ស្មាតហ្វូន Samsung Galaxy Z Flip នឹងក្លាយជាស្មាតហ្វូនដែលអាចបត់បានជំនាន់បន្ទាប់របស់ក្រុមហ៊ុន Samsung ដែលនឹងបង្ហាញខ្លួនជាផ្លូវការនៅក្នុងព្រឹត្តិការណ៍ Samsung Unpacked នៅថ្ងៃទី 11 ខែកុម្ភៈខាងមុខនេះ ជាមួយនឹងស្មាតហ្វូន Galaxy S20 Series។ ស្មាតហ្វូន Galaxy Z Flip នេះ មើលទៅស្រដៀងគ្នាទៅនឹងស្មាតហ្វូន Motorola razr តែមិនដូចស្មាតហ្វូន Galaxy Fold នោះទេ ទាំងពេលបិទ និងបើកជាទម្រង់បញ្ឈរ។ ស្មាតហ្វូន Z Flip និង razr នេះ មិនអាចប្រែក្លាយជាថេប្លេតបាននោះទេ ហើយស្មាតហ្វូននេះ អាចដាក់នៅក្នុងហោប៉ាវបានយ៉ាងងាយស្រួល។
ស្មាតហ្វូន Galaxy Z Flip នេះ គឺមានតម្លៃប្រហែលជា $800-$900 ប៉ុណ្ណោះដោយសារតែ វាប្រើប្រាស់នូវបន្ទះឈីប Snapdragon 855+។ ស្មាតហ្វូន Galaxy Z Flip នឹងប្រើប្រាស់នូវប្រព័ន្ធស្កេនក្រយ៉ៅដៃនៅចំហៀងវិញ។ យោងតមWeinbach បាននិយាយថា ស្មាតហ្វូននេះ នឹងមានភ្ជាប់ជាមួយនឹងកាមេរ៉ាភ្លោះ 12MP (wide និង ultra-wide) ។ សម្រាប់អេក្រង់ខាងក្រៅគឺមានទំហំ 1-inch។ រីឯស្មាតហ្វូនរបស់ក្រុមហ៊ុន Motorola នេះ គឺមានតម្លៃ $1,500 និងមានដាក់លក់ផ្តាច់មុខនៅក្រុមហ៊ុន Verizon នៅក្នុងរដ្ឋជាច្រើនផងដែរ។ ក្រុមហ៊ុន Motorola ត្រៀមដាក់លក់ស្មាតហ្វូននេះនៅក្នុងថ្ងៃទី 6 ខែកុម្ភៈខាងមុខនេះផងដែរ។ស្មាតហ្វូន razr ប្រើប្រាស់នូវបន្ទះឈីប Snapdragon 710 នឹងមានប្រព័ន្ធស្កេនក្រយ៉ៅដៃនៅផ្នែកខាងក្រោមចង្ការនៃអេក្រង់ខាងមុខ។
ស្មាតហ្វូនដែលអាចបត់បានរបស់ក្រុមហ៊ុន Samsung នៅមិនទាន់ដឹងថាប្រើប្រាស់នូវបច្ចេកវិទ្យា wireless charging នោះទេ ប៉ុន្តែវាក៏ទ្រទ្រង់ទៅលើបច្ចេកវិទ្យា reverse wireless charging (Power Share) ថែមទៀត។ ស្មាតហ្វូននេះ នឹងប្រើប្រាស់នូវ 15W charger នេះបើតាមការបញ្ជាក់របស់ Weinbach។ ពាក្យចចាមអារ៉ាមមុននេះ បានបញ្ជាក់ថា ស្មាតហ្វូននេះនឹងមានថាមពលថ្មដែលមានទំហំចន្លោះពី 3300-3500mAh។ ស្មាតហ្វូន Galaxy Z Flip នឹងទ្រទ្រង់នូវអេក្រង់ Dynamic AMOLED "Samsung Ultra-Thin Glass" ដែលមានទំហំ 6.7 អ៊ីង នៅពេលដែលវាបើកជាមួយនឹងកម្រិត 21:9 aspect ratio។ ស្មាតហ្វូននេះ នឹងមានរ៉េមទំហំ 12GB និងម៉េមូរីទំហំ 256GB ៕
