ ខណៈពេលដែលមុខងារ ECG គឺអស្ចារ្យនោះ ស្មាតវ៉ចរបស់ក្រុមហ៊ុន OPPO នឹងមានការបន្ថែមនូវមុខងារជាច្រើនទៀតដើម្បីអាចយកឈ្នះគូរប្រកួតប្រជែងជាច្រើនរបស់ខ្លួន។ នៅមិនទាន់មានការបញ្ជាក់អំពីកាលបរិច្ឆេទជាក់លាក់នោះទេ ក្នុងការប្រកាសចេញនូវស្មាតវ៉ចនេះ ប៉ុន្តែវាអាចនឹងបង្ហាញខ្លួនជាមួយនឹងស្មាតហ្វូន Find X2 flagship ដែលនឹងប្រកាសបង្ហាញខ្លួននៅក្នុងត្រីមាសទី 1នេះផងដែរ៕
